Benvidos/as a todos e a todas a Teo Coida! Nestas semanas nas que as crianzas tiveron algún día máis para recargar as pilas debido os festivos, aproveitamos os momentos nos que fixo bo tempo para saír fora a xogar. Pero antes de saír disfrutar fora, toca facer os deberes e estudar para os exames, e podemos dicir que obtiveron moi bos resultados nestes primeiros exames e para os seguintes tamén esforzaremonos moito e así acadar eses mesmos resultados.
Na xornada do sábado o Concello de Pontecesures decidiu celebrar o Día Das Letras Galegas cunha serie de actividades que xiraron en torno á figura da poetisa Xela Arias.
Por unha banda, fixeron para a cativada talleres de marcapáxinas e máis chapas,nos cales tan só por participar che agasallaban cun libro.
Tamén se pintou o “Mural das Letras” no cal unha pintora decorou as paredes que rodean a Praza Do Coche de Pedra.
Leer más →
Este ano, como todos e todas sabedes, tocounos afrontar un curso totalmente diferente ao que estabamos acostumados, debido a situación que estamos a vivir. Dita situación trouxo consigo moitos cambios e innovacións. Unhas destas é o servizo de espera no colexio dos Tilos.
Este servizo foi creado para poder axudar as familias coa conciliación. É un programa que se leva a cabo ao remate das clases ata as 15:30, onde os nenos e nenas esperan, levando a cabo diversas actividades, a que veñan a recollelos os seus pais e nais.
Este mes de maio vén cargado de actividades, as máis destacadas son as relativas ao “Día das Letras Galegas”, este ano adicadas a Xela Arias.
Tamén comezaremos a preparar o festival de fin de curso, organizando as diferentes actuacións. Debido a situación actual do Covid-19, aínda non sabemos como se levará a cabo, pero o que sí temos claro e que será igual de espectacular que sempre.
Traballeremos sobre o “Día internacional contra o acoso escolar”, realizaremos un contactontos e un posterior debate. Tamén conmemoraremos o “Día Internacional dos Museos”, facendo un percorrido virtual polos máis importantes do noso país.
En canto a igualdade, afondaremos nas mulleres deportistas máis importantes e nos deportes nos que destacaron.
Sempre que o tempo nos permita, aproveitaremos ao máximo no exterior, con xogos deportivos, coidando o horto, xogos musicais…
Ata o próximo mes!
A tarde recibiunos con sol e boa temperatura para celebrar este Día das Letras Galegas 2021 en Noia.
Con esta Xincana tan especial mediante a cal percorremos algúns dos lugares máis emblemáticos de Noia, a diversión e o bo humor estaba garantido.
Por suposto, tamén nos achegamos un pouco máis a Xela Arias a través dalgunhas preguntas e simpáticas probas que os participantes tiveron que contestar ou realizar en cada un dos puntos sinalados.
Leer más →Empeza o mes de Maio, coñecido como o mes das flores, e con moitas flores, cores e alegría é como o imos a pasar.
Xa empezamos co día da nai, que este ano foi madrugador (como nós) e celebrouse o día 2, pero aínda temos moito que facer este mes, e é que temos por diante, nin máis nin menos, que o día das letras galegas, que este ano está dedicado a Xela Arias.
A través de distintas actividades entretidas e divertidas, como sempre, imos tratar de coñecer un pouco mellor a esta gran escritora, poeta e tradutora galega.
Por suposto non imos esquecernos das nosas actividades favoritas, non nos van a faltar os quebracabezas, a música, os debuxos, a plastilina…
Convidámosvos a permanecer atentos ás noticias semanais para coñecer máis detalles das nosas actividades.
Comezamos o mes de maio no Madrugadorxs Pedrouzos e diredes, qué acontecerá este mes?Pois….prestade atención que a continuación, vos imos dar un pequeno adianto do que faremos.
Primeiro e como xa é habitual unha vez o mes, montaremos o recuncho científico e recibiremos a nosa científica que virá cargadiña de experimentos e de cousas que ensinarnos e coas cales de seguro aprenderemos moito.
Continuamos coa conmemoración do 17 de maio Día das Letras Galegas, que este ano está adicado a Xela Arias, polo cal as actividades xirarán en torno a esta poetisa galega, primeiro daremos a coñecer a vida desta autora e máis a súa obra a través de pasatempos e rompecabezas, logo convertirémonos en poetisas e poetas escribindo os nosos propios versos e remataremos montando o noso propio recital de poesía.
Leer más →Comezamos Maio, penúltimo mes do curso escolar, con moitísima ilusión e as crianzas coa vista posta xa nas vindeiras vacacións de verán. Este novo mes continuaremos coas actividades programadas, e dedicaremos máis tempo aos xogos no exterior (iso si, sempre que nolo permita o tempo, e con todas as medidas de seguridade).
As actividades centraranse en dinámicas contra o acoso escolar (2 de maio) e a convivencia en paz (16 de maio); destacará especialmente a celebración do 17 de maio, día das Letras Galegas (dedicado este ano a Xela Arias).
Leer más →