Entradas

EN DODRO MÁNTEMOS A MENTE ACTIVA

/en , /por

Despois das vacacións de Nadal, retomamos os talleres de memoria en Dodro, onde en sesións semanais de dúas horas, e que se desenvolven en distintos lugares do municipio (Imo, Tallós, Teaio, Lestrobe, Bexo e Traxeito), fomentan un espacio de sociabilización entre os e as participantes, ao mesmo tempo que a través de distintos tipos de exercicios traballamos a memoria e a estimulación cognitiva.

A través de actividades como o cálculo aplicado á vida cotiá, reflexionamos sobre conceptos útiles relacionados con gastos, compras ou organización do fogar ou coa realización de lecturas comprensivas que nos permiten traballar a atención, a interpretación e o diálogo compartido.

Outro dos nosos puntos fortes é o razoamento lóxico, coa resolución de desafíos sinxelos pero estimulantes, así como propostas léxicas para activar o vocabulario. Ás veces propoñemos retos como “palabras que comecen por C e rematen en A”, “termos con máis de sete letras”, ou palabras relacionadas con diferentes temáticas, dende as estacións do ano ata os alimentos.

E como non podía faltar, adicamos tempo a xogos colectivos coma o bingo, as palabras encadeadas, as rondas de termos temáticos ou outras propostas nas que o humor e o compañeirismo son sempre protagonistas.

Do mesmo xeito, tamén celebramos merendas de Entroido nos que os participantes elaboraban un postre de Entroido da súa elección e no que creamos un ambiente no que os recordos e anécdotas afloran, pasando un  momento máis relaxado no que a socialización, tan importante para un estado de benestar, se produce dun xeito natural.

Outro día para o recordo, foi o dedicado ao Caldo de gloria polo día de Rosalía, sesión na que os participantes compartiron receitas e recordos de tempos nos que a abundancia non era o máis común, favorecendo a creación de momentos de complicidade entre os e as participantes.

Despois destes meses de traballo, podemos dicir, que o esforzo se nota e con cada sesión destes talleres que pasa vamos vendo unha maior soltura e capacidade en todos e todas elas.

CONCILIA NADAL EN DODRO

/en , /por

Estes días de descanso de Nadal, en Dodro tivo lugar os días 23, 26, 27, 30 de decembro e 2 e de Xaneiro o Concilia Nadal de Dodro. As crianzas de 3 a 12 anos desfrutaron de pasar as mañás realizando diversas actividades.

Durante este período coñecemos e reforzamos a tradición do Apalpador ademais da idea de que os xoguetes non pertencen a ningún xénero a través dun obradoiro de igualdade, desenvolvemos a creatividade con diversos talleres das distintas personaxes do nadal, desfrutamos das badaladas, xogamos ao bingo de Nadal, etc.

Estivemos moi entretidos e para despedirnos tivemos unha saída a ao Belén Artesanal de Valga onde as nenas e nenos puideron ver a historia tradicional do Belén con temas de actualidade como a Dana, a volta ciclista, os xogos olímpicos, etc.

SEMANA SANTA CIENTÍFICA EN DODRO

/en , /por

O pasado 25 de marzo, deuse comezo na Casa de Cultura de Dodro o programa de Concilia Semana Santa, no cal participaron 8 nenos e nenas. Durante estes tres días levouse a cabo actividades coa temática “ O recuncho das ciencias”.

Comezamos o primeiro día con un xogo de presentación, para coñecernos un pouco máis, xa que algunhas caras xa nos sonaban de anteriores veces. Logo disto xa nos puxemos mans a obra coa elaboración dos primeiros experimentos. Os nenos e nenas puxeron todo o seu empeño en crear un volcán de lava, e quedaron abraiados coa reacción química que se produciu. Logo introducimos un ovo en vinagre para que en 48 horas se convertese nun ovo saltarín. Tamén nun prato fondo vertemos leite e  engadimos gotiñas de colorante de diferentes cores e cun bastoncillo mollado en xabón de pratos vimos as cores escapan del. E para poñerlle fin a esta mañá tan intensa elaboramos un fluído newtoniano.

O martes chegamos con moitas ganas de seguir experimentando, así que elaboramos lámpadas de lava, que nos gustou tanto ver o efecto se produciu a engadir a pastilla efervescente na mestura que nos quedamos un bo anaco mirando para elas. Tras facer un descanso para a merenda seguimos poñéndolle cor a mañá creando un novo cor conectando vasos con auga e colorante a través de servilletas.  E para rematar fixemos un impresionante chuvia de cores.

Neste último dia xa habían pasado as 48 horas para ver o noso saltarín, así que saímos ao exterior a comprobar como botaban. Pero tamén chegpu o momento de facer algo dedicado a Pascua e por iso elaboramos espuma de cores e desenvolvemos a nosa creatividade pintado ovos. Falando de ovos, tamén comprobamos o cambio de densidade da auga a engadir sal, vendo como no recipiente sen sal o ovo cae ata o fondo e no que ten sal flota.

