Teo Madruga Os Tilos

SEMENTANDO O GALEGO

 Boas familias!

Esta semana fíxose máis levadeira co pequeno descanso que tivemos a metade da semana, xa que o martes celebrábamos en Galicia o Día das Letras Galegas. Este ano o homenaxeado foi Florencio Delgado, que aínda que ao longo da súa vida vagou por moitos lugares do mundo, naceu en Galicia e escribiu na nosa lingua.

Os nosos pequenos e pequenas, xa no cole estiveron a traballar a biografía e algún poema deste autor e por tanto, xa coñecían a súa figura. Por iso, para non resultar repetitivos, fixemos un mural dedicado a sementar o galego, onde cada un dos nenos e nenas, dou cor a palabras típicas e fermosas da nosa lingua, esas que a diferencian e a fan especial.

Quen non incluíu no seu vocabulario… Morriña, Bico, Toxo, etc? Estas e moitas palabras cada vez chegan máis lonxe, sendo coñecidas xa por persoas de fora da nosa Comunidade.

Para rematar deixámosvos cun pequeno fragmento dun poema do autor homenaxeado e unha fotografía do traballo realizado estes días polos nenos e nenas do CEIP dos Tilos!

Un,

Dous,

Tres,

Foxen da retorta serpe

Os paxariños dos pés

E as bolboretas das trenzas.

Que calor!

Pouquiño a pouquiño imos cheirando o verán e deixamos de lado o comedor de novo para xogar no exterior.

Estes días estamos adicándoos a aprender novos xogos no que tanto os máis grandes, como tamén os pequenos, desfruten conxuntamente. E os pequenos, esquecendo os seus 4 aniños, non se deixan perder… veñen pisando forte!

Esta semana coñeceron o “Fútbol chino”, un gran círculo, pernas abertas e a meter gol coas mans!

Ademais, como todos e todas sabemos, na actualidade hai tipos de familia do máis variado, polo que esquecemos o Día da pai e o Día do nai que se celebrou recentemente, para facer cada un e unha a súa postal do Día da Familia (15 de Maio).

Desfrutade deste semana tan propia do verán e do finde que logo chega familias!

Xogamos ao Ninja!

 De novo achégase o bo tempo ao CEIP dos Tilos, permitíndonos saír ao patio outra vez. Esta semana estamos adicándoa a coñecer novos xogos, a verdade e que con estes nenos e nenas cada vez que descobren un xogo non queren parar de facer rebanchas.

Menuda temos liada co Ninja! Facemos un círculo, poñémonos en pose de ninjas e zasca! Cun golpe en seco temos que derrotar aos nosos contrincantes.

E temos que presumir un pouquiño, xa que as monitoras tamén gañamos algunha que outra partida, e non contentos/as con iso, queren vingarse!

É incrible o que cambia o humor este bo tempo xa a primeira hora, parece que sacamos máis proveito desde curto instante de madrugadores.

E con isto, chegan as últimas festas dos curso e seguro que algo argallamos tamén. Vémonos axiña!

Feliz día do Libro!

Bos días familias, e así de rápido xa levamos dúas semaniñas do terceiro e último trimestre do curso, pouco a pouco imos chegando ao verán.

O sol fíxonos a boca auga fai unhas semanas, permitíndonos saír a outros patios do centro, pero de volta chegou a choiva e tivemos que deixar a un lado esas pequenas escapadas, para adentrarnos unha vez mais no comedor.

Tamén aproveitamos estas semanas da volta de Semana Santa para tratar a conmemoración do Día do Libro celebrada o pasado sábado 23 de Abril.

Falamos sobre os nosos libros preferidos e así os reflexamos nun pequeno mural, onde cada un dos nosos nenos e nenas fixo a súa propia portada. Ademais, os máis maiores tamén realizaron un dado conta historias, según o número que che toque no dado, terás que inventar una pequena historia cun personaxe, un lugar e unha acción concreta! Parece fácil pero non, cada un fixo as súas propias propostas e … Viñéronse arriba de ideas.

E para poñer fin a esta data, unha das nosas actividades preferidas para os días de choiva… SESIÓN DE CINE! E cal sería a película máis apropiada para un día como este? Sen dúbida, MATILDA! Á nosa cativada estalles encantando…

Ate a semana familias, esperamos poder amosarvos como voltamos aos patios exteriores axiña.

