25N no Aula Concilia

/en , /por

Os nenos e nenas da Aula Concilia do CPI de Xanceda adicaron esta semana e parte da anterior a sumerxirse no mundo contra a violencia de xénero.

Con motivo da conmemoración do 25N, os raparigos desfrutaron de dúas actividades para reivindicarse. Por un lado, botaron a voar a súa imaxinación e fixeron unhas bolboretas con frases en contra da violencia de xénero. Por outro lado, marcaron coas súas mans nunha fermosa árbore que eles mesmos pintaron, que queren vivir sen medo a nada.

Dúas actividades que demostran a súa contraposición a este gran problema e que aprenderon desfrutando coas súas propias mans.

Programa de Reforzo Educativo de Muros 2023-2024

/en , /por

Este novo curso, o Programa de Reforzo Educativo de Muros está conformado por un total de 18 nenos e nenas de diferentes cursos e idades, repartidos en 4 grupos dun máximo de 4 ou 5 persoas cada grupo.

Así, no PREM préstase unha atención individualizada, na que se traballan e reforzan aspectos educativos e académicos. Aténdese e dáse resposta a dificultades nas tarefas lectivas, e foméntanse tamén a interacción e as habilidades sociais a través da realización de xogos e/ou actividades grupais.

Fóra Violencia Machista

/en , /por

O alumnado de 1º a 4º da ESO do CPI Pontecesures, durante esta mañá, participará nunha dinámica grupal dentro das Accións e Actividades de Prevención e Sensibilización coa poboación infanto-Xuvenil, que está a organizar o Concello de Pontecesures. Ditas actividades continuarán o xoves e o sábado xa serán en familia coa lectura do manifesto pola Concelleira de Igualdade Mª Pilar García Díos e a continuación a actuación da Maga «Leo Leiño».

Medrando en Igualdade

/en , /por

Para o sábado 25 é o 𝐃í𝐚 𝐈𝐧𝐭𝐞𝐫𝐧𝐚𝐜𝐢𝐨𝐧𝐚𝐥 𝐜𝐨𝐧𝐭𝐫𝐚 𝐚 𝐕𝐢𝐨𝐥𝐞𝐧𝐜𝐢𝐚 𝐝𝐞 𝐗é𝐧𝐞𝐫𝐨 e, con ese motivo, a ANPA Pedrouco, realiza actividades este ⓁⓊⓃⓈ ②⓪ para as familias e o alumnado das unitarias de Olas e Visantoña do Concello de Mesía.

COMEZAMOS O CURSO 2023/24

/en , /por

O pasado mes de outubro, comezou de novo o taller de estimulación cognitiva en Cuntis. O primeiro que fixemos foi poñernos ao día despois de meses sen vernos, aproveitando tamén para traballar a memoria máis recente.

Os nosos talleres realízanse da seguinte forma: cada sesión dura hora e media, e nela intentamos facer actividades variadas para entreternos e disfrutar á vez que traballamos e reforzamos a memoria. Todo é posible!

Durante este último mes fixemos varias actividades; xogamos ás cartas, traballamos a lectoescritura, resolvemos xeroglíficos, adiviñanzas e pasapalabras, fixemos quebracabezas, xogamos ao bingo… Tamén un día do pasado mes un grupo de mulleres voluntarias acudimos ao Cuntilín, para falarlles aos nenos e nenas do que significa vivir nunha aldea, para conmemorar o día da Muller rural galega.

Ata aquí vos podo contar, pois o curso acaba de comezar e aínda nos quedan un montón de cousas que facer durante os seguintes meses. Ata a próxima!

EXCURSIÓN Ó ACUARIO DO GROVE

/en , /por

O martes 31 de outubro, as persoas residentes da Porta do Camiño de Santiago, saímos rumbo O Grove, para visitar o acuario.

Alí puidemos observar distintas especies mariñas; quenlla, tartarugas, morenas, polbos,..

Tivemos a oportunidade de tocar as estrelas de mar e os pepinos, o cal foi todo un descubrimento.

Despois dunha mañá chea de emocións, disfrutamos dun xantar ben apetitoso no Restaurante Scala de Padrón.

A onde iremos a próxima vez??!!

Aula Concilia Mesía

/en , /por

A Aula Concilia  comeza a súa andaina no Concello de Mesía para dar servizo ó alumnado do CPI de Xanceda e darlles a opción de que poidan conciliar coas súas familias.

O servizo comeza as 8.30h e a rapazada pode  disfrutar xogando cos xogos dos que dispón os servizo (Twist,  Cabalo tolo , Dominó, Parchís…) pero tamén de manualidades que van realizando durante o curso como  Photocalls, obras de arte do Samaín, murais rememorando algún momento importante do ano etc.

Neste programa hai espazo para todo tipo de ideas, polo que as monitoras se adaptan a poder xogar e aprender cos nenos.

Un programa necesario para o Concello e para as familias que forman parte do mesmo.

Inglés colorido!

/en /por

Neste mes de outubro arrancaron as clases de inglés lúdico no CEIP Plurilingüe do Camiño Inglés de Sigüeiro. Así, o alumnado de Educación Infantil comezou traballando cuestións básicas coma o modo de saudar no idioma anglosaxón.

Non obstante, centrándonos nos intereses dos nenos e nenas que acoden a esta actividade, leváronse a cabo, sobre todo, dinámicas en relación ás cores: aprendendo os seus nomes en inglés a través de diferentes xogos, buscando obxectos e debuxos de cada cor e dicindo o nome da mesma para así favorecer a asociación…

Ademais, na última semana tamén se traballou o «Samaín», coloreando debuxos con temáticas de Samaín e incidindo, brevemente, nese vocabulario.

CONTACONTOS EN O PINO!

/en /por

Este curso 2023/2024 na actividade extraescolar de contacontos desfrutaremos de moitos contos e realizando actividades para deixar fluír a nosa imaxinación e a nosa creatividade.

Durante a primeira semana, leemos mooitos contos tradicionais como A Bela Durminte, O Gato con Botas, O Libro da Selva, A Bela e a Besta, etc… coa finalidade de falar sobre os seus estereotipos e tratar temas de actualidade como a igualdade de xénero e, incluso, creando o noso propio final dun conto tradicional a través de debuxos! 

Ademais, aproveitando que foi Samaín, fixemos unha manualidade de acordo ca temática debuxando morcegos, cabazas, bruxas, pantasmas,… E despois sempre acabamos ás actividades cantando e bailando!

Ata a próxima familias!

BENVIDAS FAMILIAS DE O PINO A MAXIA!

/en /por

Este curso 2023/2024 na actividade extraescolar de maxia desfrutaremos de moitos trucos e realizando actividades que teñan que ver coa maxia.

Durante a primeira semana, fixemos xogos de presentación para coñecernos mellor como tamén nos puxemos en acción para aprender diferentes trucos de maxia con cartas, de esconder obxectos, entre outros.

Por outra banda, recibimos unha carta do mismísimo Harry Potter, onde nos relataba os problemas que ten na súa escola e que precisa da nosa axuda para poder combater á todos os villanos. Nos deixaba unha misión de ter que crear o noso propio escudo de maxia!

Ademais, aproveitando que foi Samaín, fixemos unha manualidade de acordo ca temática como morcegos, cabazas, bruxas, pantasmas,…) para decorar os nosos debuxos ou as nosas libretas.

Ata a próxima familias!