TeoCoida Calo

ATA PRONTO

Boas familias! Comeza o verán e con este toca despedirnos pero non é un adiós, senón un ata pronto. Esta semana en Teo Coida Calo estiveron elixindo os/as nenos/as un pouco todo o que ían facer por ser a última semana.

Dedicámoslle tempo tamén á lectura, rematar actividades e repetir unha que gustou moito; a de ir intercambiando o folio cada dous minutos. Espero que pasedes unhas moi boas vacacións e vémonos para o ano que vén!

Tic tac, tic tac

Ola familias! Estase acercando o fin de este curso escolar e nós en Teo Coida Calo estamos exprimindo o tempo ó máximo, xogando fóra a maior parte do tempo, lendo e facendo actividades. Esta semana fixemos monstruos con rolos de papel hixiénico, unha vez máis descubrimos a uns artistas. Para a elaboración de esta actividade pintamos os rolos e deseñamos en cartulina goma eva as bocas e os ollos. Unha vez secos os rolos, pegámosllos. Que ben o pasaron! Espero que vós tamén esteades disfrutando de este tempo tan bo. Ata a próxima!

Será verdade?

Ola unha semana máis familias! En Teo Coida Calo estivemos moi entretidos con dinámicas de grupo no encerado. Xogamos a adiviñar palabras e ó teléfono escacharrado. É incríble a diferenza que hai entre a noticia principal e real ó que che chega aos oídos pasando polo boca a boca. Coma todas as semanas tamén lle dedicamos tempo ós contos que a parte de ser unha fonte moi importante para eles divírtense moito. Os máis maiores axudan ós máis pequenos a ler e interpretar. Ata a próxima, que teñades unha boa semana!

FOLIO ROTATIVO

Ola familias! En Teo Coida Calo dedicámoslle tempo á lectura, á imaxinación e ó xogo en equipo. Esta semana fixemos unha actividade que gustou moito. Cada neno/a tiña un folio en branco onde ía empezar a facer o debuxo que quixese, libre de imaxinación. Ao pasar dous minutos, pasaríalle o folio ó do lado, este intentaríao seguir, así sucesivamente con todos os nenos/as, onde todos debuxaban algo durante dous minutos no folio de todos. É incrible a imaxinación e creatividade que teñen! Que teñades unha boa semana, vémonos!

RECICLAR É DIVERTIDO

Ola familias! Esta semana en Teo Coida Calo estivemos xogando fóra, lendo na biblioteca e facendo unha actividade moi divertida na aula: tiburóns con rolos de papel hixiénico. Para a súa elaboración pintamos con témperas o rolo de papel, deixámolo secar e empezamos a facerlle detalles coma os ollos, os dentes e as aletas. Quedaron moi chulos! Esperamos que esteades tendo unha boa semana, ata a próxima!

MAXIA

Ola unha semana máis familias! En Teo Coida Calo encántanos aproveitar ó bo tempo para estar fóra pero coma sempre dedicamos tempo para facer actividades coma ‘vermes máxicos’ onde pintamos con rotuladores un anaco de papel, enrolamos nun lapis, fixemos presión nos estremos hacia o medio, quitamos o lapis, botámoslle unha pouca auga por riba e maxia! Os vermes movíanse y facíanse grandes. Foi moi divertido. Tamén houbo oco para a lectura e para empezar outra actividade da cal os falaremos a próxima semana e levarán para casa. Boa semana, vémonos pronto!

Bolera en Calo

Ola familias! Esta semana en Teo Coida Calo decidimos xogar e aproveitar ó máximo fóra debido ó bo tempo. Tamén sacamos tempo para ler, debuxar, pintar e facer bolos cos que proximamente xogaremos. Para esta última actividade usamos botellas recicladas de plástico e pintura de mans, fixeron uns deseños moi bonitos. A verdade, son uns artistas. Esperamos que teñades unha boa semana, ata a próxima!

SEMANA AO AIRE LIBRE

Ola de novo unha semana máis familias! Como xa sabedes desde Teo Coida Calo, estamos a aproveitar todos os días de bo tempo para saír a xogar fóra. Con estas saídas todas as crianzas están gastando todas as enerxías que teñen cada día.

No parque están xogando as cocinitas, a ser pasteleiros e pasteleiras, a ser mariñeiros e mariñeiras…unha infinidade de xogos. E todo esto sen olvidarse de tirarse polo tobogán e usar o balancín.

