Campamento de Verán de Arbo

NON HOUBO PISCINA POLO MAL TEMPO PERO AÍNDA ASÍ…

Arrancabamos esta segunda semana ca visita de lecer consumo (programa da escola galega de consumo da Xunta de Galicia).

O mércores tiveron unha saída a biblioteca municipal na que houbo un obradoiro “da árbore o libro” (programa ler conta moito da Xunta de Galicia), onde lle explicaron os nenos e nenas como se facían os libros dende que o escriben ata que se imprimen, as súas partes e cantos profesionais interviñan no proceso. Por último fixeron eles os seus propios libros.

Pero isto non foi todo, dentro do noso programa de tradicións coñecemos a tradición China do origami, cun taller no que fixeron unha rás, tamén falamos da maratón de Boston e como non podía ser doutra maneira foi acompañada dunha xincana deportiva.

Xogaron a xogos coma o Yeti, o brilé sentado, o cazador o can e a lebre…

Tamén houbo contacontos para os mais pequenos: Arturo e clementina e Un puñado de botóns.

VERÁN DE XOGOS E TRADICIÓNS

Un ano mais o Campamento de verán de Arbo abre as súas portas a nenas e nenos do pobo e da súa contorna. Este ano os participantes coñecerán mediante xincanas e xogos as tradicións máis importantes do noso pobo, da nosa comunidade e algunhas un pouco máis lonxanas ,pero non so iso, tamén terán deportes e saídas varias.

Nestes primeiros días coñeceron a lenda de San Fins, os carnavais máis importantes de Galicia, saíron a piscina e xogaron a numerosos xogos que aínda non coñecían.