UN NADAL CHEO DE RETOS: FACÉMOLO?
En estas vacacións o Campamento de Nadal de Muros foi un auténtico desafío para a cativada. Sí, sí, unha aventura desafíante para cada día da cal nin que dicir ten que saíron ben airosos/as. Baixo o lema “aquí facémolo nós mesmos/as” non houbo reto que se lles resistira; entre xogos e dinámicas sempre atopaban un momentiño para achegarse ó recuncho de Nadal e de aí xa poderedes ver que lles saíu de todo, con moito esmero e sobre todo alegría e diversión foron aparecendo adornos para as súas árbores, pandeiretas, petos, renos bailaríns, magdalenas de chocolate, xogos de bolos, de encestar, un “memory”… E non nos podemos esquecer de que non quixeron deixar ós Reis Magos sen agasallo, de xeito moi especial déronlle forma a unha estrela propia pola que as súas maxestades se poderán guiar e chegar a cada casa.
Familias, non o dubidedes e botádelle un vistazo a todo o que foron quen de facer os/as vosos/as nenos/as!
Un saúdo e ata a próxima!
