Este fin de semana Arbo celebrou a Festa da Lamprea onde estivo presente o Punto Lila. Un punto de información e asesoramento. Moita xente da contorna e de fora, achegáronse a preguntar para saber que función tiñamos e quedaron contentos con saber que se pasase algo, estábamos alí.
O domingo tivemos taller de igualdade para nenas e nenos e repartimos contos de igualdade.
Un ano máis dende Servicios Integrales de Formación S.L tivemos o pracer de formar parte das Festas da Pascua de Padrón. Os días 20, 22, 25 e 26 de abril, no paseo do Espolón contamos cun punto de atención especializada en violencia machista e LGTBIfóbia, Punto Lila.
Dende o mesmo tratamos de sensibilizar e informar á poboación sobre todo tipo de recursos, máis a labor principal é intervir en caso de coñecemento dalgún tipo de agresión, ofrecendo un espazo seguro para a vítima e tratando de que sexa un lugar ao que acuda en primeira instancia.
Polo tanto, dende a nosa empresa mostramos un claro rexeitamento cara calquera tipo de violencia e apostamos por unhas verbenas libres de violencia, onde todas e todos poidamos expresarnos e relacionarnos con total liberdade e de forma segura.
O venres 11 de Abril impartíronse unhas xornadas polo 8M no C.P.I. Eusebio Lorenzo Baleirón en Dodro
Para os cursos de 1 e 2 de primaria dous contacontos «Rosa Caramelo» onde a mensaxe e a importancia de valorar as nenas e os nenos de igual maneira, non caendo en estereotipos.
E outro conto » Brancaneves e os 77 ananiños».
E para 3, 4, 5 e 6 de primaria unhas xornadas de corresponsabilidade.
Onte, xoves 4 de abril púxose final ás IV Xornada da Muller, «Con ollos de Muller. Legalidade e Realidade». Foron dúas tardes nas que se puxeron sobre a mesa moitos temas de actualidade e interese.
Ana Mª Rodríguez, como avogada do CIM de Mos abriu a xornada dando paso as participantes na mesa redonda. Foron importantes mulleres as que falaron, Marián Mouriño Terrazo, como presidenta do Real Club Celta de Vigo, como muller no deporte rei, Nidia Arévalo Gómez, alcaldesa de Mos, como muller nas Cortes, Paula Blasco Muela, fiscal, muller entre togas, Sonia Esperanza Rodríguez Boente, doctora USC Delegada Rector, muller no mundo universitario, todo moderado por a periodista da Radio Voz, Bibiana Villaverde.
No segundo día, moderado por Ana Mª Rodríguez, outras muller falaron do seu día a día no seu traballo e como poden axudar co seu servizo. Bibiana Villaverde, periodista, Natalia Feijoo, policía de protección UFAM (Unidades de Atención á Familia e Muller), Ana Riera Táboas, médico forense integrante UVFI (Unidade de Valoración Forense Integral) e do IMELGA (Instituto de Medicina Legal de Galicia), Sonia Calvo Tato, coordinada e asesora xurídica do Centro de Crise 24h de atención ás vítimas de violencia sexual.
As xornadas da muller foron espazos de reivindicación dos dereitos das mulleres.
GRAZAS A TODAS AS PERSOAS QUE FORMARON PARTE DESTE EVENTO!
Un ano máis para cerrar as distintas actividades entorno ó 8M, día da muller, o Concello e CIM de Mos presenta ditas xornadas que teñen como tema central «Legalidade e Realidade».
Cerca dun centenar de persoas participan no acto durante as dúas tardes para escoitar e poñer sobre a mesa temas de actualidade e interese para profesionais que traballan no ámbito social ou para outras persoas que, simplemente estean interesadas na temática.
PROGRAMA das IV XORNADAS DA MULLER. «Con ollos de muller. Legalidade e Realidade»
MÉRCORES 2 DE ABRIL
17.00 horas
Inauguración e presentación a cargo de Ana Mª Rodríguez (Avogada do CIM de Mos).
