Ludoteca de Verán de Caldas

Nesta xornada, intensa, pero que moi intensa, as crianzas e monitoras da Ludoteca despedimos o verán con moita ilusión polo que segue, pero con certa pena por deixar a novos amigos e novas amigas, os xogos, os momentos de diversión e anécdotas … que converteron este verán nunha experiencia máxica e inesquecible para moitas e moitos de nós.

Ao longo de xullo e agosto … pasiño a pasiño fomos facendo camiño… aprendendo infinidade de cousas sobre o Camiño de Santiago, sobre Caldas e sobre a nosa fermosa terra, Galicia. Compaxinamos todos eses momentos con xogos e actividades lúdicas, con saídas dentro e fora de Caldas, pero sempre con moita ilusión e gañas de converter os meses de verán das vosas crianzas en momentos de diversión e recordos para moito tempo.

A xornada de hoxe, para recordar: xogos, disfraces, karaoke, bailes, diversión, merendola … buff ese xarope de chocolate!! jejejeje… pero que nos soubo a pouco xa que nos quedaron cousas por facer… en fin,  nunha palabra xenial!

Dende este pequeno recuncho de noticias, moitísimas gracias a todas as familias pola vosa participación nesta experiencia e aventura diaria ao longo deste verán.

Agardaremos con ilusión a seguinte aventura!!!

Moitos bicos …

Estas xornadas de Ludoteca andamos coas derradeiras visitas deste verán. A intensa actividade dos nosos convidados fíxonos retrasalas un pouco, pero ao final quedamos moi encantados/as pola súa presenza e pola aprendizaxe das crianzas (o labor dos hospitaleiros e os albergues, o tesouro de Caldas, a historia de Dona Urraca e o mundo das abellas e o Mel de Galicia como rico exemplo dos produtos da gastronomía da nosa terra.

A primeira xornada desta semana recibimos a visita de Jesús Fariña  do Albergue Caldas de Reis, A pousada de Dona Urraca e de D. Enrique García, enxeñeiro, gran coñecedor da historia de Caldas e escritor do libro “De la suplantación al expolio”. Ambos contaron ás  crianzas un montón de cousas sobre o Camiño, os peregrinos, que era un albergue… e datos da historia de Caldas, o seu tesouro e curiosidades de Dona Urraca.

O martes recibimos a visita de David Rego, apicultor e produtor de mel e xabóns ecolóxicos de Mel da Bouza, da veciña Moraña. Nenas e nenos estiveron moi atentas/os sobre o que nos contou sobre as abellas (diferenzas entre a abella raíña, as obreiras, os zánganos…; como fan o mel, a súa importancia para o medio ambiente…). Tamén nos ensinou como era un traxe de protección, os panais, a recollida do mel…interesantísimo para todas e todos. 

O mércores Festa de despedida de verán!!…

…pero queda para a noticia final…jejejeje

Saúdos

Penúltima semana da Ludoteca, e ao igual que semanas anteriores realizamos moitas actividades, algunhas delas moi diferentes entre si.

Ao longo destes días os diferentes grupos centráronse na gastronomía típica de Galicia e do Camiño de Santiago (polbo á feira, pementos de Padrón, mexillóns, mel, queixos, cocido…) no que prestaron moita atención.

Ademais, aproveitando o tema gastronómico, o martes recibimos a visita de Rosa, Josefa e Marta do Fogar do Maior, da que xa vos falamos e que complementamos cun taller de reciclaxe: elaboramos uns orixinais rosquilleiros, reutilizando botes de plástico.

O mércores recibimos a visita de Nieves Fernández, dedicada dende hai moitísimos anos ao folclore galego. As crianzas da Ludoteca realizaron con ela un pequeno obradoiro de baile tradicional (puntos básicos) e ensinounos a tocar a pandeireta. Moitísimas gracias a Nieves por compartir o seu tempo e saber coas nenas e cos nenos da Ludoteca, gustoulles moito a experiencia.

Xa finalizando as actividades da nosa temática “Pasiño a pasiño facemos Camiño”, as crianzas coñeceron algunhas das peregrinas ilustres que realizaron o Camiño de Santiago dende hai séculos: Isabel de Portugal, Jimena de Asturias, Egeria… con taller incluído.

Finalizamos a semana coa derradeira saída en bus deste verán, nesta ocasión gozaron dunha fermosa mañá de xogos e baño na Praia do Terrón en Vilanova de Arousa.

Xa non queda nada familias!!, tres días, e menudos días!!…pero iso queda para a seguinte noticia.