Ademáis están a gozar un montoón da lectura libre no exterior e da papiroflexia, sen deixar atrás o debuxo libre que tanto lles gusta e que esta vez foron especiais.

Vémonos a próxima semana! Esperamos que gocedes desde días de primavera!

VAISE ACABANDO ABRIL

Ola de novo unha semana máis familias! Xa de volta das vacacións de Semana Santa, e coas pilas recargadas, desde Teo Coida Calo seguimos tratando o tema da diversidade. Nestas semanas estivemos a traballar con dúas a lectura. Os libros escollidos foron «Ou cazo de Lorenzo» e «Elmer», os dous cóntannos dúas historias incribles onde ser diferente non é algo malo. As crianzas de infantil traballaron a lectura de «Elmer», un elefante un pouco diferente, xa que era de moitas cores e non como o resto dos seus amigos elefantes. Ao finalizar a lectura, pintaron á súa Elmer, como eles e elas querían.

Polo outro lado, as crianzas de primaria, fixeron unha sesión de contacontos do libro «O cazo de Lorenzo», onde ao acabar deixamos un tempo para falar sobre ser distinto aos demais. E ao final todas concordan nos mesmo, en que todos somos distintos e que non hai que tratar mal ou diferente ás demais persoas.

Acto seguido decidimos pintar unha imaxe do conto, e podemos dicir que quedaron estupendas.

E ademais saímos a gozar da natureza e o que nos brinda. Encántalles saír, correr e xogar coa terra. E nesta ocasión puidemos gozar de xogar á mariola.

Esperamos que teñades unha boa semana, vémonos pronto!

ACHÉGANSE AS VACACIÓNS

Ola familias! Xa nos imos achegando ás vacacións de Semana Santa e están máis que merecidas despois de todo o esforzo que fixeron, con semanas cheas de exames. Desde Teo  Coida Calo, estamos a realizar un taller para Pascua, consiste nun caixón cun coello e os ovos. O primeiro paso foi tomar as medidas do caixón e recortar as pezas para posteriormente pintalas da cor que querían, ou mesmo debuxar elementos relacionados coa Pascua. A gran maioría decidiu pintar as pezas de cores vivas e alegres. O seguinte paso é pegar as pezas, para facer o coello que pegarán nun lateral. Pero este caixón leva unha sorpresa, pero shh aínda non podemos desvelar nada.

As crianzas tamén tiveron tempo para o debuxo libre e pintar coellos e ovos de Pascua. A todo isto, sen deixar de lado uno dos xogos de mesa que tanto lles gusta, se, falamos das cartas.

Esperamos que estas vacacións que están a punto que chegar aproveitedes todos e todas para descansar e recargar as pilas para afrontar o último trimestre.

CHEGOU A PRIMAVERA

Ola de novo familias! Estamos de volta con máis noticias unha semana máis. Chegou a ansiada primavera, co que iso supón, empeza a vir o bo tempo. Aínda que o bo tempo parece vir a contagotas…en Teo  Coida Calo, estamos a preparar un mural para decorar o noso espazo. Para iso en primeiro lugar, debuxamos e pintamos o que significa a primavera para cada crianza. Todas elas coinciden en que, están presentes as flores, o sol, os arcos da vella, a roupa máis fresca e o saír a dar paseos.

Durante esta semana seguiremos ampliando o mural, con distintas flores que sairán a recoller polo colexio e elementos que atopemos na natureza.

Como sabedes, tivemos tempo de saír ao parque e alí na area construíron uns castelos, coa súa respectiva fortaleza.

Tamén tratamos a diversidade e o que iso conleva, a través de lecturas e falando, para dar a visibilidade que necesita.

Esperamos que pasedes unha boa semana!

SEMANA DE SORPRESA!

Ola de novo unha semana máis familias! Esta semana en Teo Coida Calo, estivemos a preparar unha sorpresa para todos os papás, con motivo do día do pai. A actividade consistía en facer a forma das mans de cada crianza e despois decorárona como quixesen, puxéronlle @estrella, corazóns, puntos…e ademais escribiron papá no medio de cada man. E para acabar nun anaco de cartolina escribiron unha mensaxe personalizada para cada papá. Papás esperamos que vos gustara!

E ademais saímos a xogar ao parque cando o tempo permitiuno, e esperamos que empecen a vir os días bos para seguir saíndo a xogar fóra.

