TALLER DE ESTIMULACIÓN COGNITIVA A DOMICILIO NO CONCELLO DE FRADES

Remata unha nova edición do taller de estimulación cognitiva destinado a persoas con deterioro cognitivo leve ou moderado do concello de Frades. Este programa, desenvolvido nos propios domicilios, ofreceu intervencións individuais e personalizadas, adaptadas ás necesidades específicas de cada participante. Durante as sesións traballáronse unha ampla variedade de habilidades cognitivas como a memoria, as funcións executivas, a linguaxe, o razoamento lóxico, a atención e a visoconstrucción, entre outras, co obxectivo de manter e potenciar as capacidades mentais o maior tempo posible. Agradecemos a participación e colaboración das familias. Desexámoslle a todas un feliz verán e reafirmamos o noso compromiso co benestar e a saúde cognitiva para o vindeiro curso.