MESA REDONDA
Marián Mouriño Terrazo.
Presidenta do Real Clube Celta de Vigo.
Muller no Deporte Rei.
Nidia Arévalo Gómez.
Alcaldesa de Mos.
Unha muller nas Cortes.
Paula Blasco Muela.
Fiscal.
Muller entre togas.
Sonia Esperanza Rodríguez Boente.
Doctora USC Delegada Rector.
Muller no mundo universitario.
Moderadora Bibiana Villaverde. Periodista Radio Voz.
XOVES 3 DE ABRIL
17.00 horas
MESA REDONDA
Retos do periodismo fronte a violencia de xénero
Bibiana Villaverde (Periodista).
Natalia Feijoo.
Policía de protección UFAM (Unidades de Atención á Familia e Muller) de Vigo.
Ana Riera Táboas.
Médico forense integrandte UVFI. Subdirección Territorial de Vigo. IMELGA (Instituto de Medicina Legal de Galicia).
Sonia Calvo Tato.
Coordinadora e asesora xurídica do Centro de Crise 24 h de atención vítimas de violencia sexual de Vigo.
Moderadora Ana Mª Rodríguez. Avogada do CIM de Mos.
Conclusión e peche da xornada.
Pasou o 8M e moitos concellos quixeron poñer o seu graíño de area para seguir loitando polo Igualdade.
O Concello de O Pino, co alcalde á cabeza, fixo a lectura do manifesto e centrouse no comercio para esta campaña.
No Concello de Valga saíron á rúa cunha Andaina da Muller e para os mais pequenos, coa maga Leo Leiño disfrutaron da Maxia pola Igualdade.
En As Neves, visitáronse os diferentes coles para concienciar dende pequeniños con dinámicas e contacontos.
En Cuntis, a lectura do manifesto e o encontro interxeneracional dou inicio ás actividades que se están a celebrar acabando o sábado 15, na Casa do Médico cunha charla dirixida a adolescentes.
No Concello de Frades, ó igual que en outros concellos como o de Avión rematáronse as actividades con reparto de diferente material de merchandising.
Esta semana do 25 de Novembro, día Internacional Contra a Violencia de Xénero, estivemos percorrendo os os colexios e institutos de Sanxenxo, IES Vilalonga, IES Sanxenxo e o Colexio Plurilingüe Abrente con un punto morado.
Neles repartimos material de sensibilización ao alumnado e realizamos pequenas charlas nas cales falamos coa rapazada sobre o que é un punto morado e que se fai nel, que é a violencia de xénero e cales son os tipos que hai, ademais de como actuar ante un caso de violencia de xénero, tanto se o presencian dende fora como se o viven. Tamén falamos sobre os recursos que existen para vítimas de violencia de xénero (números de información a vítimas, APPs de axuda inmediata, servicios de protección da policía….)
A rapazada estivo moi participativa durante as charlas e foi unha experiencia moi enriquecedora.
Este 25N, o Concello de Cuntis, conmemorou o DÍA INTERNACIONAL DA ELIMINACIÓN DA VIOLENCIA CONTRA AS MULLERES cunha andaina e facilitando información para que esta lacra social desapareza.
Polo 25N do 2024, o concello de Frades, realizou un Scape Room para poñer en valor a identidade de mulleres importantes da historia de Galicia. O alumnado do CPI Ponte Carreira de 3º de Primaria ata 4º da ESO pasou un tempo entretido ó mesmo que conmemorou o Día Internacional da eliminación da violencia contra as mulleres.
Por outra banda tamén se repartiu Merchandising entre a cativada.
No concello de Mesía co seu lema, Tecendo en Igualdade, traballouse co alumnado das dúas unitarias, Olas e Visantoña e co CPI de Xanceda nunha actividades conxunta, TECENCO LAZOS CONTRA A VIOLENCIA.
Cada alumno e alumna colocou un lazo de cor negro ou lila co nome dunha das vítimas, para rematar facendo unha imaxe e rexeitar a violencia de xénero.
