Escola de Verán O Pino

Como traballamos!! Estes días a creatividade estivo ao mando da Escola de Verán, e é que nos deu por facer manualidades!

Un día atopamos unha carta de alguén que nos pedía que fixésemos un mural con materiais que puidésemos recoller no Camiño… e así o fixemos! Puxémonos ao choio e saímos a recoller follas e paus que puidésemos utilizar como «pinceis» . Quedounos un mural estupendo!

Pero non só fixemos iso, con botes de plástico decorados con adhesivos, fixemos unhas huchas súper útiles e con cartolina e bolsas de conservación fabricamos unha tablet… si, si, unha tablet, ou un móbil, o que prefirades, un  deses de pantalla máxica onde pintamos e borramos cos dedos, unha chulada!

E para poder levar todo iso de paseo… un bolso de lona! A partir de agulla, la, lona e o orgullo de facelo coas nosas propias mans, saímos da Escola de Verán cun bolso novo!

Por suposto, entre manualidade e manualidade, non nos esquecemos de correr, saltar e xogar.

Ah! que aínda queda algo máis, por se non traballásemos suficiente, estivemos preparando a nosa festa para despedir agosto… pero iso é algo que contaremos na próxima.

Unha semana máis e outro fin de quenda que celebramos na escola de verán.

Durante estes días tivemos que esforzarnos moito por resolver un misterio, alguén cometera un asasinato no albergue e debiamos pescudar quen! A través das pistas e as probas que nos deixou o ou a culpable, tivemos que investigar ata dar coa súa identidade, que por suposto sería un personaxe histórico famoso, unha muller, concretamente  Marie Curie. Que divertido e interesante foi!

Tamén tivemos a oportunidade de achegarnos ás letras, de novo da man dunha actividade de Ler conta moito no centro sociocultural, «a ruleta das letras» onde tivemos que prestar moita atención ás letras para resolver paneis e gañar premios.

Pero por suposto non podemos deixar de lado a creatividade, xa que nosos e nosas participantes non perden ocasión para desenvolvela, calquera momento é bo para poñerse a debuxar, aínda que neste caso foron os e as máis peques quenes fixeron o mellor dos seus esforzos para crear a un peregrino… ao que por un motivo ou outro só lle chegaron a poñer tres pelos, e así foi como os bautizamos, «os peregrinos de tres pelos»

E chegamos ao final coa nosa tradicional celebración de fin de quenda, esta vez por televisión! si, si, pero tranquilidade, non nos viñeron a gravar nin nada, só quixemos facer a nosa propia programación de televisión para así poder participar nela en lugar de estar sentados fronte á pantalla tan só mirando.

Concursos, publicidade e ata telexornal! Pódese pedir máis?

Estamos de festa no Pino! Pois si, esta fin de semana é a festa do Galo Piñeiro e Mostra Cabalar, así que na escola de verán quixemos facerlle unha chiscadela e confeccionar o noso propio galo de origami, que ademais nos servirá para xogar e facer carreiras cos demais galos, porque corren e son super divertidos!

Tamén nos mergullamos na arte, nesta ocasión pintamos uns murais sobre o camiño de Santiago que nos quedaron de dez, e utilizamos materiais propios do camiño para dar renda solta á nosa imaxinación.

Non nos faltou de nada, ata experimentos con auga fixemos. Hai que ver como nos emocionamos cando aparecen cousas da nada coma se fose maxia, pero todo ten a súa explicación…. ou non?

Novamente alcanzamos o final de quenda, que sempre é especial porque dicimos adeus (ata a próxima) a algunhas e algúns participantes da escola de verán.

Durante a semana, ademais das nosas actividades e creatividade habituais, puidemos gozar dun contacontos divertidísimo ao que convidáronnos no centro socio-cultural. Cunha enerxía incrible e facendo uns efectos de son que arrincaron máis dun sorriso, presentounos a «Frumario, o bibliotecario», que tentou inculcarnos o seu amor polos libros.

Nesta ocasión, o noso final de quenda foi moi doce, xa que gozamos dunha festa na que obsequiouse a todo o mundo cun pequeno algodón de azucre e, entre susto e susto polos que explotaban, púidose ver aos e as máis peques xogando con espadas ou cachorros de globos.

Adeus xullo…. ola agosto!!!

Na Escola de Verán tivemos unha semana cargadiña de contido!

Seguindo coa nosa propia versión do Camiño de Santiago, xa temos unha credencial especial na que poder ir recollendo cuños tódolos días, por suposto, de fabricación caseira e personalizada.

Entre xogos e manualidades, puidemos visitar o centro socio-cultural para unha actividade especial «Ti si que es un bo peixe», e no pavillón convidáronnos a bocadillos despois de ofrecernos uns xogos super entretidos durante a actividade «Fai clic ao teu bocata», na que nos ensinaron a preparar bocadillos saudables feitos con conservas.

Tanto nunha como na outra nos falaron da importancia do peixe na nosa dieta, así que xa sabedes, hai que comer peixe tres veces por semana, as conservas tamén contan!

Esta foi unha semana marcada pola calor intensa, polo que na Escola de Verán do Pino fixemos o posible para combatela e seguir pasándoo igual de ben que sempre.

Por suposto tivemos os nosos xogos de auga, imprescindibles para refrescarnos, pero iso só foi o principio!

Saímos de excursión para coñecer un pouco o Camiño de Santiago, e que ben se estaba á sombriña das árbores, disfrazámonos e tivemos un final de quincena espectacular! E nunca mellor devandito, porque para celebrar que terminamos a primeira quincena de xullo tivemos o noso propio espectáculo de Ti si que vales, hai que ver o talento que teñen todos e todas! Obras de teatro, bailes ou exhibicións deportivas, de todo un pouco.

Ao final foi o grupo “Super Babies”, peques de 3 a 5 anos, os que se alzaron co triunfo e puideron  levantar o ansiado trofeo, parabéns!

Grazas por esta gran semana!

Xa está aquí, xa chegou, a escola de verán do Pino!! e vén cargada de actividades, música, creatividade e moita, moita diversión!

Xa empezamos a coñecernos e a cousa pinta mellor que ben, e coas ganas que tiñamos de poder xogar todos e todas!

Estamos convencidos e convencidas de que vai ser un verán inesquecible.

Arrincamos motores e en marcha!!