Entradas

UN NADAL CHEO DE DIVERSIÓN, CONVIVENCIA, CREATIVIDADE E ILUSIÓN.

/en , /por

Nenos e nenas de entre 3 e 12 anos puideron gozar duns días divertidos e cheos de ilusión no campamento de Nadal de Pontecesures. A través de xogos, actividades deportivas e manualidades fomentamos a convivencia, o respecto e o traballo en equipo, adaptándonos sempre aos diferentes ritmos e idades.

A creatividade acompañounos durante todo este tempo, xurdindo así todo tipo de ideas, debuxos e murais relacionados con estas datas tan especiais. Tamén tivemos a sorte de recibir a Papá Noel para entregarlle os nosos desexos e divertirnos coa nosa festa de “Fin de Ano”, onde desfrutamos das badaladas de forma anticipada. Pechamos o campamento deste ano coas emocións á flor da pel, desexando que pronto nos poidamos volver a xuntar. Facer novas amizades e aprender uns dos outros é o mellor agasallo que puidemos recibir deste Nadal!

SIF DESENVOLVERÁ PROGRAMAS LÚDICOS DE NADAL EN NOVE CONCELLOS GALEGOS

/en , /por

Con motivo das vacacións de Nadal, SIF poñerá en marcha unha nova edición dos seus programas lúdicos e educativos, dirixidos a nenos e nenas co obxectivo de ofrecer alternativas de lecer creativo e participativo durante estas datas tan sinaladas e especiais para a cativada.

As actividades levaranse a cabo nos concellos de Vilagarcía de Arousa, O Pino, Arbo, Avión, Mesía, Cuntis, Frades, Pontecesures, As Neves e Teo, para facilitar a conciliación familiar durante o período vacacional.

Durante este Nadal desenvolveranse catro programas lúdicos, adaptados a diferentes idades e realidades locais:

  • Exploradores do saber, unha proposta centrada na aprendizaxe a través do xogo, da curiosidade e da experimentación.
  • Desexos de Nadal, un programa de actividades creativas e dinámicas grupais que convida a reflexionar e compartir os valores propios do Nadal.
  • A viaxe das emocións, orientado ao desenvolvemento emocional, á expresión de sentimentos e á convivencia positiva.
  • Escape room: Salvemos o Nadal, unha actividade participativa e cooperativa na que as persoas participantes deberán resolver retos e enigmas para superar unha misión moi especial.

Todas as actividades estarán dinamizadas por monitores e monitoras cualificados, garantindo unha contorna segura, inclusiva e adaptada ás necesidades de cada grupo. Desde SIF apóstase por un modelo de lecer educativo que combine diversión, aprendizaxe e transmisión de valores como o respecto, a igualdade e o traballo en equipo.

Este Nadal, como en anos anteriores, SIF continúa apostando por un lecer que educa, conecta e crea comunidade.

O OBRADOIRO DE MEMORIA DE PONTECESURES REFORZA HABILIDADES COGNITIVAS A TRAVÉS DE XOGOS VISUAIS E LINGÜÍSTICOS

/en , /por

O grupo de participantes do obradoiro de memoria desenvolveu durante este mes diferentes sesións centradas na estimulación cognitiva mediante actividades lúdicas e dinámicas. Entre elas, destacaron os exercicios baseados en xogos de mesa que permitiron traballar múltiples procesos mentais fundamentais para o mantemento da autonomía e o benestar cognitivo.

Durante as sesións, as persoas asistentes exercitaron:

  • Atención e concentración.
  • Memoria de traballo.
  • Percepción visual.
  • Resolución de problemas.
  • Estimulación cognitiva xeral: reforzando o razoamento e potenciando a neuroplasticidade a través do xogo.

Ademais das tarefas visoespaciais, realizáronse actividades verbais como xogos de palabras que comezan por diferentes letras, exercicios de relación de termos, recordo de palabras ditas ao inicio da clase, ou a procura de nomes de muller que comezan pola letra E. Tamén se levou a cabo o coñecido xogo dos vasos, no que as participantes debían observar unha figura e posteriormente reproducila, reforzando a memoria visual e a coordinación.

Destacamos a alta participación e motivación das asistentes, subliñando que este tipo de obradoiros non só favorecen o adestramento cognitivo, senón que tamén crean un espazo de relación social e benestar emocional.

