Campamento de Verán de Pontecesures

Chegou o momento de pechar as portas do campamento ata o próximo verán, e aínda que nos imos cun pouquiño de pena, facémolo moi agradecidos por compartir estas semanas cos nenos e nenas, por desfrutar tanto da súa compañía e por enchernos da súa alegría e enerxía interminable.

Nesta última semana puxemos un “check” a todas esas tarefas e propostas que tíñamos pendentes e que non queríamos esquecer. Por unha banda, emprendemos unha pequena ruta polo concello, facendo o percorrido propio do Camiño de Santiago (o tramo do Camiño Portugués que pasa pola vila de Pontecesures).

Na seguinte xornada, ca finalidade de fomentar a práctica de deporte como parte da vida saudable, así como a importancia de aprender a traballar en grupo independentemente da idade, sexo ou habilidades de cada participante, traballamos en dous equipos heteroxéneos; cada un deles escolleu un nome representativo do equipo, un capitán e un selo identificativo. E deste xeito, pasamos a mañá realizando xogos cooperativos cos que afianzamos o sentimento de grupo.

Por outra banda, tivemos a oportunidade, grazas á coordinación e á colaboración do Concello da vila de Pontecesures, de visitar Casa do Concello. Alí esperábamos Maite, a alcaldesa, coa que falamos daqueles temas referentes ao municipio que aos nenos e nenas lle xeraban curiosidade: os animais abandonados, como se solucionan problemas, cando hai cousas en mal estado, da importancia de estudar e do mal uso teléfonos móbiles e dos servizos cos que contamos como a policía local, a axuda na búsqueda de traballo, axuda a persoas maiores… Logo, a alcaldesa acompañounos ata a biblioteca municipal, onde coñecemos a Laura, a bibliotecaria. Ela falounos sobre cómo se xestiona a biblioteca, o préstamo de libros e dos servizos cos que contan os cidadás nunha biblioteca. Puidemos ollar a sección de obras e literatura infantil e xuvenil, e algún que outro participante foi anotando as súas futuras lecturas. Antes de retomar o camiño ao campamento, falamos sobre a creación dun carné lector; os nenos e nenas puideron levar aos seus fogares as follas para a súa realización, así como un agasallo para que lembraran esta bonita visita.

E rematamos cunha xornada de festa e xogos no exterior; como non podía ser doutra maneira, a auga foi a protagonista. Os nenos e nenas desfrutaron tanto cas festas da auga durante o verán que esta última tiña que ser así. Con moito agarimo despedimos a cada participante, e agradecemos ás familias o moito que colaboraron con nós.

Esperamos que teñades un bo final de verán, e que nos vexamos de novo!

Sen darnos conta, comezou a conta atrás para rematar o verán… e por iso, no campamento de Pontecesures exprimimos as xornadas o máximo posible! Continuamos a descubrir multitude de curiosidades dos nosos países veciños, as súas tradicións e costumes, da man das asembleas temáticas e das búsquedas de tesouros escondidos nas inmediacións do centro, cas que os nenos e nenas poñen en práctica o aprendido, ao mesmo tempo que desfruta das actividades no exterior, e que nestas últimas semanas se están convertendo nunha proposta moi querida por todos e por todas.

Agora ben, como nesta quincena do mes de agosto o número de participantes é máis baixo, decidimos facer un único agrupamento, e así unir as propostas, as ganas e as grandes ideas de cada neno e de cada nena nun único equipo; deste xeito, os participantes máis maiores disfrutan das actividades plásticas que tanto entreteñen aos pequenos, e estes últimos aprenden novas maneiras de xogar, as súas normas e quendas. E así, entre todos compartimos as ideas e coñecemos curiosidades sobre a tradicional festa vikinga, rematando ca elaboración dos seus cascos tan característicos; e do mesmo xeito cos elementos propios da cultura asiática, perfeccionamos a creación dos vistosos origamis de cores.

Entre tanto traballo… non podíamos perder a oportunidade de refrescarnos durante as xornadas, polo que fixemos uso dos globos de auga nos seus diferentes tamaños e versións para facer unhas pequenas olimpíadas acuáticas! Dende carreiras de relevos resbaladizas ata xogos de equilibrio en equipo, bombas acuáticas, pompas de xabón xigantes e lanzamentos que a todos nos mantiñan ben atentos, combatimos as altas temperaturas do mediodía.