Queridas familias, estamos de volta!.

En Os Tilos extrañamos moito aos nosos cativos e cativas e a verdade séa dita, estabamos desexosas de velos, de voltar as risas, aos xogos e as nosas multitudinarias e intensas competicións.

O tempo nos fai voltar de novo ao interior o quentiño da estufa pero agardamos que sexa por pouco tempo para voltar as pistas do patio. Esas que tanto nos gustan pola multitude de opcións de xogo que nos permite realizar grazas as súas dimensións, así que querido soliño volta xa que o patio cuberto o temos moi visto xa!

Para facer máis amena a espera, ímonos poñer mans a obra xa que preto celebramos o Día do Libro y algunha sorpresiña temos preparada, polo de agora os nosos cativos tiveron a gran idea de expoñer nun tablón recomendacións dos seus libros favoritos.

Queda un último empurrón, o verán está a volta da esquina!

Ánimo cativos!! 

Ate a volta…

Chegamos ao final do segundo trimestre do curso! E os nosos nenos e nenas están máis que esgotados, xa con ganiñas dunhas pequenas vacacións e de que volte o bo tempo que nos fixo a boca auga por poucos días.

Tivemos que olvidarnos esta semana de saír ás pistas e incluso do patio cuberto e voltar a estar ao pé da estufa facendo xogos e actividades no interior.

Esta semana adicámola á Pascua que xa está á volta da esquina, fixemos esta actividade que moitos e moitas xa están argallando regalarlla aos padriños e madriñas que están encargando eses ovos de chocolate tan ricos e que nos fan a boca auga.

Tomamos con moito relax estes días, xa que os máis maiores están cos nervios a flor de pel cos últimos exámenes do trimestre e cas súas calificacións , mentres que os pequenos e pequenas veñen máis durmidiños do habitual e prefiren facer puzzles ou debuxos máis que saír a fora.

Así que despedimos esta fría semana ao pé da estufiña todos xuntiños, e desexámosvos que descansedes moito estas vacacións e repoñades forzas para o último dos trimestres do curso, que temos comprobado que pasa voando.

A desfrutar cos doces e as festas!

Que se note xa o bo tempo!

Estes días sen dúbida a novidade foi… O bo tempo dende primeira hora da mañá! Abrigos fora!

Estaban ansiosos por saír xa do cuberto do patio e ter un pouquiño máis de espazo para desfogar esa enerxía coa que se levanta a nosa cativada. Ademais con este ceo tan azul e esta claridade tan propia do verán permitiunos subir a outro dos patios cos que conta a escola que nos deixa facer algún xoguiño e partido máis.

Brilé, comecocos… Foron os xogos escollidos polo grupo, pero aínda así sempre ten que quedar un ratiño para un pequeno partido de fútbol, á gran maioría de nenos e nenas, tanto grandes como pequenos, organízanse os seus propios equipos e xogan como se fose esto a primeira división. Aínda que é certo que esta paixón futbolística non aparece en todos e todas, a verdade é que estamos moi orgullosas, como monitoras, da gran cohesión grupal que teñen e como organizan os tempos para atender ás preferencias de todos e tamén,  de como inclúen aos máis pequenos e lles ensinan algunhas das regras, diremos aínda así, que os pequenos/as veñen pisando forte e non se deixan pisar, se hai que facer trampas, fanse. Tamén as monitoras participamos nestes partidos, e aínda que se queixan de que por ser adultas imos gañar, o fútbol non é o noso, dende logo…

Xa o curso vai indo alá, e co bo tempo parece que os días pasan máis lixeiros porque hai posibilidade de facer moitas máis cousas!

Pero de momento, seguimos véndonos aquí como cada semana

Benvida

Nos Tilos comezamos a semana dando a benvida á Primavera, e para dar un pouquiño de vida aos nosos espazos, aproveitamos para facer uns debuxos e darlles cor.

Entre todos e todas decidimos que elementos eran característicos desta estación para que formasen parte das nosas guirnaldas primaverais. Flores, bo tempo, cores, froitas de tempada, animaliños… Esas foron as conclusións ás que chegamos coa nosa choiva de ideas grupal.

Tamén aproveitaron os nosos pequenos e pequenas para rir da torpeza dos debuxos das monitoras…

Ademais, gardamos por un tempo os xogos de mesa que nos salvaron os días de choiva para facer xogos no exterior, aínda que algunha gotiña cae, a temperatura é ideal xa dende primeira hora para estar no patio cuberto.

