Escola de Verán de Muros

DESPEDIMOS A ÚLTIMA QUENDA EN MUROS!

Din que unha imaxe vale máis que mil palabras; pois aí vos vai unha, como adianto de todas as demais que podedes disfrutar.

E non queremos despedir esta quenda sen mencionar @s demais participantes, as catro quendas de todo un verán cheo de aventuras e moita diversión; darvos as gracias a todos e a todas e tan só dicirvos:

ATA O PRÓXIMO VERÁN AMIG@S!

TRABALLANDO  EN EQUIPO EN MUROS

Sempre como un gran equipo. Así desfrutan de todo o que fan nenos e nenas do campamento de Muros. Preparando o seu propio teatro para unha moi esperadísima actuación… Pillando cangrexos na praia… Levando a cabo diversos obradoiros e talleres,dos que saen cousas verdadeiramente chulas… E tamén esta semana participando moi activamente nunha xincana, onde ademais de pasalo pipa, aprenderon un montón sobre igualdade, coeducación e outros valores tan importantes para tod@s…

Pero non acaba aquí a cousa, seguide moi atent@s, que xa vos adiantamos que nestes últimos días vai pasar de todo!

CONTA ATRÁS EN MUROS!

Entramos de cheo na última quenda do campamento de Muros; nov@s nen@s e algúns repetidorxs que poderán desfrutar do que alí andan a preparar,que se escoitou dicir que estas semaniñas veñen cargadas de sorpresas. Mentres tanto, están a aproveitar o tempo con dinámicas de Igualdade,grandes xogos no exterior e saídas a praia.

Así que seguide moi atent@s por aquí,a ver que acontece nos vindeiros días!

A AUGA PATOS!

Como xa vos viñamos anunciando fai uns días, no campamento de Muros non había tempo que perder cando por fin chegara o bo tempo, así que iso foi o que xustamente fixemos;  festas da auga con globos,xogos e relevos e moita moita praia, divertídisimas xornadas nas que xogamos, construímos na area, bañámonos…

Así nos  pasou o tempo voando esta última semana na que despedimos unha quenda  máis e só nos queda darvos as gracias a tod@s de novo,esperando que sigades a gozar do resto de verán!

DÍAS DE CINE EN MUROS!

Que mellor que aproveitar o mal tempo para poder desfrutar dunha auténtica sesión de cine na Casa de Cultura de Muros; así que sen pensalo moito máis iso foi o que fixeron @s nen@s do campamento para entreterse co visionado da peli “Canta”, ó mesmo tempo que reflexionamos sobre a tan importante temática da diversidade, os roles e estereotipos de xénero.

Houbo tamén sitio  para divertidas sesións de contacontos, nas que deixamos voar a imaxinación e creamos personaxes e mundos cheos de aventuras e fantasía…

E dende logo moitos xogos tanto no exterior como no interior, onde inventamos dinámicas con material de refugallo e entretémonos con xogos de mesa.

Pero non hai tempo para relaxarse,xa que nos esperan uns días moi soleados nos que, entre visitas, rutas, festas da auga e demais, de seguro que non nos “pillaredes” dentro do local!

DÁMOSLLE A BENVIDA Ó MES DE  AGOSTO EN MUROS!

Novas caras, nov@s amig@s e novas aventuras no campamento de Muros.

Comeza unha nova quenda e logo de diversas dinámicas de presentación para irnos coñecendo tod@s, xa estivemos a disfrutar dunha mañá chea de risas e diversión con diferentes xogos de distensión  e saída ó exterior, que ó aire libre sempre se está mellor!

Así imos quentando motores para estes vindeiros días, xa que nos esperan unha morea de actividades das que non vos podedes perder  nada, así que permanecede moi atent@s a todas as novidades que por aquí vos iremos achegando!

FUROR MUSICAL PARA DESPEDIR A SEGUNDA QUENDA EN MUROS!

Con un auténtico festival de música e xogos dicimos adeus en Muros a segunda quenda e a todo un mes cheo de aventuras, diversión e moitas emocións nas que @s peques foron @s grandes campións e campioas; así que tod@s recibiron a súa medalla como agasallo.

E agora só nos queda darvos as grazas a tod@s e desexarvos que sigades a desfrutar dun bo verán!

E SEGUIMOS COAS RUTAS POR MUROS!

A desfrutar do exterior que toca! Logo de uns días reguleiros en Muros, nos que aproveitamos para facer dinámicas e xogos no interior do pavillón, ademais de dar renda solta, tanto peques como maiores, ás nosas dotes artísticas como pintorxs; por fin puidemos desfrutar dunha longa ruta ata o Pozo do Cachón, onde nos entretivemos toda a mañá con xogos e enredos aproveitando o bo tempo.

VAMOS DE PASEO POR MUROS!

Non hai mal tempo que poida con nós!, asique a pesar de que o sol segue resistíndose a saír, nenas e nenos desta segunda quenda do campamento de Muros estiveron xa a desfrutar de paseos polo pobo, con  diversos xogos e dinámicas de exterior…E por outro lado contaron tamén con unha sesión de cine, visualizando o filme “Del Revés”, coa que se divertiron un montón e coa que, dentro do bloque temático de Igualdade, aproveitaron para levar a cabo unha dinámica-reflexión sobre a educación emocional.

DESPEDIMOS A PRIMEIRA QUENDA EN MUROS!

Por todo o alto,con batería de xogos na praia, con festas da auga no pavillón e con moito deporte; así foi como nos despedimos d@s nen@s que rematan esta primeira quenda. Houbo tamén tempo para diferentes obradoiros, así como un taller de medio ambiente, da man de Adega, “Xogos do lixo”, no que a través de xogos feitos con material de refugallo, ó mesmo tempo que enredaron aprenderon un montón de cousas novas sobre a reciclaxe.

Así que, sen mais, só dicir “ata logo”! @s peques que acaban nesta quenda, e que sigades a disfrutar dun bo verán!!

E POR FIN SAIU DON LORENZO EN MUROS!

Chegou o bo tempo e o calor, así que en Muros aproveitamos para facer milleiros de xogos de exterior e tamén algunha que outra saída pola contorna. Ademais entramos de cheo na temática do campamento, con diversas actividades relacionadas tanto co programa xeral “Imaxinaria” coma a programación específica de Igualdade.

Aínda que, dende logo, onde máis desfrutaron sen dúbida, foi na excursión a Praia do Castelo, onde se argallou unha gran batería de xogos de auga, na que risas e diversión estiveron aseguradas!

MUROS DALLE A BENVIDA Ó VERÁN!

Benvid@s a tod@s ó campamento de verán! O largo destes merecidísimos meses de vacacións imos poder disfrutar dunha morea de aventuras, xogos e diversión, e dende logo que non vai haber lugar para o aburrimento! Con diversas actividades, contacontos,dinámicas, talleres…vai ser un non parar.

Asique ide collendo forzas,xa que aínda que estes días o tempo nos obrigou a realizar máis actividades no interior, hai que prepararse para cando o soliño nos acompañe!