Boa semana para todas e todos!!

Hoxe na Ludoteca tivemos unha actividade interxeracional coa colaboración de Marta do Fogar do Maior de Caldas. Rosa e Josefa foron as dúas avoas que nos visitaron e compartiron con nós unha receita familiar: “rosquillas de iogur da avoa”.

Con todo o que supón un obradoiro de cociña, e sempre coa seguridade por diante, as nenas e nenos estiveron moi atentas/os e desfrutaron un montón cunha receita non moi complicada pero deliciosa!!!. Moitísimas gracias ás tres, un bico enorme!!.

Xa aproveitando a actividade especial estamos a realizar un obradoiro de reciclaxe no que elaboraremos algo especial para as rosquillas…xa o veredes, non anticipamos máis…jejeje.

Por outro lado o grupo de maiores fixo unha pequena saída ás Palmeiras para unha actuación do Festival Mundial de Ilusionismo co mago Teto, mago que comezou en Ourense coa súa maxia ilusionista, percorrendo os recunchos máis pequenos de Galicia ata chegar á Ludoteca de Caldas. Aquí realizou un espectáculo que impresionou a pequenos e maiores demostrando así que a maxia non ten idade.

Un saúdo familias!!

Esta semana que vimos de rematar foi curta e estraña, coincidiu coas festas e con días de vacacións dalgunhas das familias polo que se notou un baixón nas asistencias.

Pero na Ludoteca seguimos con bo ritmo e as actividades continuaron ao longo destes tres días, como exemplo:

• Coñecendo a gastronomía do Camiño
• Manualidade polbo animado con prato
• Coñecemos a peregrinas ilustres
• Máscaras de animais
• Obradoiro artístico e contacontos “do círculo que caeu dunha camiseta de lunares”
• Xincanas
• Xogos deportivos e xogo libre tutelado

Finalizamos a semana coa saída por Caldas, nesta ocasión á Tafona para a realización de xogos cooperativos e xogo libre.

Boa semana para todas e todos!!

Saúdos  

A parte da actividade sobre o Camiño de Santiago e a Vía láctea que tivemos o luns, o resto da semana os distintos grupos de nenos e nenas da Ludoteca continuaron coas actividades temáticas de “Pasiño a pasiño facemos camiño” con xogos, xincanas e coa Festa da auga e a visita a Rianxo.

Coa festa da auga desfrutaron un montón (xogos, risas e molladísimos…) aínda que case non a puidemos facer…

Outras actividades da semana:

• Coñecendo as estrelas e constelacións
• Igualdade: “Vivan las uñas de colores” Taller “pintamos as uñas”
• Taller de pulseiras (infantil)
• Concurso de baile
• Creando unha vía láctea

A saída desta quenda fora de Caldas foi á vila de Rianxo para que as nenas e os nenos da Ludoteca coñecesen o Museo do mar e a Aula activa do mar. Divididos en tres grupos rotamos polo museo do mar, a aula activa e merenda e xogos na alameda. A visita foi moi interesante para todos/as e moi pedagóxica (dende a localización da Ría de Arousa, as tradicións pesqueiras, as embarcacións…así como exemplos de vida mariña na aula activa).

Boas vacacións para as nenas e nenos que nos deixan esta quenda, un bico enorme!!!  

Boa semana ao resto das familias!!! 

A Ludoteca tivo o honor de recibir a visita de Aurelio Rey, caldense gran afeccionado á astronomía que un ano mais volveu para compartir os seus coñecementos entre os rapaces e rapazas da Ludoteca, en concreto co grupo Tiburón gato.

Nesta ocasión, e relacionado co Camiño de Santiago, Aurelio non soamente falou dos planetas, estrelas, do sol e das constelacións, nesta ocasión falounos da Vía láctea, unha galaxia que seguían os peregrinos e peregrinas a Santiago moitos séculos atrás. Amosoulles ás crianzas unhas imaxes fermosísimas da mesma, e compartiu con eles/as que foron os romanos os que lles puxeron ese nome porque todas esas estrelas (millóns en realidade) formaban un manto branco que lles recordaba ao leite, o que chamou a atención de nenas e nenos.

Aurelio rematou a visita contestando as curiosas preguntas das crianzas da Ludoteca, que lle fixeron entrega dun agasallo de recordo, nin mais nin menos que unha representación da Vía láctea moi chula; o noso convidado quedou moi contento e agradecido pola sorpresa.

Ata a vindeira noticia familias!!

