Cuntilín

 AS MULLERES DO RURAL

Aquí estamos dende o Cuntilín! Continuamos o noso camiño, e esta semana paramos en Guernica-Luno (Vizcaya). Como Guernica ten tanta historia, aproveitamos para que os nenos e as nenas a coñecesen. Falamos da guerra civíl, do bombardeo a Guernica e do cadro que pintou Pablo Picasso en homenaxe ao acontecido nese lugar.  Cada neno e cada nena pintou o seu propio “Guernica”.

Como tamén foi o “Día da muller rural”, aproveitamos para conmemoralo. Tivemos  unha charla sobre a a vida no rural e visualizamos diferentes curtametraxes onde falaban de como era a vida  de distintas mulleres, tanto no interior como na costa.

Como sempre, o estudo seguen sendo unha parte fundamental no Cuntilín de inverno para os nenos e as nenas a partir de segundo, os deportes no exterior, sobre todo con este tempo tan marabilloso que tivemos, e todas as actividades transversais que realizamos, como atención á diversidade, animación á lectura, etc.

E por fin vos podemos ensinar o mural de outono, que preside a entrada ao comedor, quedou moi bonito!

Ata a semana!

COMEZAMOS O CAMIÑO!

No Cuntilín empezamos a nosa viaxe con moita  ilusión. Como bos peregrinos e peregrinas  preparámonos para facer o camiño realizando un obradoiro de “cunchas” e lemos o conto “O Camiño de Santiago”.

O primeiro percorrido que imos a facer é o Camiño do Norte; iremos parando en diferentes pobos para ir coñecendo o máis relevante de cada un: a súa historia, a súa cultura, etc. Esta semana tocounos parar nunha cidade moi importante do País Vasco: San Sebastián.

Ademais tivemos tempo para outras actividades como “A oca dos alimentos saudables”, un debate sobre os estereotipos de xénero e  elaboramos uns animaliños con follas para o mural que estamos a piques de rematar e vos enseñaremos proximamente.

Ata a semana, familias!