Entradas

ABRIL, ENERXÍAS MIL!

Despois do descanso de Semana Santa, retomamos os talleres con enerxías renovadas.

Nestas semanas introducimos novidades nas sesión de traballo e estreamos as habilidades lingüísticas a través de sopas de letras que ademais nos esixen una alta concentración.

Ademais, tivemos algunha sesión na que a través de xogos de mesa traballamos a concentración, agudeza visual, estratexia e resolución de problemas, ao mesmo tempo que nos botábamos unas risas. O “4 en raia”, “Escaleiras e serpes”, “Busca a parella” ou quebracabezas foron algúns dos convidados a estas sesións.

EXERCITAR A MENTE TAMÉN É DIVERTIDO!

Rematouse marzo, e con el deixamos atrás semanas de traballo en Cuntis. Neste pasado mes seguimos traballando as habilidades lingüísticas, a coordinación, a axilidade mental e a memoria a través de diversas actividades e xogos, fomentando un ambiente distendido e agradable no que as e os participantes atopan un momento de socialización e nos que, ao mesmo tempo, traballar e reforzar os diversos ámbitos da cognición e memoria.

Con xogos como os acertixos con palillos traballamos a concentración, a observación e a resolución de problemas, nalgún dos casos chegando a atopar ata 4 solución diferentes para un mesmo problema!

 Tamén traballamos este campo a través da resolución de laberintos, ofrecendo sempre unhas sesións dinámicas e que se adapten aos distintos asistentes.

Co tangram ademáis de traballar as anteriores habilidades, fomentamos a cooperación, a creatividade e o desenvolvemento da visión espacial.

Continuamos con forza cara abril!

Continuamos cos talleres de estimulación cognitiva e memoria en Cuntis.

Neste pasado mes de Febreiro traballamos estes campos a través de diversas actividades, sempre tratando de manter o interese das e dos asistentes, mantendo un enfoque de traballo interactivo e cooperativo, sempre tratando de crear un atractivo a través dunha ampla variedade de actividades.

Nas últimas semanas, traballamos as capacidades lingüísticas dos participantes a través de actividades escritas como a busca de palabras entre unha mestura de letras, ou como a conexión de palabras relacionadas, sinónimos ou antónimos; traballamos estas capacidades tamén de xeito oral fomentando así un traballo de maior de axilidade mental ao ter que dar unha resposta máis rápida e carecer de axudas como pode supoñer o ter as palabras escritas.

Traballamos tamén a concentración e atención a través de exercicios nos que se dispoñían unha serie de instrucións que os asistentes a estes talleres debían plasmar no papel.

Dun xeito máis distendido, buscamos exercitar a memoria a corto prazo, a atención e a concentración, así como o razoamento e a lóxica a través do xogo “Quen son?”, no que a través de preguntas aos demais compañeiros e compañeiras, cada un dos integrantes do grupo debía adiviñar que animal era.

CUNTILÍN NADAL

Este ano o Cuntilín de Nadal foi moi curto, pero aínda así tivemos tempo de desfrutalo con xogos e actividades relacionados con estas datas.

Entre o máis destacable foron os obradoiros creativos, como o de neve artificial, manualidades como o oso polar, postais, etc. Ademais tamén levamos a cabo xogos como o de colocar o adorno na árbore cos ollos pechados, xogos musicais e por equipos, entre outros moitos.

Tivemos unha festa de «fin de ano», onde todas e todos viñemos coas mellores galas para comer as «uvas» e festexar o remate do ano cunha merendola e cancións típicas desta época.

Tampouco nos esquecemos de escribirlle a carta as súas SS. MM. os Reis Magos de Oriente e de levalas ao buzón.

E, por petición dos nenos e nenas, rematamos  este Cuntilín Nadal cunha festa de disfraces, na que o pasaron xenial!

Un ano máis, estas datas pasaron voando.

Un saúdo e ata a próxima!

Programas de Conciliación de Nadal do 2023-2024

Os programas de Conciliación son un piar fundamental para todas as familias que por motivos laborais e/ou persoais precisan dun servizo de calidade onde deixar aos menores fora do período escolar. Pero ademais, teñen outra función, que é a de liberar ás mulleres das cargas familiares  (coidado dos fillos) que por tradición recae sobre elas principalmente, e que por desgracia na actualidade, segue pasando.

Por outra banda, o Nadal é unha das épocas favoritas das nenas e dos nenos, son días de ilusión, de celebracións, de achegarse ás familias….e por suposto, de vacacións, polo que os programas ou as actividades de conciliación son fundamentais para todas as familias.

Para as actividades do Nadal 2023-20234 dos Concellos de Arbo, Avión, Dodro, Cuntis, Mesía, Muros, Pontecesures e O Pino, SERVICIOS INTEGRALES DE FORMACIÓN (SIF), elaborou un proxecto lúdico-pedagóxico co nome “NADAL CON IMAXINACIÓN” un proxecto coas que as crianzas desfrutarán das vacacións do Nadal realizando  actividades lúdicas, talleres, e xogos no que as/os participantes poderán divertirse empregando a creatividade e imaxinación como piar fundamental.

