Non todos os nenos sabían o que era unha lenda, mais agora na Aula Concilia de Mesía, si o saben.
Esta semana comezamos unha nova actividade semanal que se chama: “As nosas lendas”.
A partir de agora, unha vez a semana, a monitora contaralles unha lenda e os nenos farán un debuxo do que entenderon da mesma. Así, todos aprendemos xogando!!!!!
O pasado 19 de febreiro deuse comezo a unha clases de reforzo para os nenos e nenas de Valga de luns a venres. A tarde dividiuse en dúas franxas horarias, unha primeira de 4 a 5 na cal acoden os nenos e nenas de menor idade e outra franxa , de 5 a 7 dedicada os nenos e nenas de maior idade.
Nestas clases o alumnado preparou exames e realizou as tarefas diarias que deben facer na casa. Ademais diariamente reforzamos aqueles contidos que lle resultan máis complexos a cada neno ou nena.
Con motivo do día internacional da muller o venres 15 de marzo, xuntámonos ambos grupos e coa axuda de Beti a bibliotecaria do auditorio e do concello tivemos a sorte de realizar a lectura colectiva do libro “Cuando las niñas vuelan alto” e compartimos o que aprendemos ou reforzamos sobre as mulleres na sociedade e dos pasos que nos quedan por dar para conseguir a igualdade.
Coa avaliación do segundo trimestre realizada, só nos queda traballar moito para seguir acadando bos resultados!
Neste pasado mes de Febreiro traballamos estes campos a través de diversas actividades, sempre tratando de manter o interese das e dos asistentes, mantendo un enfoque de traballo interactivo e cooperativo, sempre tratando de crear un atractivo a través dunha ampla variedade de actividades.
Nas últimas semanas, traballamos as capacidades lingüísticas dos participantes a través de actividades escritas como a busca de palabras entre unha mestura de letras, ou como a conexión de palabras relacionadas, sinónimos ou antónimos; traballamos estas capacidades tamén de xeito oral fomentando así un traballo de maior de axilidade mental ao ter que dar unha resposta máis rápida e carecer de axudas como pode supoñer o ter as palabras escritas.
Traballamos tamén a concentración e atención a través de exercicios nos que se dispoñían unha serie de instrucións que os asistentes a estes talleres debían plasmar no papel.
Dun xeito máis distendido, buscamos exercitar a memoria a corto prazo, a atención e a concentración, así como o razoamento e a lóxica a través do xogo “Quen son?”, no que a través de preguntas aos demais compañeiros e compañeiras, cada un dos integrantes do grupo debía adiviñar que animal era.
Os nenos en nenas do servizo de Madrugadores do Concello de Mesía, con motivo do 8 de Marzo, fixeron unha asemblea na que coñeceron de primeira man a historia deste gran dia da Muller.
Nel, nenos e nenas puxeron en común as distintas propostas para conmemoralo e como axudarían a que non houbera desigualdades entre homes e mulleres.
Para rematar dita asemblea, os nenos fixeron unha postal co lema de: “Todo o que se fai se non se ve é como se non se fixera” .
Bravo por todas as mulleres do mundo!!!
O Concello de O Pino quere celebrar, un ano máis, o día da muller, primeiro cunha Andaina pola igualdade e a lectura do manifesto institucional e despois coa axuda do comercio local promovendo a reflexión sobre a igualdade de xénero.
No Concello de Frades colocou, aproveitando días de feira, un Punto lila na Ponte Carreira e outro en Abellá. Tamén estará dispoñible na casa consistorial para calquera consulta ou información.
Con motivo do 8 de Marzo, Día Internacional da Muller, o Concello de Portas en colaboración co Colexio C.P.I. Domingo Fontán, realizou varias actividades dirixidas ao alumnado de infantil e de primaria durante esta semana.
O martes 20 de febreiro deron comezo, tanto no CODI coma no Auditorio Municipal de Valga, os obradoiros de estimulación cognitiva organizados polo concello coa intención de contribuír ao envellecemento activo das persoas maiores e ofrecerlles alternativas de socialización.
Un total de trinta e dúas persoas gozarán destes obradoiros, dirixidos, na súa meirande parte, a maiores de sesenta e cinco anos; aínda que tamén asisten participantes de menor idade.
Estes obradoiros, impartidos todos os martes en horario de mañá, estenderanse ata o mes de xuño. Neles, tratarase de frear o deterioro cognoscitivo a través de exercicios e xogos que contribúan a estimular e adestrar a parte cognitiva e, deste xeito, colaborar para obter un maior benestar e calidade de vida dos participantes.
No mes de febreiro leváronse a cabo dúas sesións e, na primeira destas, recibiron a visita do alcalde e os seus concelleiros, os cales animaron aos asistentes a seguir participando tanto nesta actividade como naquel outras que leve a cabo o concello, especialmente as destinadas a este sector da poboación. Amais, traballouse arredor de actividades como son as dinámicas de presentación, as palabras encadeadas e ordenar letras para crear palabras.
Na segunda sesión crearon unha historia inventada conxuntamente, a cal debían recordar para responder posteriormente ás cuestións formuladas sobre a mesma. Do mesmo xeito, memorizaron palabras que logo tiñan que escribir, adiviñaron cancións e deletrearon palabras á inversa.
Finalmente, cómpre destacar que, en ditos obradoiros, traballarase o desenvolvemento cognitivo dunha forma lúdica e sempre tendo en conta os intereses e necesidades dos participantes, adaptándose ao ritmo de cada un e promovendo a colaboración entre todos e todas.
As clases de ximnasia de mantemento e de ximnasia adaptada transcorren con bo ritmo, as nosas participantes cada vez contan con mellor condición física, axuntamos algunha foto onde podedes ver que traballamos todas as nosas capacidades física, neste caso a coordinación!
No último mes, no Programa de Reforzo Educativo de Muros continuamos traballando arreo para facer fronte á última etapa desta Segunda Avaliación, posto que xa temos preto o calendario de exames finais.
Aínda así, nos últimos días tivemos tempo tamén de desconectar e relaxarnos pasando un bo rato durante as vacacións de Entroido. Pois aínda que nestas datas continuamos reforzando o que se precisaba, fixémolo dunha maneira máis dinámica e relaxada.
Así, estamos preparados xa para afrontar este novo empurrón, xa que de forma individualizada, fomos traballando e pulindo pouco a pouco todos aqueles aspectos educativos e formativos que nos dificultaban o proceso de aprendizaxe e acadamos mellorar. Probamos novas formas e ferramentas de estudo que nos axudaron a afianzar os contidos con maior seguridade e confianza en nós mesmos, o que nos motiva máis cara ó final