Ben sabemos que os nenos e nenas que forman parte deste equipo, independentemente da súa idade ou dos seus intereses e habilidades, nos sorprenden día a día co seu inxenio e creatividade. Pero… se alguén tiña alguna dúbida ao respecto, deixáronolo moi claro durante a festa de disfraces que tanto disfrutamos o pasado mércores na xornada do campamento de verán; non só nos deixaron impresionados cos seus disfraces, caretas e complementos, senón que nos fixeron rir e aplaudir ante os espectáculos protagonizados durante o desfile organizado. Neste, ben de xeito individual, en parellas ou en pequenos grupos, deleitaron ao público e gañáronse os votos merecedores de premio cos seus andares, bailes e incluso interpretacións, houbo todo tipo de espectáculos!

Nun abrir e cerrar de ollos, atopámonos na metade do verán… e aínda que ata o momento dende Pontecesures non podemos queixarnos de nada, estamos seguros de que o mellor está por chegar! De feito, nesta primeira semana do mes non paramos de traballar nin un solo minuto, xa que non queremos perdernos ninguna oportunidade de desfrutar en tan boa compañía.

Deste xeito, retomamos co grupo dos máis pequenos a nosa sección de contos tradicionais; nesta ocasión, da man do “Galo Quirico” visualizamos a obra e deixamos reflexado o inxenio tan característico da cativada cun mural deste animal ao que personalizamos enchéndoo de plumas de cores. É máis, se queredes observar a obra final, achegádevos ás ventás do campamento!

E para non perder de todo nestos meses o fío do cole, demos unha clase curtiña pero ben exprimida sobre a xeografía e a historia do continente de Oceanía; iso si, dunha forma moi divertida! Rematamos esta “mini clase” ca creación dunhas máscaras maorís, cas que nos reímos moitísimo decorándoas.

Por outra banda, puxemos as mochilas á espalda e enchemos ben os termos de auga para facer a nosa saída semanal! Visitamos “O Coche de Pedra” do noso concello, onde coñecemos un pouquiño máis da súa bonita historia, e aproveitamos para facer a nosa fotografía tradicional á beira dos muráis da localidade.

E de volta ao campamento… puxemos en marcha o taller da semana; dende sesións de ioga ata receitarios divertidos con froitas, pequenos e maiores ensináronos o fortes e sanos que son, e o moito que coñecen sobre levar unha vida saudable. Para publicitar estas propostas, o grupo dos máis maiores sacou a súa faceta artística e elaborou uns carteis, dos que posteriormente, e en gran grupo, procedemos a puntuar. O ganador podédelo ver na porta do campamento, así como nas fotografías que vos presentamos semanalmente.

Finalizamos a xornada refrescándonos no patio cunha das nosas festas da auga, ensinándolle aos novos participantes o ben que o pasamos en Pontecesures!

Para rematar este mes de xullo dun xeito inolvidable, no campamento de Pontecesures exprimimos os últimos días cunha chea de propostas e actividades; dende percorrer o paseo á beira do río observando e desfrutando da súa paisaxe tan característica ata improvisar un cine nas dependencias do ximnasio, onde as colchonetas se convertiron nunhas butacas do máis cómodas!

Por outra banda, nestos días as olimpiadas deportivas no espazo exterior foron todo un éxito! Os nenos e nenas, sexan dos máis cativos ou dos maiores, non esquecen pedir os xogos tradicionais; tanto as carreiras de relevos como os clásicos pilla-pilla e o escondite, sempre teñen cabida nas actividades de tipo deportivo.

Iso si, a mellor forma de combatir as altas temperaturas non ten rival ningún… si hai unha cousa da que estamos seguros é de que precisamos continuar cas festas da auga; a pesares de que hai participantes que prefiren extender a toalla ao sol e refrescarse tranquilamente, a gran maioría vai dereitiña a un punto esencial destas festas, o foco da mangueira.

E con este cerre de xullo, chegaron as emocións encontradas… os nenos e nenas que rematan a súa estancia no campamento e aqueles que continúan ata o final do verán tiveron que despedirse polo momento, ata o seu reencontro nas aulas en septembro. E a pesares de que os botaremos moito en falta, estamos seguros de que a todos nos espera un agosto moi divertido e entretenido! De feito, así comezou; reecontrándonos con antigos amigos e amigas e coñecendo ás novas monitoras, puxemos en marcha a primeira proposta artística do mes: un mural colectivo cas pegadas de todos os nenos e nenas para celebrar o comezo desta nova experiencia.

A pasada semana finalizou dunha maneira inmellorable no campamento de Pontecesures; os nenos e nenas de todas as idades, cun globo de auga nunha man e pistola de xoguete na outra, pasaron a xornada do venres á beira da mangueira, refrescando a todos os seus compañeiros (e monitores) no patio exterior do centro. A primeira festa da auga que celebramos veu acompañada dunha merenda ao sol mentres nos secábamos e relaxábamos despois de tan pesada labor (asegurarse de que todos e todas permanecen ben fresquiños é moi agotador!); por iso, estendemos as toallas no chan e tendemos os traxes de baño ao sol e rematamos a xornada con xogos tutelados ao aire libre.

