COMEZAN AS VACACIÓNS!!!

/en /por

Finalmente, chegamos ao remate do curso despois dunhas últimas semanas nas que puxemos todo da nosa parte en canto a interese, esforzo e actitude para poder acadar os obxectivos académicos e persoais das nenas e nenos do Programa de Reforzo Educativo de Muros.

En canto ao balance do curso, sempre é positivo no que se refire á superación persoal no percorrido socioeducativo de cada nen@.

É por todo isto que temos moito que celebrar, polo que aproveitamos o último día de cole para festexar o remate do curso e pasar así unha xornada de xogos, música, baile, amigos, etc.

Encaramos así o comezo do verán, con ganas de desfrutar, descansar e desconectar para volver o próximo curso con máis ganas e forza ca nunca.

ATA A VOLTA!!!

Moito esforzo nas clases de reforzo de Valga!

/en , /por

Este último mes, os nenos e nenas tiveron moito que estudar xa que as semanas estaban cheas de exames. Ademais de isto seguimos facendo as tarefas diarias e reforzando todos os contidos xa aprendidos. Ademais de isto, estes últimos días estivemos divertíndonos con xogos educativos, como o: “quién  es quién?” onde cos nenos e nenas máis pequenos fortaleceron diferentes parte do corpo e as cores en inglés. Cos máis maiores xogamos : “El primero de la clase” onde repasamos todo o aprendido e ao “Sushi Go” onde potenciamos o cálculo mental.

Dando por finalizado as clases, solo queda desexarvos un bo verán!

O ÚLTIMO EMPUXÓN NOS REFORZOS DE VALGA!

/en , /por

Estamos a punto de finalizar o curso escolar, e os nenos e nenas están cargados de probas para comprobar o aprendido durante este terceiro trimestre. Nas horas de reforzo facemos os deberes día a día e preparamos con nenos e nenas as súas probas, facilitando así o estudo destes na casa. Ademais cando os exames e os deberes no lo permiten reforzamos os contidos que o alumnado aprende na cola dunha maneira máis dinámica, como pode ser a través do bingo, para reforzar os números, o bingo das horas e por suposto tamén utilizamos as novas tecnoloxías. Estamos poñendo o noso esforzo en sacar este curso coas mellores cualificacións posibles!

ÁNIMO, QUE XA QUEDA POUCO!

OBXECTIVOS CONSEGUIDOS

/en , /por

No Programa de Reforzo Educativo de Muros encaramos xa as últimas semanas do curso 2023-2024. Nestas alturas do curso tódolos nenos e nenas contan xa con diferentes mecanismos individuais cos que poder facer fronte ás dificultades tanto académicas coma educativas. Sendo un dos principais obxectivos do Programa poder dotar aos rapaces de ferramentas de traballo que poidan atender ás súas necesidades para que poidan así traballar de forma cada vez máis autónoma, neste e nos próximos cursos.

Así, ó longo deste curso aprendemos e traballamos aspectos como a adquisición de novas técnicas de estudo, a autonomía na realización das tarefas, a motivación e a seguridade, a interacción e as relacións sociais e en definitiva, aqueles aspectos educativos que precisábamos traballar para acadar tamén unha mellora na actitude e no comportamento.

A POLA RECTA FINAL!

/en , /por

No Programa de Reforzo Educativo de Muros, enfrontamos xa o último  tramo do curso con forzas renovadas, para poñer en práctica todo o aprendido no percorrido deste curso.

Academicamente, intentaremos dar un último empurrón mais motivados ca nunca, posto que durante o curso fomos adquirindo ferramentas de traballo que nos permiten e facilitan agora enfrontar este último tramo escolar.

Por iso é preciso tamén poñer en valor os logros individuais de índole educativa e actitudinal de cada nen@, no referinte á mellora e superación daquelas dificultades educativas que foron traballadas neste ano, como a adquisición de rutinas educativas, habilidades sociais e ferramentas de canalización das emocións, entre outras.

