Retorno da excursión de Madrid e Toledo da xente de Frades
Pasou o día e pasou a romaría, un centenar de persoas de Frades visitaron este fin de semana Madrid e Toledo.
Partiron o venres sobre as 7:30 da mañá e despois de facer varias paradas para estirar as pernas e comer, chegaron a Madrid onde fixeron unha ruta turística en bus baixando en lugares emblemáticos da capital.
O sábado houbo unha división no grupo, mentres que uns querían adrenalina e aventura os outros querían tranquilidade. O primeiro grupo pasou o sábado no Parque de Atraccións da Warner e o resto visitou pola mañá o Museo Naval e pola tarde percorreron a cidade de Toledo coa axuda do tren turístico e tamén cunha visita guiada. De volta a Madrid, non se pode deixar de ver a Porta do Sol.
O domingo, xa todos xuntos, pola mañá tocou visitar o Parque do Retino e o Rastro e despois de comer tocou coller camiño de volta ó Concello de Frades.