OS MÉRCORES, COMIDA E BO AMBIENTE NO CPI EUSEBIO LORENZO BALEIRÓN

/en , /por

Dende o pasado mes de outubro, cada mércores ao mediodía, no CPI Eusebio Lorenzo Baleirón lévase a cabo o servizo de comedor escolar, onde o alumnado da ESO pode xantar, descansar e compartir un bo rato cos compañeiros e compañeiras.

O comedor realízase aproveitando que ese día os rapaces e rapazas de secundaria teñen clase pola tarde. Así, entre a saída da mañá e o regreso ás aulas, 12 estudantes quedan no centro para xantar. Cada un trae a súa propia comida da casa, pero contan cun microondas para poder quentala comodamente.

Ademais do tempo para xantar, o comedor ofrece un ambiente acolledor no que o alumnado pode aproveitar o tempo libre facendo tarefas escolares, xogando a xogos de mesa ou participando noutras actividades recreativas, fomentando así a convivencia e o aproveitamento do tempo entre clases.

Esta proposta busca dar resposta a unha necesidade concreta do alumnado de secundaria, facilitando a conciliación e mellorando a experiencia educativa dentro do propio centro.

DE VACACIONS NO DIVERTEO EN SEMANA SANTA NA RAMALLOSA

/en , /por

Benvidas familias, por aquí queremos mostrarvos un pouco que foi o que fixemos nestes catro días.

Comezamos todos os días con un pouco de xogo libre para liberar  un pouco as enerxías, de seguido fixemos varias manualidades como por exemplo un ovo de pascua cun pitiño rompendo o ovo e saíndo del, nesta manualidade os nenos tiveron que confeccionar o seu propio ovo de pascua dobre e crear o pitiño e logo pegar todo. Tamén fixemos un mural que tivera un pouco da primavera e un pouco de pascua xa que como estamos na primavera e tamén na pascua quixemos reflexalo todo, tendes uns grans artistas na casa iso esta claro. Para continuar coas creacións fixemos una flor con maceta, creámola repasando a man dos cativos nun folio e facendo que iso era a flor, añadíronlle o tallo e a maceta e decoraron todo e saíron unas flores preciosas.

Para ir rematando, dicirvos que xogamos moito, como por exemplo, o fútbol sen pes, consiste en un circulo todos abren as pernas e intentan pasarlle o balón a outro compañeiro coas mans polo medio das pernas da outra persoa. A ensalada de zapatos, os nenos e nenas descálzanse e un compañeiro ou varios en este caso escóndenlle os zapatos ao resto sen que os vexas o último en poñer os zapatos perde. O cachibote que se fai eterno e nunca o rematan, o PI 15, a bomba, pato-pato-oca, o ladrón de chaves, bomba, e como non podía faltar o fútbol .

Ata aquí é todo por estas mini vacacións. Ata o verán familias.

O MUNDO FLORECE CON NÓS

/en , /por

Moi boas familias!

Durante as vacacións de Semana Santa celebramos no CPI Plurilingüe Os Tilos o campamento “Diverteo”; foron días cheos de creatividade, xogos e aprendizaxes nun ambiente seguro, acolledor e cheo de boas enerxías.

Dende o primeiro día mergullámonos na temática da primavera no mundo, coñecendo distintas tradicións culturais e formas de expresión artística. O luns, inspirámonos no festival Holi da India para crear unhas tarxetas decorativas moi especiais: os máis pequenos fixeron estampacións de mans sobre fondos cheos de cor, e os maiores ilustracións con papel texturizado que formaron parte do noso mural final.

O martes celebramos os nosos propios Maios, decorando bicicletas e carriños con flores e follas recollidas no patio. Foi unha maneira fermosa de conectar coa tradición galega e co respecto á natureza. Ademais, xogamos ao aire libre, coloreamos mandalas e fixemos actividades con balón, corda e construcións.

O mércores viaxamos ata Australia, descubrindo a técnica do Dot Painting. Con témperas, os nenos e nenas crearon mandalas, coelliños de Pascua e flores cheas de puntos e cor. Unha actividade que puxo a proba a concentración e a motricidade, e cuxo resultado engalanou o noso espazo.

E na última xornada, puxemos o broche final co mural “O mundo florece con nós”, onde recollemos todas as creacións feitas durante o campamento. Tamén celebramos a tradicional Busca do Ovo de Pascua, percorrendo todos os recunchos do centro con emoción e ilusión. Como premio, cada participante levou un pequeno agasallo.

Durante toda a semana tamén gozamos de momentos de xogo simbólico, xogos tradicionais como o cadrado, o escondite ou o ladrón de chaves, e xogos de mesa como o Uno ou o tres en raia.

Grazas por confiar en nós unha vez máis!

A búsqueda dos ovos perdidos en Calo

/en , /por

Nestes catro días de Semana Santa, levamos a cabo unha búsqueda do tesouro dos ovos perdidos. Uns ovos que foron escondidos por todo o patio e que fomos atopando a través de varias pistas. Tras a búsqueda, realizamos diversas probas de cooperación, como relevos a pata coxa, pasar o balón a un/unha compañeiro/a facendo a croqueta ou correr da man cunha parexa. Todo un reto que superamos xuntos/as!

