REFORZO ESCOLAR NO AUDITORIO DE VALGA: APOIO PARA QUEN MÁIS O PRECISA
Desde o pasado 14 de outubro, o Auditorio de Valga acolle un servizo moi valioso para o alumnado do concello: clases de reforzo escolar pensadas para nenos e nenas que atopan máis dificultades á hora de estudar ou facer os deberes.
Este espazo de apoio está dirixido a rapaces e rapazas desde 1º de Primaria ata 4º da E.S.O, ofrecéndolles un lugar tranquilo onde resolver dúbidas, organizar o estudio e recibir axuda adaptada ás súas necesidades.
As sesións teñen lugar de luns a venres, en horario de 16:30 a 19:30. O alumnado distribúese en grupos segundo idade e o nivel, o que permite ofrecer un acompañamento máis axeitado para cada caso.