Fundamental será tamén a creación de diferentes ambientacións dependendo da festividade do momento (noiteboa, nadal, santos inocentes, fin de ano…) sempre tendo en conta os gustos e as inquedanzas dos/as nenos/as, e no que poderán liberar toda a súa creatividade e imaxinación.

COMEZAMOS O CURSO 2023/24

O pasado mes de outubro, comezou de novo o taller de estimulación cognitiva en Cuntis. O primeiro que fixemos foi poñernos ao día despois de meses sen vernos, aproveitando tamén para traballar a memoria máis recente.

Os nosos talleres realízanse da seguinte forma: cada sesión dura hora e media, e nela intentamos facer actividades variadas para entreternos e disfrutar á vez que traballamos e reforzamos a memoria. Todo é posible!

Durante este último mes fixemos varias actividades; xogamos ás cartas, traballamos a lectoescritura, resolvemos xeroglíficos, adiviñanzas e pasapalabras, fixemos quebracabezas, xogamos ao bingo… Tamén un día do pasado mes un grupo de mulleres voluntarias acudimos ao Cuntilín, para falarlles aos nenos e nenas do que significa vivir nunha aldea, para conmemorar o día da Muller rural galega.

Ata aquí vos podo contar, pois o curso acaba de comezar e aínda nos quedan un montón de cousas que facer durante os seguintes meses. Ata a próxima!

MEMORIA PARA MAIORES EN CUNTIS. CURSO 2022/2023

O pasado mes de novembro de 2022 comezou un novo curso de estimulación cognitiva para persoas maiores polas diferentes parroquias de Cuntis. Nestes talleres optimizamos o funcionamento da memoria á vez que charlamos e pasamos un bo rato.

A maioría das actividades son mediante xogos e actividades dinámicas que impliquen a todos os membros do grupo, as cales serven para traballar a memoria e tamén para interactuar e cooperar, que é unha das grandes claves para que as actividades desenvoltas teñan éxito.

Algunhas das actividades que realizamos nestes últimos meses foron: buscar as parellas de iguais, identificar obxectos, memorizar palabras e imaxes para despois describilas, puzzles, xogos de cartas, clasificar obxectos e palabras por categorías, construír frases a partir de palabras soltas, xogos musicais, bingo, resolver xeroglíficos e acertixos, xogos matemáticos, mímica, trivial, pasapalabras… En xeral, como se pode observar, actividades moi diversas destinadas a causar o máximo interese grupal. En cada sesión realízanse entre 4-5 actividades que se distribúen en 1h e media.

CUNTILÍN NADAL

Un ano máis, Cuntilín  Nadal volveu para pasalo ben durante estas vacacións escolares de inverno. Non tivemos tempo a aburrirnos e realizamos gran variedade de actividades: obradoiros creativos e de reciclaxe nos que creamos un mural, a Rodolfo o Reno,  a Papá Noel e incluso  unha cidade de Nadal de plastilina.

Non faltaron as festas, como a de “Fin de Ano” (con photocall, música e, como non, na cal tomamos as “uvas” ó son das campanadas) e a “Festa de disfraces” coa que despedimos este campamento.

Pero hai que destacar que unha das actividades preferidas dos nenos e nenas foi un obradoiro de cociña, no que elaboramos unhas casiñas con galletas de xenxibre , que quedaron moi bonitas, pero ademais estaban deliciosas!

Con moita  ilusión escribiron a carta ós Reis Magos de Oriente, non só pedíndolle cousas materiais senón tamén algún que outro desexo importante para estos tempos nos que nos atopamos.

Os contos e os xogos foron tamén parte imprescindible para desfrutar destas datas.

Ata  aquí o máis salientable destos días. Ata a próxima!

RECUNCHOS DE NADAL

SIF inicia dende hoxe, un ano mais, a súa proposta lúdica e pedagóxica para os programas de conciliación dos Concellos de Arbo, Avión, Cuntis, Dodro, Mesía, Muros, O Pino e Pontecesures. 

Coa mesma ilusión de sempre, as crianzas coñecerán e xogarán nos “Recunchos de Nadal”, espazos de aprendizaxe e diversión dedicados á música, ás tradicións, aos personaxes, aos doces e aos obradoiros de Nadal.

As mañás destas vacacións de Nadal converteranse polo tanto, nun tempo para o enriquecemento da aprendizaxe das crianzas dun xeito dinámico, lúdico e participativo, co obxectivo de axudar na conciliación ás familias que o precisen.

Taller de Ciencia

O pasado Sábado 15 de Outubro, debido a celebración da semana da ciencia en Cuntis, levouse a cabo un taller de ciencia onde traballamos dous tipos de actividades. Por un lado, creamos o noso micro ecosistema sostible en vertedoiros de vidro. E por outra parte, realizamos diversos experimentos cos que observamos distintas reaccións químicas. UNHA MARABILLOSA MANEIRA DE APRENDER A TRAVÉS DO XOGO!