Cuntilín Verán

O Cuntilín de verán chega o seu fin e rematamos por todo o alto cunha gran festa final. Desfrutamos dunha merenda saudable e de inchables, pasámolo xenial!

Á clausura viñeron o alcalde e outros membros da corporación municipal.

Pero ademais, estes últimos días desfrutamos de actividades moi especiais: tivemos unhas olimpíadas, una festa de pixamas, una sesión disco, creamos pompas de xabón xigantes e de todos os tamaños… Non faltaron os obradoiros, como por exemplo o de xirasoles.

Tamén recordamos as normas de tráfico e levamos a cabo unha xincana de vehículos sen motor polo patio.

Recibimos unha visita especial por parte do Clube de salvamento Umia, de Caldas de Reis, que nos fixeron unha exhibición na piscina municipal.

Como vedes, non dou tempo a aburrirse e sen darnos conta o Cuntilín de verán xa se terminou! Seguimos no Cuntilín do curso, que comeza o luns 11, xa en horario de tarde.

Ata a próxima. Grazas por todo!

Moi boas dende o Cuntilín!

Unha semana máis aquí estamos, a piques de rematar o verán pero coas mesmas ganas de sempre!.

Esta semana no Cuntilín volveunos a visitar Benji.Tivemos que resolver un novo misterio, atopar o seu gato! logo de superar probas e resolver enigmas ao fin puidemos devolver o gato ao seu dono.

Outra das actividades que realizamos, foi unha festa de disfraces creativos. Cada un e cada unha, tivo que empregar o enxeño para realizar o disfraz máis orixinal.Rematamos con un desfile e unha festa.

Este verán, o Cuntilín está cheo de avespas asiáticas ou máis coñecida como velutinas. Como son unha especie invasora, ademais de perigosa polo seu tamaño, aproveitamos para facer unhas trampas. Están funcionando á perfección!

Rematamos a semana con unha saída á piscina. Aínda que o tempo non nos acompañou moito, si nos dou unha tregua e puidemos desfrutar duns chapuzóns.

Ata a próxima!

Aquí estamos de novo dende o Cuntilín!

Esta semana seguimos investigando… Comezamos o luns, realizando un «Cluedo en vivo» entre todas e todos, buscando as pistas para descubrir ao culpable.

O martes tivemos un dos mellores días do verán, en canto ao tempo,  e aproveitamos para facer unha festa da auga. Como sempre, encantoulles.

O mércores fixemos  un scape room de misterio, onde había que ir superando diferentes probas e, como boas e bos detectives, conseguir adiviñar quen cometeu un delito. O xoves coñecemos o fútbol gaélico, a súa historia, normas, practicamos como se xogaba, etc.

Rematamos a semana cunha saída pola beira do río, na que poidemos probar a tirolina. Est foi o máis relevante destos días. Seguiremos informándovos…

Lembrade que Cuntilín pecha a semana das festas patronais!

Vémonos o luns 21!

Que pasedes unhas boas vacacións!

Familias!

Aquí seguimos no Cuntilín de verán desfrutando do bo tempo, das festas de auga, das saídas pola contorna e por fin da tan esperada piscina!

Ademais continuamos coa nosa programación «Benji Holmes», facendo diferentes xogos de pistas, xincana de detectives, probas por equipos, descifrar códigos secretos e un sinfín de actividades máis.

Como houbo algún día que o tempo non acompañou, aproveitamos para unha sesión de cine, e unha festa temática de disfraces.

Para rematar, tivemos unha exhibición de taewkondo, encantounos!

Ata a semana!

Estes días no Cuntilín estivemos creando e coñecendo a Benji Holmes, personaxe que (como xa vos contamos) nos vai a acompañar no noso Campamento de verán. E xa empezamos a sumerxirnos nese mundo de aventuras que o rodea. Imaxinamos que somos detectives, como Benji, e desciframos mensaxes ocultas,  atopamos obxectos perdidos, investigamos de quen eran unhas pegadas e, en definitiva, entretivémonos pasándoo moi ben.

Ademais, fixemos outras actividades como a saída ao parque do Espadenal e unha festa da auga, na que xogamos a diferentes xogos, dos que ninguén saíu sen mollarse.

Seguiremos informándovos… Ata a semana!

Benvidas e benvidos ao Cuntilín de verán!

Outro ano máis comeza a nosa aventura, pero se temos que dicir a verdade… aquí xa estamos a pleno rendemento dende  fai un par de semanas!

Este verán, a programación que nos vai a  acompañar leva o nome de: «Benji Holmes e os catro misterios do campamento». Como podemos intuír polo título, xirará en torno ao mundo dos detectives, misterios que teremos que resolver e unha morea de emocionantes aventuras que farán que o pasemos xenial nestas vacacións. Pero sen esquecernos de que estamos no verán e que os xogos de auga, as saídas á piscina, as  excursións polo pobo, os xogos temáticos, etc. tamén  formarán parte das actividades coas que imos desfrutar .

Para a semana contámosvos máis…

Un saúdo!