Ademais, para combater un pouco o frío e a choiva destes días, construímos unhas flores de primaveira con material reciclado. Coa axuda de rolos de cartón, pintamos un xardín cheo de flores, e puxemos cor aos días grises.

Tamén tivemos tempo para facer un bingo de pascua, e xogar aos nosos xogos favoritos coma son o “brilé”, a “araña”, o “cadrado” ou o “cachibote”, e aprendimos un novo xogo o “datchball. Pasámolo xenial nesta semana!

UNHA SEMANA SANTA MOI VIAXEIRA…!

/en , /por

Moi boas familias!

Durante esta Semana Santa emprendimos unha viaxe moi especial… unha volta ao mundo en apenas 4 días! A través de xogos, obradoiros e actividades culturais, fixemos escalas en diferentes países, descubrindo costumes, sabores e tradicións de lugares tan distintos como Xapón, Francia, Brasil ou Exipto, entre outros.

En cada parada, mergullámonos na cultura local mediante xogos típicos: en Xapón, practicamos o gato e o ratón; en Brasil, puxémonos en movemento con partidas de queimada; en Exipto, puxemos a proba a nosa axilidade e enxeño con emocionantes carreiras de escapada simulando que nos perseguía unha serpe polo deserto. En Francia, xogamos ao aves-vous ecureuil lun?… e moitos xogos máis que nos permitiron achegarnos a diversidade cultural do mundo e, que podedes ollar na nosa galería de fotos. Ao longo desta viaxe tan especial, elaboramos un pasaporte personalizado no que fomos recollendo os países visitados, selando cada destino cunha actividade ou lembranza diferente.

Por outra banda, reflexionamos sobre valores fundamentais cunha asamblea sobre a igualdade, que culminou coa elaboración dun cartel colaborativo baixo o lema: “Todos e todas somos iguais”.

Tamén aproveitamos estas datas para realizar actividades propias da Pascua: elaboramos un simpático coello recheo de arroz e unha postal decorada con ovos de Pascua, que seguro que decoran os vosos fogares con moito agarimo e creatividade. Para rematar, organizamos unha divertida e moi doce, búsqueda de ovos de Pascua, na que tivemos que usar o enxeño e traballar en equipo para atopar todos os ovos agochados polos recunchos do campamento.

Foron uns días cheos de aprendizaxe, diversión e convivencia, nos que puidemos coñecer o mundo e tamén a nós mesmos, desde unha perspectiva lúdica, creativa e inclusiva.

Agardamos que desfrutárades tanto coma nós desta aventura internacional.

Vémonos na próxima, familias!

ASÍ FOI A SEMANA SANTA NO CAMPAMENTO DE AVIÓN!

/en , /por

Esta semana polas mañás pasamos grandes momentos todos xuntos no campamento. Cada día realizamos divertidos xogos e actividades, ademais de distintos talleres, onde deixamos voar a nosa imaxinación:

  • Pintar ovos de Pascua.
  • Crear coelliños de Pascua.
  • Deseñar nosas propias bolsas.
  • E para terminar esta semana tivemos un procura de ovos de chocolate.

Ademais de todos estes talleres bailamos, cantamos, debuxamos e rímonos moitísimo!!

Felices Pascuas e ata a próxima aventura!

DiverTeo Nadal Ramallosa

/en , /por

Moi boas familias!

Todo chega ao seu fin. O Nadal é curto, pero moi intenso, coma no Diverteo. Neste últimos días despedimos o ano facendo unha pequena festa. Fixemos a nosa propia decoración e cotillón e no último día do ano puidemos asistir as prebadaladas da Ramallosa, nas que ensaiamos para esa noite. Dando entrada ao 2025, comezamos cos preparativos para a chegada dos reis ao Concello. A rapazada este días xa se notaba máis excitada e nerviosa. Para amenizar a súa chegada compuxemos entre todas a nosa panxoliña tomando como exemplo a petición da rapazada do Burrito sabanero  de David Bisbal.

Mais nestes días non só traballamos cas mans. Ao ser un grupo pequeno puidemos cohesionar mellor e ver as relacións entre maiores e pequenos, facendo na súa maioría xogos entre todos e todas.

Desexamosvos un bo comezo de ano e agardamos que o curso vaia ben.

Isto acabou, pero logo chega o entroido!

REMATANDO O NADAL

/en , /por

Imos alá coas últimas novidades deste Diverteo de nadal, no que as risas e a diversión estiveron máis que aseguradas. Durante estes últimos días os nosos cativos e cativas puideron desfrutar dunha morea de xogos entre os que destacaron os distintos xogos musicais, vese que o ambiente festivo do nadal lles deu moitas ganas de mover o esqueleto polo que foron os xogos máis repetidos e pedidos por todos eles e elas. Ademais disto tamén puidemos desfrutar dunha pequena sesión de ioga fitness para baixar todas as lambetadas destes días. E por último pero non menos importante pechamos esta quenda realizando un pequeno xogo do amigo invisible, no que todos e todas puideron regalarlle unha bola de nadal a algún dos seus compañeiros ou compañeiras como mostra de cariño e recordo destes días cargados de maxia, alegría e diversión.

E isto é todo, chegamos ao final pero preparádevos para a seguinte quenda, vémonos!

FELIZ ANO FAMILIAS!