PONTECESURES CONMEMORA O 25N CUNHA XORNADA ESPECIAL NOS TALLERES DE MEMORIA

/en , /por

Con motivo do 25N, Día Internacional da Eliminación da Violencia contra a Muller, os talleres de memoria que se desenvolven no concello de Pontecesures dedicaron unha sesión monográfica á reflexión sobre a igualdade e a aprendizaxe compartida.

A xornada iniciouse cunha análise de diferentes refráns populares, deténdose no machismo explícito ou implícito que moitos deles conteñen. As persoas participantes reflexionaron sobre o seu significado e propuxeron versións alternativas máis respectuosas e igualitarias, adaptadas aos valores actuais.

Posteriormente, afondouse na evolución dos dereitos das mulleres ao longo das últimas décadas. Comparáronse as vivencias de xeracións anteriores coa realidade actual, destacando os avances acadados pero tamén aqueles dereitos que aínda quedan por conquistar para lograr unha igualdade plena.

Para rematar, o grupo foi dividido en catro equipos máis pequenos, encargados de crear frases propias que promovesen a igualdade, resultado dun traballo colaborativo e creativo que puxo o peche á sesión.

Así, os talleres de memoria de Pontecesures sumáronse á conmemoración do 25N cunha actividade que uniu reflexión, participación e compromiso coa igualdade.

CONTINUAMOS FACENDO TRABALLAR AS CABECIÑAS EN PONTECESURES

/en , /por

Neste último mes, non deixamos de traballar nos grupos de Memoria e Estimulación cognitiva de Pontecesures. Un espazo no que tentamos crear un ambiente distendido, de socialización e traballo, no que os nosos e as nosas participantes pasen un momento agradable, entretido e relaxado ao mesmo tempo que traballamos e estimulamos a mente.

Entre risas, anécdotas e ganas de superación vamos traballando distintas habilidades como poden ser a linguaxe, o cálculo e  destreza visual, ademais tamén traballamos a paciencia e a concentración.

Busca de palabras que comecen ou rematen por determinadas letras, relacionar conceptos entre unha selección de palabras, cálculo mental con cifras de diñeiro, quebracabezas numéricos, ordenar sílabas para formar palabras e buscar a sílaba que falta, son exercicios que permiten unha adaptación ás necesidades dos e das participantes, aumentar ou diminuír a dificultade segundo sexa preciso e deste xeito motivalos e que busquen unha superación continúa, sentido a satisfacción de lograr os obxectivos establecidos.

Ademais son exercicios que presentan a vantaxe que se poden realizar en calquera lugar e sen necesidade de material, polo que, en palabras dos nosos e das nosas valentes, de repente atópanse agardando a súa quenda no médico, ou na cama antes de quedarse a durmir, ou mesmo en momentos que se aburren nas súas casas, facendo estes exercicios pola súa conta. Traballan durante o tempo dos talleres e seguen traballando despois.

Como non todo vai ser traballar, tamén tivemos tempo para levar a cabo algún xogo, a baralla sempre gusta, pero aquí en Pontecesures prefiren xogos como as palabras encadeadas, a maleta viaxeira ou o bingo. Xogos cos que mentres pasamos un tempo divertido, distendido e con maior participación entre os e as asistentes, tamén traballamos a memoria inmediata pois teñen que recordar as palabras que xa se dixeron ao mesmo tempo que seguimos traballando a linguaxe e, por suposto, a concentración.

ADAPTÁNDOSE A CADA UN

/en , /por

A ximnasia adaptada é unha modalidade de exercicio físico deseñada para persoas con mobilidade reducida ou condicións físicas específicas. A través de movementos e rutinas personalizadas,  traballamos a flexibilidade, o equilibrio, a forza e a coordinación, sempre respectando as limitacións e necesidades de cada persoa. Con esta disciplina buscamos mellorar a calidade de vida, previr complicacións derivadas de enfermidades ou lesións, e fomentar a autonomía e benestar físico, adaptándonos aos ritmos e capacidades de cada persoa.

XIMNASIA DE MANTEMENTO PARA COIDARSE

/en , /por

A ximnasia de mantemento é unha actividade física deseñada para mellorar a saúde xeral, manter a mobilidade e previr problemas musculares e articulares. Nestas clases enfocámonos en traballar todos os músculos mediante exercicios suaves que traballan a flexibilidade, o equilibrio, a forza e a resistencia, adaptados ás necesidades e capacidades de cada persoa. É ideal para persoas de todas as idades, especialmente para quen busca manterse activos sen realizar esforzos excesivos, e é unha excelente opción para mellorar a calidade de vida e previr enfermidades relacionadas co sedentarismo.

