Entradas

OS GRUPOS DE MEMORIA DO CONCELLO DE CUNTIS RETOMAN A ACTIVIDADE TRAS O NADAL. UN XANEIRO CARGADO DE ESTIMULACIÓN COGNITIVA.

/en , /por

Logo das vacacións de nadal, retomamos a nosa actividade habitual, apostando de novo polo coidado e adestramento da memoria a través dunha ampla variedade de exercicios e dinámicas de estimulación cognitiva.

Durante este mes de xanerio, as sesión estiveron cargadas de propostas que fomentan o pensamento, a linguaxe e o razoamento. Traballáronse así, exercicios de vocabulario como: pensar oficios que rematasen en distintas terminacións; buscar palabras que comezasen por distintas consoantes (r, b, h e v) e que contesen obrigatoriamente a letra “a”; así como actividades de sinónimos e antónimos ou a clasificación de palabras segundo a súa categoría gramatical.

Tamén se potenciou a lectura, comprensión lectora e expresión oral, ademáis do uso de sopa de letras como ferramenta para reforzar a atención e concentración.

No que respecta ao ámbito numérico, houbo tempo para resolver acertixos, traballar as sumas coa pirámide, afrontar distintos problemas matemáticos e exercitar a simetría a través de debuxos de Nadal.

As sesión completáronse con actividades lúdicas e cooperativas, con xogos como o Pasapalabra, Tabú, Preguntados ou a realización dun labirinto cooperativo.

Con esta variada programación, os grupos de memoria continúan ofrecendo un espazo activo e dinámico para manter a mente en forma e comezar o ano con enerxía e ilusión.

CUNTILÍN NADAL

/en , /por

Moi boas, dende o Cuntilín de Nadal! Aínda que foron poucos días, aproveitámolos para facer unha morea de cousas. Realizamos obradoiros creativos, como unha “casiña de xenxibre”, unha árbore dos desexos para levar para a casa, diferentes debuxos de Nadal, postais…

Tivemos dúas saídas, unha a correos para deixar as cartas a Papá Noel, e outra ao parque. Fixemos grandes xogos, como un bingo con premios, o xogo da “bomba”, xogos musicais, xogos no exterior, etc.

Rematamos o ano coa nosa  xa tradicional festa de Fin de ano. Viñemos elegantes, tomamos as “uvas” que neste caso foi con gusanitos, e rematamos con unha merenda.

Non podemos esquecernos dos obradoiros de lectura do Nadal, dos xogos de mesa, da carta aos Reis Magos e sobre todo, do tempo que pasamos xuntos e xuntas, xogando e desfrutando destas datas.

Un saúdo dende o Cuntilín de Nadal!

XA ESTAMOS DE VACACIÓNS NOS CURSOS DE MEMORIA!

/en , /por

Este mes de decembro estivemos a tope con actividades moi completas e, sobre todo, moi divertidas:

  • Busca de sinónimos
  • Xogos de memoria con números
  • Formación de palabras
  • Creatividade a partir da plantilla “Isto non é unha flor”
  • Cálculo mental dun xeito diferente: con cartas e matamoscas
  • Ou o xogo do Tabú, que foi todo un éxito.

E como estamos neste mes tan especial… 🎄 tamén traballamos o cálculo con elementos de nadal e exercitamos a memoria lembrando palabras que nos conectan con estas datas tan simbólicas.

Para pechar o ano como se merece, desfrutamos dunha pequena merenda xuntas e rematamos cun bingo cheo de risas e como non, premios. Pasámolo xenial! Agora toca descansar un pouquiño… Vémonos á volta con máis actividades e aprendizaxe.

SIF DESENVOLVERÁ PROGRAMAS LÚDICOS DE NADAL EN NOVE CONCELLOS GALEGOS

/en , /por

Con motivo das vacacións de Nadal, SIF poñerá en marcha unha nova edición dos seus programas lúdicos e educativos, dirixidos a nenos e nenas co obxectivo de ofrecer alternativas de lecer creativo e participativo durante estas datas tan sinaladas e especiais para a cativada.

As actividades levaranse a cabo nos concellos de Vilagarcía de Arousa, O Pino, Arbo, Avión, Mesía, Cuntis, Frades, Pontecesures, As Neves e Teo, para facilitar a conciliación familiar durante o período vacacional.

Durante este Nadal desenvolveranse catro programas lúdicos, adaptados a diferentes idades e realidades locais:

  • Exploradores do saber, unha proposta centrada na aprendizaxe a través do xogo, da curiosidade e da experimentación.
  • Desexos de Nadal, un programa de actividades creativas e dinámicas grupais que convida a reflexionar e compartir os valores propios do Nadal.
  • A viaxe das emocións, orientado ao desenvolvemento emocional, á expresión de sentimentos e á convivencia positiva.
  • Escape room: Salvemos o Nadal, unha actividade participativa e cooperativa na que as persoas participantes deberán resolver retos e enigmas para superar unha misión moi especial.

