Entradas

GRAN ÉXITO NO CAMPAMENTO DE PASCUA 2026

/en , /por

Durante esta Semana Santa de 2026, os nenos e nenas do campamento desfrutaron dunha programación chea de actividades creativas, divertidas e moi primaverais.

O luns comezamos cun taller moi especial no que elaboramos nosas propias coroas de Pascua, empregando diferentes materiais e deixando voar a nosa imaxinación. O martes puxémonos mans á obra para preparar deliciosas brochetas de froita, aprendendo hábitos saudables mentres nos divertiamos.

O mércores dedicámolo á creación de cestas de ovos de Pascua, que quedaron chulísimas e listas para unha das actividades máis esperadas: a gran busca de ovos.

Ademais destes talleres, ao longo dos días tamén tivemos tempo para facer moitas pulseiras de boliñas, bailar, cantar, pintar e xogar ao aire libre, aproveitando o bo tempo e o sol destes días.

Sen dúbida, foi unha semana inesquecible, chea de aprendizaxe, convivencia e moita diversión. Xa estamos desexando repetir a experiencia!

ENTROIDO 2026

/en /por

Diferentes concellos puxeron en marcha os Programas de Conciliación de Entroido, unha iniciativa dirixida a apoiar ás familias durante o período non lectivo, ofrecendo un espazo educativo, seguro e lúdico para nenos e nenas.

Estes programas inclúen unha ampla variedade de actividades deseñadas para fomentar a creatividade, a convivencia e o disfrute do Entroido, entre as que destacan:

  • Talleres creativos e manualidades temáticas
  • Xogos cooperativos e dinámicas grupais
  • Actividades culturais e recreativas
  • Festa de Entroido con disfraces, música e animación
  • Actividades educativas adaptadas ás distintas idades

O principal obxectivo destes programas é facilitar a conciliación da vida laboral e familiar, á vez que se promove o desenvolvemento persoal, social e creativo dos menores nunha contorna participativa e supervisada por persoal cualificado.

Os Programas de Conciliación de Entroido están a desenvolverse en distintos espazos municipais, adaptándose ás necesidades de cada localidade e contando coa colaboración dos concellos implicados.

Desde as entidades organizadoras anímase ás familias para participar nesta iniciativa que combina educación, lecer e tradición, contribuíndo a que os nenos e nenas vivan o Entroido dunha maneira divertida, segura e enriquecedora.

CONCILIACIÓN DE NADAL EN AVIÓN

/en , /por

Durante as vacacións de Nadal, do 22 de decembro ao 5 de xaneiro, o Campamento de Nadal de Avión converteuse nun espazo de aprendizaxe, creatividade e convivencia para os nenos e nenas participantes, que gozaron dun programa de talleres pensados para celebrar estas datas tan especiais.

Ao longo destes días realizáronse numerosos talleres creativos, comezando coa elaboración de figuras de plastilina para o belén, fomentando a imaxinación e o traballo manual. Tamén tiveron lugar actividades como o taller de decoración de madalenas de nadal, no que os participantes puideron dar renda solta á súa creatividade… e ao seu padal.

As tradicións tiveron un papel fundamental no campamento. Celebrouse a Noiteboa cun ambiente festivo, acompañada de panxoliñas e da redacción da carta a Papá Noel.

A sustentabilidade tamén estivo presente coa creación de xoguetes con material de refugallo e a elaboración de adornos de Nadal con papel. Ademais, despediuse o ano cunha animada festa de Fin de Ano, na que non faltaron as uvas, os globos e a celebración compartida.

Xa no comezo do novo ano, os nenos e nenas escribiron as súas cartas aos Reis Magos e viviron un dos momentos máis especiais do campamento coa visita dos Reis, poñendo o broche final a uns días cheos de ilusión.

O Campamento de Nadal de Avión pechou así unha edición onde a maxia estivo presente grazas a un elfo que nos acompañou coas súas trasnadas e á sorte de desfrutar dalgunha nevada inesperada, facendo a experiencia aínda máis especial.

SIF DESENVOLVERÁ PROGRAMAS LÚDICOS DE NADAL EN NOVE CONCELLOS GALEGOS

/en , /por

Con motivo das vacacións de Nadal, SIF poñerá en marcha unha nova edición dos seus programas lúdicos e educativos, dirixidos a nenos e nenas co obxectivo de ofrecer alternativas de lecer creativo e participativo durante estas datas tan sinaladas e especiais para a cativada.

