EN MUROS TEMOS SUPERPODERES!!

Que non o cres??

Sí, sí, incrible pero certo, tal como estades lendo, fomos quen de con un simple xornal facer o noso propio papel, o cal logo decoramos con unha pintura en 3D elaborada por nós mesmos/as.

E non tan só iso se non que tamén transformamos uns tarros de barro totalmente estragados nunhas fermosísimas macetas que aproveitamos para realizar a nosa horta persoal, de onde, con un pouquiño de auga e moitos agarimos, de seguro medrarán unhas marabillosas fabas.

E todo isto sen deixar de divertirnos con xogos, bailes, xincanas, música e moita troula….

Ata a vindeira amigos/as!!

Conciliamos en Semana Santa

Na xornada de hoxe deron comezo os Campamentos de Semana Santa nos Concellos de Arbo, O Pino, Mesía e Muros. O obxectivo dos mesmos é axudar ás familias a conciliar a vida laboral e persoal neste período de vacacións escolares.

Nesta ocasión coa temática «EcoPrimavera» as crianzas coñecerán o desenvolvemento sostible e sensibilizaranse co medio ambiente a través de xogos, obradoiros, xincanas…

CONTOS POLO NADAL NO PINO

Unha vez máis damos por finalizada a tempada do Nadal e, con ela,  Lecer Nadal O Pino.

Este ano nosas e nosos peques convertéronse en reposteiros cociñando galletas, xogaron con neve, bailaron, tomaron as uvas coas badaladas, mesmo recibiron a visita dos Reis Magos!

Os contos de Nadal foron os grandes protagonistas desta tempada, ofrecéndonos alternativas creativas, imaxinativas e moi divertidas coas que gozar do tempo que pasamos xuntos.

E como todo bo conto, non podemos despedirnos doutra forma máis que…. E  colorín colorado, este conto está rematado!

Feliz Aninovo!!!

CUNTILÍN DE NADAL

Este Nadal no Cuntilín pasámolo xenial. Descansamos dos estudos e da rutina e divertímonos con  actividades moi variadas.  Lemos contos e visualizamos fragmentos de películas típicas destas datas, realizamos obradoiros de reciclaxe como uns renos. Non nos esquecemos de escribirlle a carta a Papá Noel e aos Reis Magos e elaboramos postais  de nadal e outros adornos para decorar a aula e as nosas casas.

 Desfrutamos ó ritmo de todo tipo de xogos: xogos musicais e just dance. Tamén tivemos un concurso de bromas, o día dos Santos Inocentes e unha gran festa de fin de ano, na que lucimos moi elegantes  cos accesorios que previamente elaboramos.

E rematamos “Cuntilín Nadal” con outra festa de despedida e con unha xincana doce, na que despois de diferentes probas levaron algunha lambetada como agasallo.

Un saúdo!

E VÓS, SABEDES ALGÚN CONTO DE NADAL?

Estas vacacións as nenas e nenos que participaron no concilia Nadal de Muros non se aburriron nin un chisco. Andiveron mergullad@s no mundo dos contos; e coñeceron a un montón de personaxes. E a que nos sabedes que lles pasou? Veu alguén misterios@ e  fíxoos desaparecer; tal foi a cousa que si queríamos volver a vel@s, deberíamos pasar unha serie de probas. Desta maneira, cada día tratouse un conto distinto e realizando actividades como construción de marionetas, obradoiro de galletas, neve artificial, animaliños de refugallo… ademais de xogos de pistas e grandes retos… ahhhh…e sen esquecernos que ata lle fixemos unha orixinal carta aos reis magos.Un sinfín de actividades a través das cales conseguimos que todas as personaxes voltaran con nós. E rematamos facendo unha gran festa con: Rodolfo o Reno, Bernardo o elfo, Paco o boneco de neve, Pepe o grinch, Jengi a Galleta, Lola a rá, Maripí a pitiña, Geni a pingüina  e tamén se uniron Baltasar, Melchor e Gaspar. Vaia festaza nos montamos pero iso sí mascarilla e distancia interpersoal, ante todo, as medidas hai que respectalas sempre.

Un saúdo

Ata  próxima

Obradoiro de cupcakes de Nadal en Sigüeiro

A todos gústannos os doces, e así de ben llo pasaron os e as peques de Sigüeiro decorando cupcakes

Aínda que antes de decoralos hai que facelos, claro, así que puxéronse ao choio e prepararon unha  riquísima masa para enfornar uns estupendos cupcakes. Mangas pasteleiras con delicioso «frosting» de queixo crema, estreliñas de azucre, nubes ou lacasitos foron algúns dos toppings empregados por estes e estas aspirantes a chef para as súas creacións. Quedaron preciosos e, o mellor, deliciosos!!

UN CONTO DE NADAL

Benvidos ao Cuntilín de Nadal. Aínda que non son moitos días, si os suficentes para desfrutar destas datas cos compañeiros e compañeiras do Cuntilín. Teremos sorpresas, diferentes obradoiros de Nadal, visitas , talleres de cociña, festas como a de Fin de Ano ou a de despedida, xogos, “just dance”… como vedes non nos imos aburrir. Esperámosvos no CPI Don Aurelio Marcelino Rey García os días 22, 23, 27, 28, 29, 30  de decembro e 3, 4 e 7 de xaneiro,.

Aquí vos esperamos!

Un saúdo!

Cociña infantil en Sigüeiro

Quen dixo que os nenos e as nenas non podían cociñar? Neste curso de cociña infantil estamos a demostrar que iso non é verdade, poden cociñar, e moi ben!

Desde emoticonos de avea e plátano ata pizzas de Samaín con forma de momia, pasando por arañas de galleta ou pollitos de ovo, esta cociña non só está rica, senón que é tremendamente creativa!

Para mostra, un botón, aquí deixámosvos algunhas das creacións das nosas e nosos mini-chefs.

Bo proveito!

II Xornadas de Empoderamento feminino

Unha decena de mulleres do Concello de Caldas de Reis, participaron o pasado sábado nas II Xornadas de Empoderamento feminino.
Unha xornada que combinou accións formativas e culturais co obxectivo de favorecer a desconexión e o autocoidado.
Moitas grazas a todas pola vosa participación!