Un saúdo

Ao longo de toda esta semana as crianzas da Ludoteca realizaron moitas actividades diferentes. Destacamos na semana a visita do artesán de xoguetes de “Artesanía Silvent”, que encantou a grandes e pequenos/as, e a saída por Caldas (visita ao río, arte creativo e efémero con elementos naturais, ioga, zumba…). A pena foi non poder celebrar a Festa da auga, as nubes non nos deixaron, pero non se suspendeu!!, cambiouse de día.

Entre as actividades da semana, tivemos:

• Mural da Catedral de Santiago, taller de poliños, símbolos do Camiño, xogos creativos …
• Taller de igualdade, Conto o príncipe Serafín; taller de sombras, xogos con cores e lanternas…
• Taller pintar a catedral de Santiago cos ollos tapados, taller artesán (peregrino de barro), xogos de interpretación, arte efémero na natureza…
• Taller de atrapa soños, xogos de obstáculos, agasallo para artesán (tren de cartón), taller de igualdade: a corresponsabilidade…

Boa semana para todas e todos!!,

Saúdos

Hoxe tivemos a sorte na Ludoteca de recibir a visita do artesán de xoguetes de Caldas, Guillermo Manuel Rocha Silvet creador de “Artesanía Silvent” e con raíces familiares nas orixes do mundo dos monicreques en Galicia.

Contoulles ás crianzas como pasou da carpintería á creación de xoguetes por Xabier, o seu fillo, un neno moi creativo e desbordante en imaxinación. Explicoulles aos rapaces e rapazas como era o proceso de creación e elaboración dos diferentes xoguetes de madeira, e deu resposta a moitas das preguntas que ían xurdindo.

A súa charla estivo acompañada por unha pequena exposición dos xogos e xoguetes que elaboran, que encantou aos/ás pequenos/as e aos non tan pequenos/as tamén, non vaiades a pensar!!

Como exemplo de artesán de Galicia e do Camiño de Santiago, destacou a importancia dos oficios artesáns, como evita o uso de materiais e procesos contaminantes na súa elaboración e a durabilidade deste tipo de xoguetes.

Moitísimas gracias pola vosa visita e ensinanza!!

Familias, ata a vindeira noticia!!

Saúdos dende a Ludoteca.

Remata o mes de xullo coa realización dun tramo do Camiño Portugués por parte das crianzas da Ludoteca de verán.

A experiencia de todas e de todos foi moi boa, e axudou a afianzar toda a aprendizaxe deste mes que vimos de finalizar. Destacar tamén que polo camiño coñeceron un montón de peregrinos e de peregrinas de diferentes países e comunidades, o que lles amosou a importancia do Camiño de Santiago a tódolos niveis.  

Ao igual que o grupo dos medianos, aos máis maiores tamén lles gustou o Camiño aínda que non tiveron tanta sorte e pasaron algo máis de calor na experiencia; as nosas Felicitacións!!.

A parte dos xogos, xincanas e actividades sobre o camiño, destacamos a despedida de moitos/as participantes da Ludoteca que comezan as súas vacacións de verán. Moitísimas gracias a todas e a todos, estivemos encantados/as de compartir este tempo de verán con cada un/ha de vós. Unha forte aperta.

Comezamos xa o mes de agosto, con moitísimas …sorpresas!!

Boa semana familias!!!

Nesta xornada moitos/as nenos/as da Ludoteca de Caldas fixeron un tramo dunha das rutas do Camiño de Santiago, o Camiño portugués.  As crianzas máis pequenas realizaron un pequeno tramo por Caldas, dende a Ludoteca ata a Capela de San Roque, se ben é verdade que as/os máis cativas/os cansáronse un pouquiño máis, foi unha ledicia escoitalos gritar Fin de Camiño!!…

Algo máis lonxe foron as rapazas e os rapaces do grupo Tiburón gato, tras un percorrido en autobús ata Barosa, comezaron o tramo de Camiño portugués que os achegaría ata Caldas, aseguramos que cansados, cansados chegaron pero iso si, desfrutaron un montón todo o percorrido; realmente non hai mellor actividade para reforzar a convivencia dun grupo que acadar un obxectivo común entre todos e todas … Fin de Camiño para os Tiburón gato!!  Felicitacións!!

Os seguintes grupos en facer o Camiño serán os Ornitorrincos e Os Raposas…pero a  súa experiencia queda para a seguinte noticia.

Un saúdo  familias!!!