Os/as máis valentes xa sacaron do altillo os pantalóns curtos, e as chaquetas pasan a formar parte das limitacións dos campos e das porterías nos xogos.

O certo é que estes días xa lle cambian a un o humor e sen frío custa menos saír da camiña!

Feliz Primavera a todos e todas, e vémonos prontiño!

Lembrade que pronto cambia a hora!

Moitas risas en Os Tilos co Twister!

Despois duns días moi chuviosos, o tempo nos deu unha pequena tregua para aproveitar de novo o patio que tanto nos gusta e no cal non deixamos de brincar e correr un montón. Inda así, os días de máis friaxe, seguimos preferindo quedar no interior o quentiño da estufa xogando a aqueles xogos de mesa máis demandados polos nosos cativos e cativos.

Entre os nosos xogos, descubrimos o famoso Twister, un xogo de moita coordinación e flexibilidade descoñecido para algún dos nosos pequenos e pequenas. Non sabedes as risas que nos pegamos co inxenio dos máis pequenos e pequenas por manter o equilibrio para seguir aguantando como auténticos campións e campioas e …. que temblen os máis maiores porque non lle lo puxeron nada pero que nada fácil.

Voltamos para a sema con máis novas, ata entón vos agasallamos con esta instantánea do Twister.

Por todas e cada unha das mulleres que cambiaron o noso mundo!

Como cada ano, dende 1975 (data na que a ONU proclamou este día), conmemoramos o 8M como o Día da Muller traballadora ou Día Internacional da Muller, onde facemos visible a nosa forza e empeño por loitar polos dereitos, igualdade e equidade de todas as mulleres do mundo.

Por todas as que xa non poden loitar e por todas aquelas ás que non lle deixan berrar!

En homenaxe a todas elas, que cambiaron o mundo e que loitaron para que no día de hoxe nos atopemos na situación na que nos atopamos, e por toda a forza e empeño que temos que seguir facendo nós e a nosa cativada, para lograr unha igualdade plena.

En Os Tilos facemos esta pequena homenaxe fundíndonos na cor violeta que nos representa, sen esquecer que este esforzo non ha de limitarse ao día de hoxe, senón que será unha loita constante onde cada pequeno xesto, axuda.

Alégranos ver como, pouco a pouco, os máis pequenos e pequenas, traballan dende esta igualdade entre compañeiros e compañeiras, máis non é suficiente, deben ver en nós, nos adultos, ese modelo a seguir, un modelo que impulse pola igualdade e por un mundo mellor.

Así que, como homenaxe tamén a todas vos, deixámosvos esta imaxe que os nosos nenos capturaron de todas nós.

QUE VIVA O ENTROIDO!

Xa chegan as  primeiras mini vacacións do trimestre e os nosos artistas merecen un pouquiño de descanso.

Estes días souberon a pouco, alternando entre descubrir novos xogos de mesa e facer algunha que outra actividade de cara o entroido.

Aproveitamos tamén para facer unha nova sesión de cine que xa facía moito que non viamos, e como non podía ser doutro xeito visualizamos…. RÍO!

Como guinda do pastel, en Os Tilos finalizamos febreiro cunha súper festa de disfraces e imos menear o esqueleto que un pouquiño de festa rachada nunca ven mal!!!!.

De seguro que os nosos pequenos e pequenas nos deixan máis que asoballados cos seus disfraces e algunha que outra pista xa nos andan a deixar, non aguantan as ganas…

Desexamos que pasedes un feliz entroido, que comades moitos doces e que voltemos con moitas ganas de seguir pasándoo así de ben.

Biquiños.

Descubrimos novos xogos.

Sen dubida os nosos nenos e nenas teñen claro os seus xogos do momento, mentres os máis pequenos fan todos os crebacabezas nun vira vira, os máis maiores descubriron o xogo do Jungle Speed e non hai quen llo saque!. Temos cada competición xa a primeira hora da mañá….

Xa estivemos traballando un pouquiño preparando o entroido pero aquí temos tempo para todo! Proximamente vos amosaremos o que estivemos argallando

Rompemos co tópico.

Con motivo das anécdotas e  “cuchicheos” dos nosos pequenos e pequenas, saíu o tema do Día dos namorados, pero e iso que é?

