Polo 25N do 2024, o concello de Frades, realizou un Scape Room para poñer en valor a identidade de mulleres importantes da historia de Galicia. O alumnado do CPI Ponte Carreira de 3º de Primaria ata 4º da ESO pasou un tempo entretido ó mesmo que conmemorou o Día Internacional da eliminación da violencia contra as mulleres.
Por outra banda tamén se repartiu Merchandising entre a cativada.
O venres 22 de novembro ofreceuse unha charla informativa sobre o ICTUS, unha enfermidade cerebro-vascular no local social do Vedral en Abellá, concello de Frades.
No tratamento do ictus é fundamental tratar de restaurar o fluxo cerebral o antes posible, posto que basta con que pasen poucas hora dende o inicio do ictus para as lesións que se producen sexan irreversibles. Todo isto e mais cousas foron as que se trataron nesta charla para a veciñanza do concello. Asistiron 28 persoas.
No Concello de Frades colocou, aproveitando días de feira, un Punto lila na Ponte Carreira e outro en Abellá. Tamén estará dispoñible na casa consistorial para calquera consulta ou información.
Este domingo día 26 foi a primeira das 3 xornadas informativas polo 8M, Día Internacional da Muller, previstas en Frades.
Nesta ocasión estivemos co punto lila en Ponte Carreira, onde, ademais de informar acerca deste día, fixemos entrega duns agasallos ofrecidos polo concello.
Proximamente poderemos atopar o punto lila en Abellá, o día 3 de Marzo, e novamente en Ponte Carreira, o 12 de Marzo.
Cheo de entretemento e historia estivo esta viaxe a Navarra que fixeron os veciños de Frades.
Visitas a lugares como A Catedral de Pamplona, o Palacio Real de Olite, o Castelo de Javier ou o Mosteiro de Leyre permitiulles facer un pouco de historia e coñecer mellor outra parte do camiño de Santiago. Mesmo puideron gozar dalgún dos pasacalles de xigantes tradicionais de San Fermín Txiquito, festa coa que, por sorte, coincidiron.
Por suposto non faltou a degustación da gastronomía do lugar, acompañada, como non, polos viños da terra.
Seguro que a máis dun e dunha non lle importaría volver pronto.
No Concello de Frades este ano unimos o 8 de marzo co 25 de novembro. A comunidade escolar participou para nun concurso para buscar un slogan e o gañador foi a base da campaña levada a cabo durante todo o mes de novembro. A campaña levada a cabo englobou a todos os sectores de poboación, cada segmento poboacional tivo o seu articulo adaptado a eles. Cartelería, adhesivos, camisetas, mochilas, bolsas, argolas teléfono, pancartas… ata os recunchos máis escondidos recibiron a mensaxe TODO ESTA NA NOSA MAN.
No Concello de Frades, estivemos co alumnado do CPI Ponte Carreira.
O luns 2 de decembro, cunha xincana pola igualdade para 3º, 4º, 5º e 6º de primaria e unha sesión expositiva «A perspectiva de xénero na linguaxe cinematográfica» para o alumnado de 1º, 2º, 3º e 4º de ESO.
O martes 3 de decembro co alumnado de infantil e 1º e 2º de primaria co contacontos «Carapuchiña de cores» e unha dinámica.