Esta semana as actividades da Ludoteca seguen ensinando ás crianzas de Caldas, dun xeito lúdico, diferentes aspectos do Camiño de Santiago. Isto foi o que realizou cada grupo en “Pasiño a pasiño facemos Camiño”:

Os Golfiños: coñeceron o Camiño portugués, o seu paso por Caldas, novos símbolos peregrinos, f xogos e unha xincana deportiva.

Os Unicornios: remataron o seu caderno de ruta, experimentaron cun volcán de limón, fixeron un circuíto deportivo e numerosos xogos (música, paracaídas, psicomotricidade…).

Os Tiburón Gato: fixeron o caderno do peregrino, pintaron as cunchas de Santiago, Contos do Camiño, Bo Camiño!!, taller de galletas de avea e plátano, e novos símbolos do Camiño.

Os Ornitorrincos: decoraron as cunchas de Santiago, realizaron no ximnasio un “scape room” sobre o Camiño, xogos deportivos, credenciais para a xincana “Camiño de Santiago”.

Os Raposas: caderno de ruta do Camiño por Caldas, xogo da toupa, taller de pulseiras, xogos musicais.

Ademais todos os grupos gozaron dunha fabulosa Festa da auga o xoves, coa que se divertiron e refrescaron a partes iguais; e o venres os diferentes grupos realizaron a segunda saída por Caldas na que realizaron:

• Procura do tesouro na Tafona (golfiños e unicornios)
• Camiñata pola Vía verde (tiburón gato)
• Paseo ata a Fervenza de Segade (Ornitorrincos e Os Raposas)
• Xincanas: facendo o Camiño coas plantas do xardín botánico  e as etapas do Camiño (Ornitorrincos e Os Raposas) 

Sen mais,  boa semana para todas e todos!!

A pesar da calor de toda esta semana, na Ludoteca continuamos sen parar coas nosas actividades.

Os diferentes grupos seguen a coñecer diferentes aspectos do Camiño de Santiago:

• Símbolos
• As diferentes rutas
• Caderno de bitácora
• Taller de cunchas

E realizando xogos e xincanas temáticas ou lúdicas que aseguran diversión e máis diversión.

Como actividades especiais primeiro recibimos a visita da policía local de Caldas, que realizou con todas as crianzas da Ludoteca unha actividade de seguridade viaria moi interesante e práctica; e a segunda das actividades espaciais foi a primeira das saídas fora de Caldas, o primeiro destino foi a Praia do Bao, na Illa de Arousa, que serviu de refresco ás crianzas nestes días de calor.

Ata a vindeira noticia familias!!

Un saúdo

Ola de novo familias!!

Estes días as crianzas da Ludoteca de Caldas andan sobre rodas!!, o motivo non é outro  que as charlas de seguridade e o circuíto de educación viaria no que os diferentes grupos están a participar.

A pesar da calor, están todos e todas motivadísimos, e a concentración nótase no ambiente; estanse a portar xenial e facendo moito caso aos policías que están a desenvolver a actividade.

O noso agradecemento á policía local de Caldas, moitísimas gracias pola vosa dedicación e paciencia, estalles a gustar a actividade un montón á vez que adquiren bos hábitos e boas prácticas no momento de transitar por Caldas.

Un saúdo

Benvidas familias!!

O pasado venres comezou unha nova edición da Ludoteca de verán de Caldas de Reis con moitísimas ganas e ilusión. Nesta ocasión daremos a coñecer entre as crianzas o significado e os valores do Camiño de Santiago co proxecto “Pasiño a pasiño facemos Camiño”.

Despois duns primeiros días de coñecernos todas e todos, de organizar grupos e de escoller nome, nesta ocasión de animais:

    “Golfiños”    “Unicornios”     “Tiburón gato”    “Ornitorrincos”    “Os Raposas”

comezamos as actividades temáticas e algunha que outra máis lúdica como, as saídas á carballeira (xincanas, xogos e sesión de Ioga) o espectáculo teatral infantil de Polo Correo do Vento e por suposto os xogos de auga.

De volta á normalidade despois da pandemia, tivemos tamén a oportunidade de recibir o mércores a visita do Sr. Alcalde Juan Manuel Rey e do Concelleiro Jacobo Pérez que inauguraron oficialmente a Ludoteca, moitas gracias aos dous por compartir o seu tempo coas crianzas.

Polo momento nada mais, para a semana recibiredes máis novas neste espazo da Ludoteca de verán de Caldas.

Un saúdo e boa semana para todas e todos!!!