Por outra banda, as monitoras do campamento argallaron unha maneira de proxectar un corto cinematográfico ao grupo de participantes máis pequenos co que poder amosarlles dun xeito máis lúdico a importancia de vivir en condicións de igualdade entre homes e mulleres, sen prexuízos ou estereotipos de calquera tipoloxía. E, a pesares de que temos en mente mellorar a experiencia do momento de visionado, o resultado foi moi positivo.

O que si que é inmellorable é a visita que nos deron o martes dende o concello, acompañada dun obradoiro para conmemorar o Día das Letras Galegas do 2024; nel, fomos partícipes dun contacontos con música en directo incluído, no que os nenos e nenas de todos os grupos estiveron presentes, mais a posterior elaboración dun mural representativo da temática.

E no día previo ao día festivo, decidimos entre todos dispoñer toda a xornada no exterior, con diferentes xogos e deportes con corda e pelota que os nenos e nenas piden realizar sen descanso, cun ansia como si fora a primeira vez! E como non, a súa xa tradicional construción de cabanas e covas con todos aqueles materiais que se van atopando polo camiño, que van mellorando semana a semana con novos inventos.

Dende o campamento desexamos aproveitar ao máximo os días de sol e bo tempo e deste xeito ofrecerlles aos nenos e nenas novas experiencias cas que facer deste un verán que non olviden; para iso, planificamos una saída semanal con diferentes temáticas: dende andainas pola contorna, merendas no exterior, visitas e observación das tendas e comercios locais e tempo de disfrute nos parques de xogos do concello. A primeira destas saídas tivo lugar o venres 12 de xullo, xornada na que emprendemos unha camiñata dende o campamento ata o Campo da Insua (A Ponte) chea de encontros e saúdos con peregrinos e peregrinas de diversas nacionalidades cos que compartimos momentos do máis enriquecedores. Ao chegar ao noso destino recargamos enerxía cunha merenda no campo e celebramos o aniversario dun dos participantes do campamento.

Os días seguintes retomamos as actividades rutinarias; desta vez, da man de propostas manipulativas ca temática do Entroido e diversas tradicións en diferentes partes do mundo como máscaras e disfraces elaborados polos participantes que ao finalizar levaron aos seus fogares; e, por outra banda, actividades deportivas nas instalacións do campamento en pequeno e gran grupo.

Así mesmo, puxemos en marcha un taller focalizado na alimentación saudable no que os nenos e nenas dos grupos de 3 a 8 anos realizaron un mural recreando a recoñecida “pirámide dos alimentos” a través da decoración e correspondente colocación dos mesmos.

E xa de cheo na segunda quincena do mes, demos a benvida aos novos nenos e nenas que se unen a este gran equipo e traen consigo historias que compartir, xogos que amosar e moito do que seguir aprendendo e disfrutando en boa compañía, sen perder así esta tradición que estamos a construír.

Dende o campamento do Concello de Pontecesures damos a benvida a un verán repleto de rencontros con multitude de amizades e novos compañeiros e compañeiras no que compartiremos as xornadas dos próximos meses; para iso, poñemos en marcha propostas didácticas e lúdicas de todo tipo.

Comezamos con xogos en gran grupo para poder coñecernos mellor: os nosos intereses, habilidades e gustos persoais, formando desta maneira un vínculo moi especial. Dende os máis cativos ata os maiores do grupo, gozamos da compañía nos mellores momentos e da axuda que precisamos en tantas ocasións.

Por outra banda… arrancamos cunha temática que a todos e todas nos chama a atención e ca que nunca deixamos de aprender cousas novas; ao longo das xornadas, os monitores e monitoras do campamento preparan propostas diversas para introducir á cativada na maxia das tradicións, alternando actividades manipulativas nas que poder empregar a creatividade propia de cada neno e cada nena con aqueles xogos ao aire libre nos que poder desfrutar a través da actividade física.

Ademais, no tempo adicado ao xogo libre tutelado, nestas primeiras semanas lideran os talleres de elaboración de xoias con abalorios nos que tanto os grandes coma os pequenos intercambian as súas creacións, experimentan ca multitude de opcións que teñen cabida e levan aos seus fogares os produtos finais.

A pesares de ser cada día un novo misterio a resolver entre todos, non nos cabe dúbida de que vai ser un verán cheo de marabillosas experiencias.