Todas as actividades estarán dinamizadas por monitores e monitoras cualificados, garantindo unha contorna segura, inclusiva e adaptada ás necesidades de cada grupo. Desde SIF apóstase por un modelo de lecer educativo que combine diversión, aprendizaxe e transmisión de valores como o respecto, a igualdade e o traballo en equipo.

Este Nadal, como en anos anteriores, SIF continúa apostando por un lecer que educa, conecta e crea comunidade.

ÉXITO ROTUNDO EN CUNTIS: OS TALLERES DE ESTIMULACIÓN COGNITIVA CELEBRAN O SEU SEGUNDO MES

/en , /por

O Concello de Cuntis celebra con éxito o segundo mes dos Talleres de Memoria. Iniciativa que se consolidou como un espazo fundamental para fomentar a saúde mental e a socialización.

Continuamos rexistrando unha alta participación por parte das persoas usuarias, mostrando gran interese por parte da veciñanza por manter unha mente activa e previr o deterioro cognitivo.

Ao longo deste mes continuamos realizando exercicios lúdicos e dinámicos como o Tuttifrutti, Preguntados, “2 verdades e 1 mentira”, deixamos voar a nosa imaxinación creando a partir dun debuxo dado outro, memorizamos e contamos historias de personaxes inventadas, meténdonos na súa vida, lembramos datos sobre elas, sobre os seus traballos, gustos e aspectos que os definían e intercambiamos a información coas compañeiras e compañeiros.

En definitiva, divertímonos e rímonos á vez que adestramos as nosas capacidades cognitivas dun xeito ameno e participativo.

MAGOSTO EN CUNTIS: Celebrando tradicións con creatividade

/en /por

Esta fin de semana celebramos en Cuntis o tradicional Magosto. Nel realizamos diversas manualidades elaboradas con castañas, entre elas trompos, tres en raias e os tradicionais colares de zonchos.

Estes colares eran moi típicos en Galicia, especialmente arredor do Día de Defuntos. Antigamente facíanse con castañas cocidas coa súa cáscara, e críase que cada castaña comida representaba unha alma liberada do purgatorio.

A través destas actividades conseguimos que a rapazada se divirta, participe e, ao mesmo tempo, coñeza tradicións e xogos populares que pouco a pouco se van perdendo.

AS ALDEAS DE CUNTIS RETOMAN CON ÉXITO OS TALLERES DE MEMORIA

/en , /por

As aldeas de Troáns, Cequeril, Magán, San Mamede, Teaño e Cuntis (OMIX) levan xa un mes desfrutando dos Talleres de Memoria, unha iniciativa que busca fomentar o benestar e o envellecemento activo a través do exercicio mental.

Durante este primeiro mes de curso traballáronse diferentes aspectos relacionados coa memoria, a atención, a percepción e a linguaxe mediante exercicios e, por suposto, xogos.

Na parte máis lúdica realizáronse actividades de estimulación cognitiva como Pasa palabra, Palabras encadeadas, Adiviña quen son, Continúa a historia, así como xogos de música e canto sobre temáticas variadas, ademais do Tabú e o Bingo especial de Samaín.

Estas dinámicas, ademais de ser entretidas, contribúen a reforzar a memoria e a atención dunha maneira divertida e motivadora, xa que gozar das actividades é tamén unha parte fundamental do proceso de aprendizaxe e estimulación mental.

A acollida está a ser moi positiva, e seguimos con ilusión este novo curso, compartindo momentos, risas e aprendizaxes en cada sesión.

Día da Muller, 8M

/en , /por

Pasou o 8M e moitos concellos quixeron poñer o seu graíño de area para seguir loitando polo Igualdade.

O Concello de O Pino, co alcalde á cabeza, fixo a lectura do manifesto e centrouse no comercio para esta campaña.

No Concello de Valga saíron á rúa cunha Andaina da Muller e para os mais pequenos, coa maga Leo Leiño disfrutaron da Maxia pola Igualdade.

En As Neves, visitáronse os diferentes coles para concienciar dende pequeniños con dinámicas e contacontos.

En Cuntis, a lectura do manifesto e o encontro interxeneracional dou inicio ás actividades que se están a celebrar acabando o sábado 15, na Casa do Médico cunha charla dirixida a adolescentes.

No Concello de Frades, ó igual que en outros concellos como o de Avión rematáronse as actividades con reparto de diferente material de merchandising.

CUNTILÍN DE NADAL

/en , /por

Estos días de descanso escolar, no Cuntilín Nadal, aproveitámolos ao máximo. As actividades que máis lles gustaron aos nenos e ás nenas foron: o xogo polo pobo en busca do “caga tió”, o “escape room” de Nadal e a Festa de fin de Ano, á que fomos vestidos coas nosas mellores galas, comemos as uvas, bailamos…

Non faltaron outros obradoiros como o de bólas para a árbore de Nadal e a creación dos nosos propios instrumentos musicais, que despois empregamos de acompañamento para cantar panxoliñas. Non faltou a elaboración de galletas navideñas, a carta ós Reis Magos e os xogos., así como unha merendola de chocolate con churros á que fomos convidados e convidadas.

Ata aquí o Cuntilín de Nadal deste ano. Desexámosvos todo o mellor para o 2025!!