As actividades levaranse a cabo nos concellos de Vilagarcía de Arousa, O Pino, Arbo, Avión, Mesía, Cuntis, Frades, Pontecesures, As Neves e Teo, para facilitar a conciliación familiar durante o período vacacional.

Durante este Nadal desenvolveranse catro programas lúdicos, adaptados a diferentes idades e realidades locais:

  • Exploradores do saber, unha proposta centrada na aprendizaxe a través do xogo, da curiosidade e da experimentación.
  • Desexos de Nadal, un programa de actividades creativas e dinámicas grupais que convida a reflexionar e compartir os valores propios do Nadal.
  • A viaxe das emocións, orientado ao desenvolvemento emocional, á expresión de sentimentos e á convivencia positiva.
  • Escape room: Salvemos o Nadal, unha actividade participativa e cooperativa na que as persoas participantes deberán resolver retos e enigmas para superar unha misión moi especial.

Todas as actividades estarán dinamizadas por monitores e monitoras cualificados, garantindo unha contorna segura, inclusiva e adaptada ás necesidades de cada grupo. Desde SIF apóstase por un modelo de lecer educativo que combine diversión, aprendizaxe e transmisión de valores como o respecto, a igualdade e o traballo en equipo.

Este Nadal, como en anos anteriores, SIF continúa apostando por un lecer que educa, conecta e crea comunidade.

ASÍ FOI A SEMANA SANTA NO CAMPAMENTO DE AVIÓN!

/en , /por

Esta semana polas mañás pasamos grandes momentos todos xuntos no campamento. Cada día realizamos divertidos xogos e actividades, ademais de distintos talleres, onde deixamos voar a nosa imaxinación:

  • Pintar ovos de Pascua.
  • Crear coelliños de Pascua.
  • Deseñar nosas propias bolsas.
  • E para terminar esta semana tivemos un procura de ovos de chocolate.

Ademais de todos estes talleres bailamos, cantamos, debuxamos e rímonos moitísimo!!

Felices Pascuas e ata a próxima aventura!

O NADAL CHEGOU A AVIÓN

/en , /por

Que bonitas son estas datas de Nadal, nas que os mais cativos teñen tempo de lecer e sobre todo teñen moita ilusión pola chegada de Papa Noel e Os Reis Magos, pero mentres desfrutan das actividades de Nadal neste concello, como foron facer manualidades de Nadal, xogos de Nadal e cantaron panxoliñas.

E o remate tiveron sorpresa de Nadal, que mais se pode pedir.

Programas de Conciliación de Nadal do 2023-2024

/en , /por

Os programas de Conciliación son un piar fundamental para todas as familias que por motivos laborais e/ou persoais precisan dun servizo de calidade onde deixar aos menores fora do período escolar. Pero ademais, teñen outra función, que é a de liberar ás mulleres das cargas familiares  (coidado dos fillos) que por tradición recae sobre elas principalmente, e que por desgracia na actualidade, segue pasando.

Por outra banda, o Nadal é unha das épocas favoritas das nenas e dos nenos, son días de ilusión, de celebracións, de achegarse ás familias….e por suposto, de vacacións, polo que os programas ou as actividades de conciliación son fundamentais para todas as familias.

Para as actividades do Nadal 2023-20234 dos Concellos de Arbo, Avión, Dodro, Cuntis, Mesía, Muros, Pontecesures e O Pino, SERVICIOS INTEGRALES DE FORMACIÓN (SIF), elaborou un proxecto lúdico-pedagóxico co nome “NADAL CON IMAXINACIÓN” un proxecto coas que as crianzas desfrutarán das vacacións do Nadal realizando  actividades lúdicas, talleres, e xogos no que as/os participantes poderán divertirse empregando a creatividade e imaxinación como piar fundamental.

Fundamental será tamén a creación de diferentes ambientacións dependendo da festividade do momento (noiteboa, nadal, santos inocentes, fin de ano…) sempre tendo en conta os gustos e as inquedanzas dos/as nenos/as, e no que poderán liberar toda a súa creatividade e imaxinación.

XORNADA DE XOGOS TRADICIONAIS EN AVIÓN

/en /por

As nenas e os nenos do colexio de Avión desfrutaron dunha mañá de xogo tradicionais no patio da escola. Xogos que a maioría non coñecían ou non xogara nunca, a comba, o elástico, as chapas, as canicas, a peonza, o chinchimoni, a varias ruletas.., unha mañá diferente e moi divertida.