LudoMeis

NA LUDOMEIS ENTRENAMOS PARA SER GRANDES DETECTIVES COMO BENJI E OLIVIA

Comezamos unha nova semana da ludoteca de Meis e con ela vemos máis en profundidade en que consiste o traballo de detectives dos nosos amigos Benji e Olivia, ensínannos o material que empregan nas súas investigacións e as mellores técnicas para resolver todos os casos con éxito. Vemos que a observación é unha das cualidades máis importantes dos detectives, polo que aproveitamos para entrenala con actividades como buscar as diferencias, observar o escenario dunha desaparición e atopar as pistas ou os cambios que sufriu, xogos grupais nos que hai que estar atentos para seguir os cambios no ritmo e nos pasos a facer. Xa estamos preparados para axudarlle a resolver os casos a Benji e Olivia!

Puxemos en práctica as nosas habilidades na contorna da Casa do Escudeiro e no parque, había que atopar os obxectos agochados e ver que non encaixaba. Despois do bo traballo merecían unha boa sesión de xogos e parque! E como gozaron!

O martes tivemos taller de igualdade no que os máis cativos e cativas coñeceron algunhas das figuras femininas galegas máis relevantes, como Luisa Villalta ou Rosalía de Castro entre outras. Con cancións e bailes ensináronnos parte dos seus poemas. Máis tarde tivemos sesión cine na que desfrutamos Brave.

O grupo dos máis grandes tiveron un día de xincana na que demostraron que tantos nenos como nenas poden facer unha multitude de actividades como ioga, xogar ao fútbol ou bailar.

No mércores, o clima non nos acompañou, pero iso non foi impedimento para ter un día estupendo, fixemos actividades e xogos no interior como poden ser as agochadas, “pato, pato, cuac” ou “ 3 pés”. Tamén aproveitamos para mover o esqueleto con diversos bailes.

O venres, a pesar de que non puidemos gozar da nosa visita semanal á piscina por problemas técnicos, finalmente puidemos facer a saída á praia do Terrón en Vilanova de Arousa que o clima nos impedira facer o mércores, un día de diversión e actividades variadas no que as nenas e nenos gastaron enerxía a moreas.

Outra semana de bos momentos e actividades na Ludomeis!

PRIMEIRA SAÍDA DA LUDOMEIS: VISITAMOS Á PRAIA DO TERRÓN!

Despois de ter que aprazar a saída polo mal clima, e ter que suspender o venres de piscina por causas técnicas, e cando todo parecía que se nos atravesaba, parece que a fortuna nos sorrí e conseguimos xestionar o cambio para poder facer a saída o venres.

Comezamos o venres como tódolos días, pero nótase no ambiente que as cativas e cativos agardan algo con impaciencia. Non lles dan chegado as 10 da mañá para poder empezar a nosa aventura.

Unha vez que estamos todos listos no bus, poñemos rumbo á praia do Terrón en Vilanova de Arousa, polo camiño as monitoras e monitores ensínannos cancións e temos un traxecto do máis entretido, xa estamos na praia! Que curta se nos fixo esta viaxe!

Recíbenos un día soleado e despexado e unha praia espléndida para desfrutar en grupo. Colocamos as nosas cousas na area, preparámonos e comezamos co día de praia. Os monitores e monitoras tíñannos preparados xogos para facer na area, tivemos que encher un buraco con area, pero só podíamos usar as nosas mans para facelo e ademais non valía coller a area de calquera lado, tiñamos unha zona especial para collela e non estaba precisamente preto do buraco, levounos un pouco conseguir enchelo!

Outros compañeiros tiñan que enchelo con auga aínda que tiveron un pouco máis de sorte e tiñan botellas e vasos para axudarse. Tamén tivemos ocasión de xogar ao limbo e ao fútbol. Apareceron algunhas sirenas e tritóns na area, obra dos artistas que temos na ludoteca.

Chegou o momento de poder ir a auga, non houbo dúbidas, estaba boísima! Gozamos de uns bos momentos de baño, de xogos e incluso algúns e algunhas valentes que lle seguiron o ritmo á monitora facendo exercicios na auga.

Os e as máis maiores da ludoteca animáronse con unha boa sesión de natación e incluso unha andaina de exploración pola praia.

Houbo un grupo de curiosos que tiveron a sorte de poder atopar algún exemplo de fauna marítima, tan agradables foron que o cangrexo ata saíu do seu agocho para saudalos.

Cando nos demos conta xa chegara o momento de prepararnos para marchar. Que rápido pasou a mañá! Agardamos ansiosos a próxima saída!

ARRANCA A LUDOMEIS VERÁN 2024

O día 1 de xullo arrancou a Ludomeis Verán 2024 no Concello de Meis. Nesta primeira semana aproveitamos para coñecernos monitorado e participantes a través de diversas actividades e propostas, sempre adaptadas a cada grupo de idade e co obxectivo de que as cativas e cativos desfruten das súas vacacións.

Gozamos de xogos grupais, elaboramos o mural que iremos decorando durante todo o verán coas creacións deste grupo de artistas, en grupo decidimos as normas que debemos cumprir para que a Ludomeis sexa un lugar de bos momentos e diversión.

Tivemos oportunidade de poñerlle cara aos nosos amigos detectives, Benji e Olivia, que nos acompañarán durante todo o verán e aos que teremos que axudar en máis dunha ocasión.

Os maiores representaron unha pequena obra de teatro para os máis pequerrechos, con guión, dirección e escenografía propios. Todos uns artistas que conseguiron manter á cativada atenta ao desenvolvemento da súa trama. Non faltaron as risas!

O clima permitiunos facer unha saída pola contorna e puidemos desfrutar dunha mañá nas inmediacións da Casa do Escudeiro e o parque, xogando e convivindo con todos os compañeiros e compañeiras da ludoteca.

O venres seguimos desfrutando do sol e do bo tempo, pero esta vez fíxemolo nas instalacións da piscina do Centro Cultural da parroquia de San Lourenzo de Meis. Na primeira metade da mañá fixemos uns obradoiros de monicreques e pulseiras, que deron uns resultados coloridos e nos que se aprecian o gran traballo que levaron a cabo todos os participantes.

Como vedes foi unha primeira semana intensa e chea de diversión.