Por medio dun conxunto programado e coherentes de actividades, cun claro enfoque psico-educativo, pretendeuse que o alumnado interiorizase unha serie de coñecementos, habilidades e estratexias que lles permita adquirir ferramentas para afrontar diversas situacións de risco en relación ao contacto coas sustancias aditivas.
A xincana de
hábitos de vida saudable para o alumnado de 2º da ESO dos Municipios de
Barro, Cuntis, Moaña e Portas, centrou a súa área de actuación na prevención do
consumo de tabaco, xa que esta é unha das sustancia aditivas coas que os/as
menores teñen un contacto moi temperá, situándose a idade de inicio entre os
13,6 anos, e producíndose o incremento de consumo entre os 14-15 anos.
O sábado 18 de maio, no pobo de Cuntis non houbo tempo de aburrirse. Durante as máis de dúas horas de xincana dous grupos de cativas e cativos, máis concretamente “As Ninguén” e “Os Pendellos” tiveron que facer probas, probas e máis probas, para conseguir un suculento premio, e nas cales todo o pobo lles axudou.
Estas
datas deron para moito… Descansamos dos estudos e divertímosnos con gran
variedade de actividades. Entre as máis destacables foron as saídas: fomos ver un espectáculo de maxia “Leo, Leíño” na
Biblioteca Municipal, onde o pasamos moi ben. Realizamos unha visita a Correos,
para asegurarnos de que as nosas cartas foran enviadas a tempo ós Reis Magos.
Ademáis fomos ó parque, aproveitando que non choveu durante este nadal. E como
última saída visitamos o espectacular “Belén” de Valga.
Tamén recibimos algunha que outra
visita no Cuntilín, coma a do Apalpador, que nos veu a contar a súa historia.
Por outro lado, creamos un mural de
nadal e diferentes obradoiros de decoración: árbores de nadal, carta a Papá
Noel, renos, un taller de atuendos de fin de ano, etc.
Non faltou un taller de cociña, no
que elaboramos unhas deliciosas magdalenas.
E rematamos “Cuntilín Nadal” cunha festa de despedida destas mini vacacións, con xogos, merenda e música…
Se o
comezo no mes de outubro estivo caracterizado polo proceso de presentación e
adaptación ás características das usuarias e ás experiencias pasadas, este mes
de novembro destaca pola confianza obtida neste período. Este factor supuxo a
capacidade de perfilar os exercicios e actividades ás características das
participantes dun xeito máis acertado, xa sexa a nivel individual coma a nivel
grupal.
Precisamente,
as actividades que englobaban ao grupo enteiro, aquelas de carácter máis
lúdico, son as máis complicadas de adaptar se intentamos ofrecer un xogo no que
se exerciten as capacidades intelectuais dun xeito divertido. Sen embargo,
existen diversas opcións. Este mes centrámonos en empregar materiais que están
ao alcance de calquera.
Así pois, con papel, bolígrafo e algo de tempo pódese deseñar un bingo caseiro, exercicio perfecto para poñer en práctica a capacidade de atención e percepción. Se pola contra decidimos non perder tanto tempo cos preparativos, unha baralla de cartas pode ser unha moi boa alternativa, pois xogos coma o “reloxo” ou o “despistado” exercitan estas dúas áreas cognitivas, ademais de empregar o cálculo ou a capacidade de reacción en menor medida. Ademais, por testemuñas das propias usuarias, son unha excelente maneira de botar o tempo na casa, implicando así ao resto de familiares neste proceso de estimulación cognitiva.
Os
Talleres de Memoria para Adultos do Concello de Cuntis tiveron inicio o pasado
1 de Outubro, realizando un “tour turístico” polo territorio, visitando as
escolas onde se ían levar a cabo (algunhas con unhas vistas privilexiadas).
Esa mesma
semana comezou a rutina das clases, sendo a prioridade coñecerse a través de
dinámicas de presentación. Ademais, o monitor tentou obter información sobre o
que as/os participantes máis destacaban de edicións anteriores deste tipo de
talleres, tratando de adaptarse o mellor posible ao seu ritmo.
Unha
vez os primeiros pasos estaban dados, a dinámica da clase estruturouse de
maneira que se dividira o tempo dun xeito apropiado entre exercicios
individuais, para poñer en práctica as capacidades propias de cada individuo; e
xogos grupais, que estimulen tamén as diferentes áreas cognitivas dun xeito
máis lúdico e divertido.
Así transcorreu o primeiro mes dos talleres de memoria, creando un espazo onde cada participante poida mellorar ou evitar o deterioro das súas capacidades intelectuais á vez que se divirte e socializa co seu entorno máis próximo.
SIF dedicou toda a semana pasada a actividades relacionadas co 25 de novembro, Día internacional contra a violencia de xénero.
No Concello de Pontecesures, no C. P. I. Pontecesures, vimos que os nenos e as nenas temos que ser educados e educadas en igualdade. Por iso temos que saber que aínda que hai compañeiros e compañeiras que non lles guste o mesmo que a nos, ou que visten diferente, ou que din cousas distintas a nós, que iso é bo e non nos podemos enfadar por iso, e temos que festexar que o noso mundo e moi chulo porque ten moitas cousas diferentes que nos fan ser mellores.
Estas actividades cerráronse o 25 de novembro cun acto institucional e lectura do manifesto en contra da violencia machista.
En O Pino, no C. P. I. Camiño de Santiago, vimos que tamén se pode aprender moito dos contos e das películas.
O segredo de Flora ofreceu unha reflexión sobre a identificación e o manexo das emocións, encontrando formas de combater a violencia en calquera das súas manifestacións.
A través da análise de diferentes fragmentos de Billy Elliot, abordouse temas clave como o establecemento de roles e estereotipos de xénero na infancia, a aceptación da diversidade, a regulación emocional, a resolución de conflitos, etc.
Tamén se tratou a perspectiva de xénero na linguaxe cinematográfica e influencia dos mitos do amor romántico na configuración de relacións desiguais na adolescencia, a través do comentario e debate la película «A tres metros sobre el cielo».
En Melide, levouse a cabo o 24 de novembro unha xornada «Maxia pola Igualdade» para o alumnado de primaria dos tres centros. O acto, dividido nunha parte institucional (coa participación do alumnado e as autoridades locais) e outra lúdica.
No Concello de Cuntis, traballouse cos pais e coas nais a importancia da coeducación como prevención da violencia de xénero pero tamén cxs nenxs mais cativxs co conto “Nin un bico á forza” e máis maiores unha sesión expositiva sobre os roles e estereotipos de xénero.
En Dodro coordinouse un flashmob reivindicativo: NON ME PARES AGORA no que colaborou parte da veciñanza e un monolito: As pedras falan de igualdade dando conta da necesidade de acadar colectivamente «novas creacións e escenarios» no camiño da igualdade de oportunidades.
Coa Mancomunidade de Ordes colaborouse na campaña de difusión contra o acoso nas redes sociais.
E por último, os concellos de Padrón, Rois e Dodro; realizaron colectivamente o acto institucional en Conmemoración do Día Internacional contra a Violencia de Xénero. A iniciativa comezou coa lectura do manifesto que representa o compromiso municipal en contra desta lacra social.
