Madrugadorxs Dodro

Boas familias, como sabedes a semana pasada fixo moito frío e a pesar de que na aula de madrugadores estamos moi a gusto,  puxémonos man a obra e creamos uns gorros e unha manoplas para o frío que pronto decorarán a nosa porta.

Ademais, tivemos tempo como sempre para ler, divertinos e desenvolver a nosa creatividade a través de xogos de construción e movemos o corpo con moito baile.

Saúdos familias!

Unha vez deixado atrás o Nadal , en madrugadores de Dodro retomamos a rutina pero antes as nosas nenas quixeron contarnos os agasallos que o Apalpador e os Reis Magos deixaron nas súas casas, como xa sabíamos, comprobamos que se portaron moi ben xa que viñeron cheos de agasallos.

Aínda que a semana foi curta comezamos a elaborar unha manualidade sobre a estación do Inverno. Utilizamos paus de madeira para unha vez pintados crear copos de neve. Xa veredes o resultado final.

Pronto novas noticias! Un saúdo familias!

Última semana antes das vacación de Nadal, pero en Dodro temos moita enerxía, esta semana rematamos as árbores que comezamos a semana pasada. Ademais con respecto o Nadal coñecemos a historia do Grinch a través dun corto. E por suposto puxémoslle música as nosas mañás con diferentes vilanciños.

Como ben notamos todos o frío chegou con moitas  ganas e para quentar o corpo fixemos un circuíto onde trepamos, saltamos e incluso bailamos.

Por suposto, esta semana houbo tempo para a lectura.

Felices festas familias, vémonos a volta!

Despois desta ponte, en madrugadores Dodro chegou oficialmente o Nadal, e como sinal disto as nosas nenas comezaron a elaborar unha fermosa árbore de Nadal. Para iso utilizamos lazos de pasta que pintamos de cor verde introducíndoas nun pequeno recipiente e dándolle movemento. Logo disto, unha vez secas imos pégalas nunha árbores que antes pintamos e por último colocaremos as súas bolas que para iso empregaremos pequenos pompóns de diferentes cores.

Ademais, como sempre en madrugadores dámoslle moita importancia a lectura e por iso mergullarémonos na historia do Nadal a través de diferentes contos. E por suposto sempre queda tempo para activar o corpo e a mente xogando a diferentes xogos como: memory, pilla-pilla, baile, etc.

Unha vez deixado atrás o Samaín, en madrugadores de Dodro xa nos estamos poñendo as pilas para prepararnos para empezar a decorar a aula de madrugadores con adornos de nadal.

Pero antes, esta semana aproveitamos para facer xogo libre, experimentamos a facer trazos co pincel simulando a un ourizo, desfrutamos de distintas historias a través dos contos e por suposto seguimos aprendendo día a día.

Debido a que hoxe o CRA de Dodro-Padrón celebraba o magosto, aprendemos sobre el.

Pronto novas noticias! Un saúdo familias!

O pasado día 30 chegou o momento que tanto ansiabamos, por fin que chegou o Samaín. Como non en madrugadores Dodro tamén o celebramos, os nenos e nenas sorprendéronnos cos seus terroríficos e marabillosos disfraces. Por suposto o ambiente tamén estaba listo para ese día, xa que como vos fomos dicindo creamos distintas decoracións. Por suposto para celebralo houbo moito baile e diversión.

Despois da gran festa, os días de descanso viñeron moi ben. E cheos de enerxía activamos o corpo cun circuíto de psicomotricidade onde as crianzas reptaron, saltaron e o máis importante desfrutaron.

Listos para as aventuras deste mes!

O mes de outubro está a punto de rematar, e para celebrar o Samaín o día 30 queremos ter a nosa aula ambientada nunha tenebrosa noite. Por iso esta semana estivemos preparando con material está decoración. Pasado o día xa veredes o resultado final o cal, esperemos que vos de moito medo ao mesmo tempo que vos guste.

Puxemos en pausa a nosa creación para conmemorar o dia internacional da biblioteca escolar, que tivo lugar o pasado 24 de outubro. Como xa sabedes para nos a iniciación a lectura e algo fundamental, e un día como ese non o desaproveitamos e mergullámonos en diferentes historias dalgún dos libros da nosa interesante biblioteca.

Ademais seguimos activando o noso corpo con bailes de cancións tenebrosas. Está semana a canción estrela foi “Momia Dance”. Encántanos.

Estamos desexando vivir o Samaín e contarvos as nosas aventuras.

Ata pronto familias.

Agora que xa estamos acostumados a rutina, na aula de madrugadores de Dodro estamos cheos de enerxía e ledos desfrutamos do tempo. Esta semana como manualidade creamos uns terroríficos e coloridos pantasmas.

Para realizar estes pantasmas descubrimos unha nova técnica: consiste en mollar un pompón en pintura, collelo cunha pinza da roupa para non mancharnos e estampalo no papel varias veces creando así diferentes puntos. Con esta creación ademais de mostrar a nosa creatividade tamén traballamos a motricidade fina da cativada. O resultado foi incrible.

Por suposta a semana dou para moito máis, e fixemos varios xogos nos que activamos o corpo e bailamos a ritmo de “chumbula chumula”. E tamén xogamos con pezas e elaboramos diferentes debuxos.

Estamos desexos de vivir o Samaín con vós para a semana e ver que tenebrosas aventuras nos esperan…

O pasado 11 de setembro iniciouse o servizo de madrugadores na Escola de Vigo Dodro. Este mes de setembro comezamos adaptándonos un pouco a nova rutina, xa que a pesar de ver algunha cara coñecida temos novas incorporacións dos máis pequenos da escola.

Comezamos establecendo unhas rutinas e un listado de normas tanto para os nenos e nenas que fan uso do servizo de almorzo como para os que só utilizan o servizo de gardaría. Pero por suposto tamén houbo tempo para o desfrute, xa que se realizaron xogos de presentación, xogos de momento.

Co comezo do mes de outubro, comprobamos que estamos máis que adaptados así que comezamos coas primeiras manualidades. Como ben sabedes, outubro é o mes do Samaín polo cal elaboramos unhas bruxas pintando as nosas mans de verde. E para facer a porta da aula máis divertida realizamos uns espantallos ben divertidos. Para afianzar o vocabulario do Samaín xogamos a “atopar a parella” e por suposto houbo tempo para a lectura.

Seguiremos contándovos as nosas aventuras!