Empezamos unha nova estación, a primavera, e con ela espérannos novas actividades. Esperamos que teñades unha boa semana! Vémonos pronto familias!

TEO  COIDA CALO  CO 8M

Benvidas familias! Durante esta semana en Teo  Coida Calo, como xa sabedes estivemos a traballar un día que todos e todas consideramos importante. Estamos a falar do 8 de Marzo, Día da Muller. Cada vez máis, as crianzas están concienciadas sobre o que que significa este día.

Para iso, o primeiro que fixemos foi falar un pouco do que significa ese día e como podemos contribuír todos e todas para axudar, para cambiar un pouco o mundo, por pouco que sexa, todos e todas temos que achegar. Acto seguido, nunha cartolina pegamos  pompones facendo un oito, e despois engadímoslle unha  M e unhas palabras que escolleron entre todos e todas.

Tamén seguimos sacando tempo para saír e xogar ao aire libre, xa sexa con xogo dirixido ou xogo libre,  aínda que ultimamente os xogos con cartas están no posto número 1.

Esperamos que teñades unha boa semana e vémonos pronto con máis novidades!

VIVA O ENTROIDO!

Benvidas familias unha semana máis! Antes das vacacións de entroido, en Teo Coida Calo estivemos a tratar algúns dos entroidos típicos de Galicia. E para meternos máis no tema, vimos como son os peliqueiros. Despois diso, cada crianza realizou a súa propia máscara de peliqueiro, e como puidestes comprobar, quedaron xenial.

Ademais do entroido, tamén tivemos tempo para saír a xogar fose e a gozar do aire, que sempre lles encanta estar a correr por fóra.

Desde Teo Coida Calo esperamos que pasásedes unhas boas vacacións de entroido, e abrigo que comésedes moitos doces típicos desta época! Vémonos pronto familias!

SEMANA DE SAN VALENTÍN

Ola de novo familias! Nesta semana en Teo Coida Calo, decidimos dedicala ao amor. Se, como ledes, o amor. Durante este tempo tratamos os distintos tipos de amor. E chegaron á conclusión de que podemos querer aos amigos e amigas, aos papás e ás mamás, aos irmáns e irmás, etc.

Para iso, representaron a través dun debuxo o que é para eles e elas o amor. Despois ese debuxo regaláronllo a quen eles e elas querían e así demostrar cuantos queren a esa persoa. Tamén fixemos un cadro dun ramo de corazóns.

Tamén acabamos o taller de llaveros, e podemos dicir que quedaron de marabilla. E aínda que o tempo non acompañou, seguimos saíndo a gozar o máximo posible.

Esperámosvos a próxima semana con máis noticias! Feliz semana!

DÁMOSLLE A BENVIDA A FEBREIRO

Benvidas familias! En Teo Coida Calo, estamos a recuperar a actividade normal e xa estamos todos e todas ao completo. Durante esta semana empezamos un taller de chaveiros, cada crianza escolleu o que quería e pasamos a realizar o patrón para despois trasladalo ao feltro. Unha vez listo o patrón no feltro, recortámolo e pegamos. Xa pegado enchémolo, neste caso, de algodón. E dentro de moi pouco poderedes ver o gran resultado.

Ademais seguimos coas lecturas, que lles encantan, e este mes está dedicado á ciencia ficción.

E sen esquecernos do xogo ao aire libre desexámosvos que pasedes unha boa semana e vémonos pronto con máis novas!

RETOMAMOS O RITMO

Ola unha semana máis familias! Debido á difícil situación que estivemos a vivir durante as semanas pasadas, desde Teo  Coida Calo decidimos baixar o ritmo.

Durante este tempo as crianzas estiveron a facer uso do debuxo libre e máis do xogo ao aire libre, xa que estamos a ter moi bo tempo e hai que aproveitar todo o posible.

As cousas están a mellorar e alegrámonos de que xa esteamos todos e coas enerxías recargadas e preparadas para dalo todo e gozar. E por este motivo, imos retomar  as actividades coa normalidade de antes, sen esquecernos de que seguimos nunha situación complicada.

Familias,  estade moi atentos que se  aveciñan  moitas novidades.  Vémonos a  vindeira semana!

ESTAMOS DE VOLTA EN CALO

Ola familias! Desde Teo  Coida Calo esperamos que tivésedes un bo comezo de ano e que esteades todas e todos ben. Sabemos que a situación polo  covid non está a ser a mellor, e por iso temos que coidarnos como ata o de agora e esperamos que pronto todos e todas xuntas superemos esta difícil situación.