Xa é un clásico celebrar o 14 de Febreiro para os máis amorosos, pero en Tilos decidimos recordar a importancia do amor propio e do amor que temos cara os nosos máis achegados, A QUEN NÓS QUEIRAMOS!.

Por iso, fixemos este marco tan bonito engadindo as iniciais das persoas máis importantes das nosas vidas! Xurdiu sen querelo nin bebelo, un agasallo que a mais de un lle fará mollar os olliños seguro.

E a verdade séa dita, as familias están moi presentes sempre!

En Os Tilos conmemoramos o Día Internacional da paz e a non violencia!

Este domingo, como cada 30 de Xaneiro, conmemoramos o Día da Paz! Por iso falamos cos nenos e nenas sobre este día, o motivo da súa conmemoración, a meta a que se pretende encamiñar con este día  etc.

Deixamos reflexado nun pequeno mural, palabras/valores que para eles representa este día gravándoas nunha pomba típica desta data.

Apertas, bicos, amizade, liberdade, igualdade… foron algúns dos valores que se mencionaron y que para os nosos pequenos e pequenas fan posible un mundo baseado na paz no cal non teña cabida ningún tipo de violencia y que polo tanto debían estar ben reflexados no noso mural.

Non todo é traballar, tamén sacamos tempo para o xogo, polo que continuamos aproveitando este alivio que nos está a deixar a choiva para desfrutar no patio e tamén, os días de máis frío (que non foron poucos) continuamos cos xogos de mesa no interior.

Xa comezamos a dar as primeiras pinceladas do entroido así que pronto vos amosaremos! Nun lugar onde se celebra e desfruta tanto o entroido como en Teo non podíamos esquecelo!

Voltamos axiña, pero mentres recordade estas palabras tan fermosas e importantes que vos amosan os nenos e nenas do CEIP Os Tilos.

Descubrimos o xogo, Fundir a flota!

Tras a volta das vacacións, estas semanas estivemos facendo moitos xogos no exterior, aproveitando que a chuvia nos dou un respiro… pero agora o frío xa puido con nos e preferimos quedar no interior coa estufa facendo diversos xogos o quentiño.

Comezamos xogando á mímica e finalmente, demos cun xogo que foi todo un éxito no grupo, aprendemos a xogar ao clásico “Fundir a flota”, incluso creamos o noso propio taboleiro para xogar tantas veces como queiramos! Os máis pequenos nin sequera o coñecían, máis non tardaron nada en facer as súas estratexias para gañar…. cun xogo tan simple, a de conceptos novos que se poden traballar, xa que moitos iniciáronse no uso das coordenadas!

Ademais, finalizamos a semana preparando unha actividade de cara a conmemoración do Día da Paz ( 30 de Xaneiro) Xa veredes o que traballaron estes pequenos e pequenas!!

Deixámosvos esta idea de taboleiro que creamos en Os Tilos por se queredes coller algunha idea.

Ata a próxima.

Xa estamos de volta! .

Tras un Nadal un pouco atípico, outra vez, voltamos a escola! Algúns con moitas ganas e outros…. Querían máis días para desfrutar dos agasallos que o Apalpador y os Reis lles deixaron nos seus fogares.

Traemos moita enerxía e ganas para este novo ano que entrou, xa pronto se achega o entroido e sabedes o que nos gusta argallar cousiñas por aquí e facer traballar aos pequenos e pequenas dende primeiriña hora da mañá. É incrible coa enerxía coa que se espertan!.

Desexámosvos a todos e todas que rematásedes o ano da mellor forma posible e desexamos tamén que este novo que comeza, solo vaia a mellor.

2022…. Pórtate ben!

Benvidos.

Xa está aquí o Nadal!.

Chegou a época que máis desexan os nosos nenos e nenas, as ansias pero sobre todo a emoción de poder pasar estas datas cos seus seres queridos comezan a reflexarse nos nosos nenos e nenas.

En Os Tilos poñemos o broche de ouro cos nosos últimos talleres do ano, nada máis e nada menos que cunhas postais móbiles, unhas súper estrelas para adornar cadansúa árbore de nadal e unhas guirnaldas de copos de neve. A nosa vea artística volve a florecer e estamos completamente asomados cos resultados, derradeiramente contamos cuns nenos e nenas cun gran talento artístico.