Para verificar os novos coñecementos, entregouse un diploma final e realizamos unha pequena festa de despedida.

CONCILIA NADAL EN DODRO

/en , /por

O pasado 22 de decembro, deuse comezo na Casa Cultura de Dodro o programa de Concilia Nadal, do cal participaron 18 nenos e nenas. Durante estas dúas semanas de vacacións tivemos tempo a realizar diferentes actividades e manualidades. Comezamos o primeiro día con diferentes xogos de presentación para deixar a vergoña e coñecernos entre nós.

Durante os resto de días potenciamos a creatividade realizando diferentes cousiñas baseadas na temática do nadal, como creación

dun mural de benvida, de postais, adornos de nadal para a árbore, títeres, cotillón para celebrar a festa de fin de ano, etc. Tamén experimentamos diferentes texturas realizando bonecos de neve con bicarbonato e auga e creando unas “galletas” con arcilla. E celebramos o fin de ano e por suposto tamén a despedida ado Concilia con unhas festas moi divertidas.

Ademais o día 4, tivemos unha saída a ver aos nosos maiores do Centro de Día, onde se levou a cabo un intercambio de panxoliñas, os maiores ensináronos os que eles tiñan preparados e o nos cantámoslle os que nos levabamos preparando durante estes días e por suposto cantamos xuntos. E como marca a tradición tamén houbo un intercambio de aguinaldos entre os nosos nenos e nenas e as persoas maiores.

¡BO ANO FAMILIA!

Programas de Conciliación de Nadal do 2023-2024

/en , /por

Os programas de Conciliación son un piar fundamental para todas as familias que por motivos laborais e/ou persoais precisan dun servizo de calidade onde deixar aos menores fora do período escolar. Pero ademais, teñen outra función, que é a de liberar ás mulleres das cargas familiares  (coidado dos fillos) que por tradición recae sobre elas principalmente, e que por desgracia na actualidade, segue pasando.

Por outra banda, o Nadal é unha das épocas favoritas das nenas e dos nenos, son días de ilusión, de celebracións, de achegarse ás familias….e por suposto, de vacacións, polo que os programas ou as actividades de conciliación son fundamentais para todas as familias.

Para as actividades do Nadal 2023-20234 dos Concellos de Arbo, Avión, Dodro, Cuntis, Mesía, Muros, Pontecesures e O Pino, SERVICIOS INTEGRALES DE FORMACIÓN (SIF), elaborou un proxecto lúdico-pedagóxico co nome “NADAL CON IMAXINACIÓN” un proxecto coas que as crianzas desfrutarán das vacacións do Nadal realizando  actividades lúdicas, talleres, e xogos no que as/os participantes poderán divertirse empregando a creatividade e imaxinación como piar fundamental.

Fundamental será tamén a creación de diferentes ambientacións dependendo da festividade do momento (noiteboa, nadal, santos inocentes, fin de ano…) sempre tendo en conta os gustos e as inquedanzas dos/as nenos/as, e no que poderán liberar toda a súa creatividade e imaxinación.

INICIO INTENSO DO CONCILIA NADAL DE DODRO!

/en , /por

Comezamos o Concilia Nadal dando a benvida os nenos e nenas, durante esta semana puidemos desfrutar de diferente xogos, manualidades, visualizacións de cortos de Nadal e da lectura. Para rematar a semana fixemos a nosa propia despedida do ano e tomamos as nosas doce “uvas” e cantando e bailando moito. Bo inicio de ano a todos!

RECUNCHOS DE NADAL

/en , /por

SIF inicia dende hoxe, un ano mais, a súa proposta lúdica e pedagóxica para os programas de conciliación dos Concellos de Arbo, Avión, Cuntis, Dodro, Mesía, Muros, O Pino e Pontecesures. 

Coa mesma ilusión de sempre, as crianzas coñecerán e xogarán nos “Recunchos de Nadal”, espazos de aprendizaxe e diversión dedicados á música, ás tradicións, aos personaxes, aos doces e aos obradoiros de Nadal.

As mañás destas vacacións de Nadal converteranse polo tanto, nun tempo para o enriquecemento da aprendizaxe das crianzas dun xeito dinámico, lúdico e participativo, co obxectivo de axudar na conciliación ás familias que o precisen.

BENVIDO VERÁN!

/en , /por

Benvido verán 2021, que ganas tíñamos de que chegases!

Despois dun duro curso académico, marcado sen dúbida pola  covid-19, queremos desfrutar do tempo libre máis que nunca. Aínda que seguimos en pandemia, e as medidas hixiénico-sanitarias seguen sendo moi estritas (en canto a lavado de mans, uso de máscara e distancia de seguridade) queremos pasalo ben e xogar cos nosos amigos e amigas!

Por iso, ao longo dos meses de verán, levaremos a cabo as actividades de Conciliación nos concellos de A Estrada, Cuntis, Caldas de Reis, Valga, Arbo, Nigrán, Mesía, Muros, O Pino, e Dodro.

Leer más →