ACTIVAMOS E ESTIMULAMOS A MENTE EN PONTECESURES

/en , /por

Dende o finais do 2024 estase a levar a cabo unha nova edición dos talleres de memoria e estimulación cognitiva para os maiores. En sesións de hora e media, e dous grupos semanais creamos un lugar no que a sociabilización deste grupo de idade ao mesmo tempo que a través de exercicios de distinta índole e xogos activamos as capacidades cognitivas dos e das participantes.

Actividades de linguaxe como a busca de palabras que comecen ou rematen por determinado grupo de letras, elementos dentro de distintas categorías, exercicios de agudeza visual, de ordenar alfabeticamente, contas regresivas ou progresivas de números, ordenar unha serie de números de maior a menor ou viceversa, etc. Todos exercicios que pouco a pouco aumentamos a dificultade a medida que os nosos e as nosas participantes van collendo unha maior destreza, e os cales adaptamos aos distintos niveis que podemos atopar no grupo.

Tamén tivemos sesións de xogos, as cartas, xogos de buscar a parella, destreza xeométrica, xogos clásicos como Arriba o lapis, palabras encadeadas, a maleta viaxeira… permítennos seguir traballando nun ambiente máis relaxado e que favorecen os momentos de risas e complicidade entre os e as participantes, momentos esenciais de sociabilización e conexión esenciais para a un benestar mental.

Nestes meses tivemos tempo de celebrar almorzos de Nadal e de Entroido, nos que se crean un ambiente para o recordo e no que as anécdotas e contos saen á luz.

Despois de todos estes meses de traballo, podemos ver grandes avances nas habilidades cognitivas, lingüísticas e na memoria de todos e todas elas.

Todo traballo ten a súa recompensa, e neste caso unha moi grata!

COMPARTIMOS O NADAL UN ANO MÁIS!

/en , /por

Moi boas familias!

É un pracer saudarvos un ano máis nestas datas e poder compartir con todos vós estes anaquiños de tempo.

Durante este periodo vacacional, engadíronse ao programa novos membros aos que acollimos cos brazos abertos; dende o primeiro día, forman parte deste gran equipo. Porque precisamente iso é o que caracteriza a estos nenos e nenas; tanto os que se levan conocendo anos como os recén incorporados móstranse abertos a traballar en equipo, darse unha man se alguén cae, rirse a carcaxadas con calquer xogo inventado ou armar trastadas cada día. E iso é un agasallo para todos nós, que dende logo fai que o traballo sexa moi gratificante.

E falando de traballar… aínda que a premisa do campamento é o xogo, non deixamos as tarefas de lado. Nestes días decoramos a aula con diversos elementos de nadal, elaboramos postais para as familias, fixemos as cartas a Papá Noel e incluso poidamos darllas en persona!

Tamén aprendemos sobre a reciclaxe, tivemos sesión de cine, búsquedas do tesouro nas instalacións do pabellón, multitude de xogos de mesa como cartas, memory, o tres en raia…

Fixemos unha sesión de ioga e risoterapia ca que acabamos todos e cada un de nós no chan a carcaxadas, un taller de cociña de postres saudables co que non sabemos se desfrutamos máis facendo ou probando e moitos xogos deportivos.

Debatimos sobre as tradicións de Ano Novo e deixamos reflexados os nosos desexos, mesmo demos as campanadas!

Aínda que non todas as propostas saíron como se esperaba, o resultado foi moi positivo, e os cambios de plans non nos quitaron as ganas de seguir desfrutando.

Con esto despedímonos ata a próxima, ogallá teñades un ano cheo de experiencias, e que nolas contedes cando nos vexamos.

Ata entonces, un saúdo enorme!

DEIXAMOS UN BO SABOR DE BOCA EN PONTECESURES

/en , /por

Despois de un breve, pero intenso curso en Pontecesures, despedimos estes obradoiros de estimulación cognitiva e memoria ata o mes de Setembro.

Neste último mes de xuño traballamos como sempre a través de exercicios dinámicos e que supoñían un reto divertido para as e os participantes, tivemos que atopar a palabra que se agochaba nun palabra previa, fixemos cálculo mental, sudokus, e moitos outras actividades que tiñan á nosa xente dos obradoiros nun estado de superación e reto constante, en Pontecesures gústanlles os retos!

Na última semana, e como despedida, tivemos sesións de bingo e almorzo! Unha despedida moi doce, para darlle a benvida a un verán de descanso. Esperámosvos en setembro con enerxías renovadas!