Reforzo escolar

/en , /por

Tras as vacacións de Semana Santa, volvemos as clases de reforzo descansados. Comezamos o terceiro trimestre con moitas ganas de terminar o curso con boas cualificacións, tanto que os nenos e nenas chegan motivados para realizar as tarefas de clase, como tarefas para repasar o que imos aprendendo día a día nas diferentes clases. Ademais de isto, preparámonos para os exames e facemos os nosos propios exames para verificar os coñecementos aprendidos e para intentar controlar os nervios que estas probas nos supoñen.

FINALIZOU A SEGUNDA AVALIACIÓN!!

/en , /por

Nas últimas semanas, os nenos e nenas do PREM de Muros puxeron en práctica todo o aprendido e mellorado a nivel educativo e académico para encarar este tramo final da metade do curso.

Traballamos arreo para facer fronte ás esixencias do calendario escolar no último tramo do mes e o balance da evolución do curso ata o momento, en liñas xerais, é moi positivo. Ademais, no PREM sempre temos tempo de diversión mediante xogos educativos en grupo, que axudan á motivación, á interacción e á solidariedade do grupo.

Agora temos uns días por diante de desconexión que aproveitaremos ó máximo para encarar o tramo final do curso con máis ganas, forza e seguridade ca nunca.

Clases de reforzo en Valga!

/en /por

O pasado 19 de febreiro deuse comezo a unha clases de reforzo para os nenos e nenas de Valga de luns a venres. A tarde dividiuse en dúas franxas horarias, unha primeira de 4 a 5 na cal acoden os nenos e nenas de menor idade e outra franxa , de 5 a 7 dedicada os nenos e nenas de maior idade.

Nestas clases o alumnado preparou exames e realizou as tarefas diarias que deben facer na  casa. Ademais diariamente reforzamos aqueles contidos que lle resultan máis complexos a cada neno ou nena.

Con motivo do día internacional da muller o venres 15 de marzo, xuntámonos ambos grupos e coa axuda de Beti a bibliotecaria do auditorio e do concello tivemos a sorte de realizar a lectura colectiva do libro “Cuando las niñas vuelan alto”  e compartimos o que aprendemos ou reforzamos sobre as mulleres na sociedade e dos pasos que nos quedan por dar para conseguir a igualdade.

Coa avaliación do segundo trimestre realizada, só nos queda traballar moito para seguir acadando bos resultados! 

UN EMPURRÓN MAIS!

/en , /por

No último mes, no Programa de Reforzo Educativo de Muros continuamos traballando arreo para facer fronte á última etapa desta Segunda Avaliación, posto que xa temos preto o calendario de exames finais.

Aínda así, nos últimos días tivemos tempo tamén de desconectar e relaxarnos pasando un bo rato durante as vacacións de Entroido. Pois aínda que nestas datas continuamos reforzando o que se precisaba, fixémolo dunha maneira máis dinámica e relaxada.

Así, estamos preparados xa para afrontar este novo empurrón, xa que de forma individualizada, fomos traballando e pulindo pouco a pouco todos aqueles aspectos educativos e formativos que nos dificultaban o proceso de aprendizaxe e acadamos mellorar. Probamos novas formas e ferramentas de estudo que nos axudaron a afianzar os contidos con maior seguridade e confianza en nós mesmos, o que nos motiva máis cara ó final

Voltamos ás aulas!

/en /por

Neste mes de xaneiro, nas clases de inglés lúdico do CEIP do Camiño Inglés de Sigüeiro, introducimos as clases falando sobre os regalos que os nenos e nenas recibiron en Nadal, relacionándoo así co vocabulario sobre xogos e xoguetes.

Ademais, abordouse vocabulario relacionado coas partes do corpo e da cara, tal e como podemos ver nas imaxes onde, nenos e nenas, seguindo instrución verbais, foron debuxando as diferentes partes que conforman o rostro de cada un dos debuxos.

Finalmente, traballouse a familia, a cal o alumnado foi identificando a partir dunha figura que resulta coñecida para eles/as: Peppa Pig e a súa familia. Así, para traballar a familia, o alumnado elaborou un mini-libro -que podemos ver nas imaxes- con vocabulario e fixo un debuxo ao respecto.

Este mes lemos o conto infantil: “You’re my magical unicorn” de Joyce Wan.