Escola de Verán de Dodro

EN DODRO IMOS POÑENDO O FIN O NOSO CAMIÑO!

O nenos e nenas da Escola de Verán de Dodro seguímonos divertindo, a vez que nos concienciamos do consumo sostible dos xoguetes grazas a un taller que tivemos a semana pasada, onde creamos un xoguete nos mesmos. Por outra banda, onte tivemos a sorte de visitar as persoas do Centro de Día, onde puidemos compartir con eles un tempo de divertidos xogos deportivos. Para finalizar á mañá entregámoslle o noso agasallo con moita ilusión.

TEMPO DE MANUALIDADES EN DODRO!

Esta semana dedicámonos a estimular a creatividade dos nosos nenos e nenas. Comezamos realizando un agasallo que pronto entregaremos aos seus destinatarios/as. Continuamos con diversas actividades relacionadas con contos, e como non, co Camiño de Santiago. Ademais tamén tivemos tempo para seguir movendo o noso corpo con moitos xogos e dinámicas.

O TEU BOCATA EN DODRO!

Esta semana tivemos a visita do equipo de “Fai clic o teu bocata”, con eles aprendemos coñecementos sobre o consumo dos produtos en conserva do mar de Galicia, e realizamos diferentes actividades con eles. Ademais, seguimos converténdonos en peregrinos expertos, facendo as nosas propias mochilas e coñecendo máis detalles das etapas do camiño.

BENVIDA A AGOSTO EN DODRO!

Comezamos Agosto dando a benvida ós novos nenos e nenas que chegaron a Escola de Verán. Unha vez que nos coñecemos ben, tivemos unha semana cargada de actividades, festa de auga, contacontos e repetimos o día do cine. Ademais de todo isto, seguimos coñecendo novas dinámicas e xogos seguindo a temática do Camiño de Santiago.

EN DODRO ESTAMOS DE ENTROIDO!

Unha semana máis, na Escola de Verán de Dodro, continuamos divertíndonos. Aínda que temos que dicir que esta foi un pouco diferente xa que, para rematar o mes de xullo, preparamos unha gran festa na cal nos disfrazamos, bailamos e despois fixemos unha gran merenda.

Xullo rematou, pero comeza un novo mes de xogos no que seguiremos pasando momentos incribles!

CHEGA A DODRO A SEMANA DO ESPECTÁCULO!

Ó longo desta semana, celebramos a festa do cine na Escola de Verán de Dodro, coa proxección de películas animadas coas que nos rimos un montón. Ademais, tamén participamos nun concurso de coreografías e karaoke no que non paramos de bailar e cantar. Agora que se achega o final de xullo, estamos a ter moitas sorpresas, e aínda as que nos quedan nestes últimos días…

Está a ser un verán moi intenso, cheo de emocións, sorrisos e novas amizades!

EN DODRO COMEMOS SAN!

Unha semana máis, en Dodro non paramos. Esta vez, tocounos unha visita moi especial, na que puidemos aprender moitas cousas sobre os beneficios de comer peixe e na que, ademais, bailamos e nos divertimos un montón. Por outro lado, para facer fronte á calor, fixemos xogos de relevos con auga por equipos. Que non remate o verán!

DODRO MÓLLASE NESTA ONDA DE CALOR!

Estas primeiras semanas de xullo, as altas temperaturas acompañáronnos na Escola de Verán de Dodro, por iso, para facer fronte a esta calor, collemos os nosos bañadores, chancletas e toallas e dispuxémonos a pasar os días máis fresquiños.

Ademais, este verán estamos aprendendo moitas cousas sobre o camiño de Santiago, xa que é a nosa temática central, descubrindo un montón de cousas sobre a súa orixe e as súas costumes.

Estamos a pasalo xenial!

O VERÁN DE DODRO MOLA!

O mes de xullo comezou e con él, 60 nenas e nenos do Concello de Dodro, incorporáronse á Escola de Verán na que, durante os meses de xullo e agosto, desfrutarán de xogos, festas de disfraces e mesmo combates de globos de auga para facer fronte á calor. 

Estade moi atent@s, pronto haberá divertidas historias para contarvos!