Nesta primeira semana do segundo trimestre estamos a aproveitar o bo tempo que temos para así poder saír a gozar do parque. Aquí estamos a gastar todas as enerxías que deron as vacacións de Nadal. Imos aos poucos, e por iso nas seguintes semanas veredes todas as novidades que nos esperan.

Boa semana familias!

ACHÉGANSE AS FESTAS DE NADAL

Xa empezamos un novo mes! E é Decembro, se, un mes cargado de moitas festas que gustan tanto a maiores como ás crianzas. E por ese mesmo motivo en Teo  Coida Calo empezamos a facer algún que outro taller de decoracións do Nadal. O primeiro taller consiste en facer  o noso pequeno árbore de nadal, o primeiro foi pintar a árbore e unha vez que secase puxéronlle  bolitas de  purpurina. O seguinte paso foi recortar rolos de papel á medida que cada un quería e recubrilo con goma  eva de cor marrón, para finalmente xuntar todas as pezas e acabar así a árbore.

Nesta semana tamén tivemos a visita de dous cans, pero esta visita non vai a ser a única, xa que van durar unhas semanas máis. Nesta primeira visita as crianzas acariñaron aos cans e aprenderon cousas sobre a anatomía destes. Ademais a través dun xogo aprenderon que cousas se lle poden facer e que cousas non. E para acabar este primeiro contacto, tanto os de infantil como os de primaria escondéronlle unhas  lambetadas e despois co olfacto tiñan que atopalas. E podemos dicir, que tanto as crianzas como os cans divertíronse unha chea!

Esperamos que o pasedes moi ben esta semana!

VEÑEN SORPRESAS

Ola familias! Como comentamos na anterior noticia, traballamos o día contra a violencia de xénero, o 25  N. Anteriormente  visionamos unha pequena serie e falamos sobre as cuestións básicas sobre o día en cuestión. O seguinte que realizaron as crianzas foi pintar sobre papel continúo uns lazos de cor morada formando un lazo máis grande, a verdade é que tanto as nenas como os nenos

E como xa se achegan o nadal, época que lles gusta moito, xa empezamos a realizar talleres relacionados con estas datas. O primeiro que fixeron foi pintar unha árbore, que decorarán nos próximos días.

Ademais encántanlles os contos e nesta ocasión escolleron uns libros que nos ensinan o que poden facer tanto as nenas e nenos como as mulleres e os homes.

Esta semana está cargada de sorpresas, pero desde Calo non imos dicir nada,  shh é secreto. Se queredes pescudar de que se trata teredes que esperar unha  semaniña máis. Esperamos que pasedes unha boa semana.

CALO EN CAMIÑO DO 25 N

Benvidas unha semana máis familias. Esta semana xa estamos máis preto de conmemorar un día importante, o 25 de Novembro. Como xa sabedes é o día contra a violencia de xénero, e a importancia que ten que desde pequenos aprendan a distinguir esas situacións e porque non deben de suceder máis.

Para iso, empezamos o visionado dunha pequena serie, que trata dunha nena que quere saír do que a sociedade establece como normal polo feito de ser muller e tense enfrontar a diversas burlas e insultos. Despois do visionado  as crianzas tiveron unha charla entre eles na que todos e todas estaban de acordo en que esas actitudes non se poden facer xa sexas home ou muller, porque todos e todas teñen os mesmos dereitos.

Cambiamos de localización e agora temos unha lousa que nos dá moito xogo, por exemplo para explicar mellor algunha dúbida sobre os deberes e á vez usámola para xogar.

E por suposto, non deixamos de saír a xogar fóra, como o  futbol ou xogos na area.

Estad moi atentos para ver o que sucede esta próxima semana.

APROVEITANDO O BO TEMPO

Ola familias! Estamos a ter moi bo tempo, aínda que con algo de frío; e por iso estamos a aproveitar ao máximo para saír a xogar ao aire libre. Temos a sorte de poder usar o parque porque a verdade é que lles encanta xogar coa area, tirarse polo tobogán e inventarse xogos e historias. Todo isto sen deixar de xogar tamén ao agocho inglés, pilla pilla, e a ser papás e mamás.

Esta semana tamén lle dedicamos tempo á lectura e o conto esta vez ía sobre un pequeno monstro para despois cada crianza debuxar como son para eles e elas os monstros e son de cores moi variadas.

