CURSO DE ALFABETIZACIÓN DIXITAL EN CALDAS DE REIS

Está a piques de terminar o curso de alfabetización dixital impartido en Caldas de Reis unha vez por semana durante os meses de maio, xuño e xullo.

Nel, os nosos maiores tiveron a oportunidade de achegarse un pouco máis ás TIC e aprender ou perfeccionar o uso de aplicacións básicas de uso diario e estendido, como o correo electrónico, o WhatsApp ou a aplicación do SERGAS.

Durante o tempo que durou este curso, ofreceuse un espazo próximo e distendido no que aprender de forma amena e agradable e brindarlles un pouco máis de autonomía á hora de empregar as mencionadas TIC.

Esperando alcanzar o obxectivo, só queda agradecer a asistencia, ademais do agarimo e o esforzo demostrado ao longo destes tres meses.

Parabéns!

ACTIVIDADES NOS CENTROS SOCIOCOMUNITARIOS

Nos centros sociocomunitarios de Fene, Santa Comba e Corcubión, concluímos un ano máis as actividades que con gran acollida vimos desenvolvendo desde hai uns anos. Pintura, manualidades, ximnasia, pilates, talleres de memoria, informática, labores… son algunhas das que teñen maior participación.

Cunha festa de final d e curso, despedímonos ata despois do verán

ACTIVIDADES CON MAIORES EN CALDAS

Ao longo dos meses de maio a xullo o Concello de Caldas puxo en marcha actividades pos pandemia para a xente maior, o que se pretendía e conseguiuse, era reactivar e dar a oportunidade aos nosos maiores de volver á súa vida pre pandemia. Neste caso as actividades propostas foron Pintura, Talleres de Memoria e alfabetización dixital, todas elas celebradas con gran éxito.

O NADAL REGRESA Á MEMORIA

Ó longo do mes de decembro, os participantes dos obradoiros de memoria de Cuntis, realizamos diferentes actividades lúdicas e formativas, entre as cales se atopan os xogos de mesa ou a creación de diversas e orixinais historias mediante a escritura creativa. 

Ademais, e posto que non podemos esquecer as datas nas que nos atopamos, ó longo da última semana, celebramos a festa de despedida do ano 2019, na cal puidemos disfrutar de bebidas e doces típicos do Nadal. 

Obradoiros de Memoria

A principios do mes de outubro espezaron os Obradoiros de Memoria no Concello de Dodro. Son para persoas maiores de 60 anos.

As xornadas son de dúas horas e realizaranse en diferentes parroquias sempre e cando haxa un mínimo de 5 persoas.

BEXO: luns de 16.00 a 18.00 horas.

LESTROBE: luns de 18.15 a 20.15 horas.

VIGO: martes de 16.00 a 18.00 horas.

TALLÓNS: martes de 18.15 a 20.15 horas.

IMO: mércores de 16.00 a 18.00 horas.

TRAXEITO: mércores de 18.15 a 20.15 horas.

TEAIO: xoves de 16.00 a 18.00 horas.

Continuamos cos talleres de memoria en Cuntis.

Se o comezo no mes de outubro estivo caracterizado polo proceso de presentación e adaptación ás características das usuarias e ás experiencias pasadas, este mes de novembro destaca pola confianza obtida neste período. Este factor supuxo a capacidade de perfilar os exercicios e actividades ás características das participantes dun xeito máis acertado, xa sexa a nivel individual coma a nivel grupal.

Precisamente, as actividades que englobaban ao grupo enteiro, aquelas de carácter máis lúdico, son as máis complicadas de adaptar se intentamos ofrecer un xogo no que se exerciten as capacidades intelectuais dun xeito divertido. Sen embargo, existen diversas opcións. Este mes centrámonos en empregar materiais que están ao alcance de calquera.

Así pois, con papel, bolígrafo e algo de tempo pódese deseñar un bingo caseiro, exercicio perfecto para poñer en práctica a capacidade de atención e percepción. Se pola contra decidimos non perder tanto tempo cos preparativos, unha baralla de cartas pode ser unha moi boa alternativa, pois xogos coma o “reloxo” ou o “despistado” exercitan estas dúas áreas cognitivas, ademais de empregar o cálculo ou a capacidade de reacción en menor medida. Ademais, por testemuñas das propias usuarias, son unha excelente maneira de botar o tempo na casa, implicando así ao resto de familiares neste proceso de estimulación cognitiva.