E contamos cun taller de globoflexia, co que empezaron a manexar os globos para darlle forma de can e de flor; aínda que polo camiño explotou algún que outro globo. A pesar deses pequenos problemas técnicos o resultado foi o esperado e encantoulles.

Desde Calo esperamos que teñades unha boa semana.

Outono en Calo

Ola unha semana máis familias. Durante esta semana estiveron a traballar o outono e saíron a fóra a recoller castañas para realizar un lapiseiro ao que lle engadiron unhas follas como parte da decoración.

Ademais tamén recolleron follas secas para facer un raposo que quedou moi lindo. E sen deixar atrás a lectura as crianzas máis maiores léronlles contos ás máis pequenas. E xa para ir acabando seguimos aproveitando sempre que podemos para saír a xogar ao exterior.

Vémonos pronto con máis noticias, que pasedes unha boa semana.

SAMAIN EN CALO

Ola de novo! Esta semana estivemos a traballar ou Samaín como xa sabedes. Pois fixeron debuxos sobre o Samaín, e unhas pantasmas e cabazas para as nosas grilandas, para así o mércores poder decorar a biblioteca para nosa propia festa. Na festa comemos uns doces e unhas galletas terroríficas e ao final da semana vimos as cabazas que fixeron para o cole. Ademais tamén puidemos aproveitar un pouco o parque e así xogar fóra. E nesta semana volveremos meternos dentro do mundo dos libros. Boa semana familias!

PREPARANDO O SAMAÍN EN CALO

Xa estamos de volta unha semana máis, e como sabedes achégase unha das noites máis máxicas do ano. E si, falamos do Samaín. E con motivo desta celebración en Calo estivemos a preparar a decoración para nosa propia festa.

Para a decoración decidímonos por facer unhas cabazas, unhas grilandas de cabazas, pantasmas, morcegos e arañas.

Pero non todo foi preparar a decoración, claro que non, tamén estivemos a facer diferentes figuras de papiroflexia, que repetiremos porque tivo moito éxito; en concreto foron uns barcos, uns peixes e uns golfiños. E aínda nos quedou un chisco de tempo para saír a fóra a xogar e así seguir aproveitando estes días bos que temos.

Pronto veremos o que nos espera para a seguinte semana, pero mentres tanto…desde Calo esperamos que teñades unha boa semana e vémonos pronto.

OS PIRATAS MANDAN EN CALO

Hola de novo familias! O tempo como sabedes está sendo moi bo, e en Calo estamos aproveitando para seguir facendo xogos ao aire libre. Decidiron ir ao parque de area e alí ademais de tirarnos polo tobogán e usar o balancín, tamén estivemos facendo uns circuitos, buscando un tesouro e sendo piratas.

E aproveitando que están cos xogo de piratas, comezamos a nosa andaina cas mil e unha historias que levaremos a cabo durante todo o curso. E nesta semana o conto foi sobre…PIRATAS!

E para rematar tamén estivemos facendo uns peixes e delfíns de papiroflexia e xogando cos xogos de mesa que tanto lles gustan. E nesta semana cerca do Samaín está chea de cousas terroríficas…pero para poder velas teredes que esperar unha semana. Dende Calo esperamos que teñades unha boa semana!

BENVIDAS FAMILIAS UN CURSO MÁIS A TEO COIDA CALO!

Xa levamos un mes, e as vosas crianzas viñeron con moitas ganas de pásalo moi ben, aínda que este ano ao ser máis e non coñecerse tiñan algo de vergonza, pero pouco a pouco iso quedou atrás.

Neste tempo estivemos xogando ao aire libre, xa que o tempo o permite. Xogamos ao escondite que sempre triunfa, ao baloncesto, ao brilé, e sen deixar atrás o xogo simbólico. Ademais tamén estivemos debuxando e deixando voar a imaxinación facendo creacións con plastilina; pero sen deixar de facer primeiro as tarefas do cole.

Durante o xogo do escondite descubrimos que temos un castiñeiro, e vimos as diferenzas con respeto a outras árbores que temos ao redor. Decidimos recoller xa que estabamos alí un bo puñado de castañas para levar para casa e poder degustar este froito tan típico do outono.

Estes últimos días xa nos introducimos no mundo dos libros, en vista ao que nos espera nas seguintes semanas do curso. Pero isto é un pequeno secreto para as crianzas, e polo tanto vémonos a seguinte semana!