Por petición popular despois de tanto agobio y esforzo polos  exames finais, os nosos cativos necesitan un pouco de desconexión así que adicaremos os últimos días que nos quedan improvisando de novo outro cine nas nosas instalacións, esta vez visualizaremos o filme “El chico que salvó la navidad”.

Queridas familias, despedímonos de todos e todas vos ata o ano que ven dándovos as gracias por todo o cariño que nos facedes chegar, pero sobre todo por confiar en nós e no noso traballo un curso máis. Esperamos que pasedes unhas felices festas que desfrutedes un montón das vacacións  e que os Reis Magos e o Apalpador vos cubran de agasallos a todos e todas.

Vémonos a volta cunha morea de cousiñas novas que xa andamos a argallar, pero mentres tanto….. QUE VIVA O NADAAAAAL !!!.

Moitos biquiños por parte do equipo de monitorado.

A nosa orixinal árbore de Nadal.

Nos Tilos saímonos do clásico! Tal vez a nosa árbore lle falten luces, estrelas, neve.. Pero ten un anaquiño de todos e todas nós, cada unha das súas bolas marca a personalidade e os gustos dos nosos pequenos e pequenas, e para que mentir, tamén as monitoras quixemos vernos inmersas nesta loucura de árbore… pensamos que queda claro que os máis peques do grupo teñen as súas ideas ben aclaradas, ata Sonic e Spiderman aparecer por aquí… pouco máis que folios nos fixo falta para inxeniar unha forma orixinal de por a guinda do Nadal 2021.

Ademais o que comezou sendo argallar uns debuxos cun compás, rematou con todos e todas querendo deseñar as súas propias flores, empregando o que para moitos e moitas era un instrumento que descoñecían, e vendo o ben que quedaron, por suposto que tiñan que formar parte tamén da creación!

Empezamos forte coas actividades de Nadal, e temos argalladas tantas novas ideas por facer que tal vez o que nos falte sexa tempo! Iremos amosando coma sempre todo o que fagamos, que seguro a máis de un e unha lle demos algunha idea para decorar os vosos fogares.

Biquiños.

Maxia potaxia.

Moi boas queridos amigos e amigas, en Os Tilos temos un montón de novas para vos y é que non paramos nin un intre de argallar cousiñas que molan mogollón.

Durante estes días descubrimos o excelente e incrible talento que teñen para a maxia dúas das nosas veteranas nenas. Falámosvos de Lili e Mencia, dúas magas en potencia que nos asombraron a todos e todas cunha exhibición de maxia onde os máis cativos e cativas non puideron saír do asombro co seu talento.

Comeza Decembro, unha data moi desexada polos nenos e nenas xa que en pouco tempo nos atopamos no Nadal e en Os Tilos algún que outro e outra xa comeza a realizar a carta para os Reis Magos. Como non podía ser menos, imos comezar a poñer a punto as nosas instalacións e tende por seguro que ides morrer coa envexa.

Mentres tanto vos deixamos cunhas fotiños da preparación pre-exhibición de maxia de Mencia.

Moitos biquiños.

25N en Os Tilos.

O 25 de novembro conmemorouse o  Día Internacional para a eliminación da violencia contra a muller.

Como os nosos nenos e nenas o están a traballar na escola, quixemos introducir o tema visualizando o corto de “Arturo e Clementina”. En este corto, no que tamén se traballa a igualdade, refléxase unha das violencias mais dañinas: a descalificación e diminución da autoestima.

Este corto dou pe a un debate moi interesante onde vimos os nenos e nenas moi concienciados coas problemáticas da sociedade actual ao mesmo tempo que nos amosaban o seu desexo por radicalos.

Como peche a este importante día, quixemos sumarnos a loita e agasallarvos con esta imaxe que deseñaron e inmortalizaron os nosos cativos.

Sen dúbida, contamos cuns artistas e produtores fotográficos e nós sen sabelo!!!!

Moitos biquiños e ata a semana.

Xa estamos aquí de volta!!.

Como vos adiantaramos estes días, estivemos a facer un pequeno futbolín, aínda non o estreamos pero os nosos pequenos e pequenas están abraiados de como dunha caixa de zapatos, chegaron a facer esta creación, QUE AINDA POR ENRIBA, FUNCIONA!!!!.

Son moitas as ocasións nas que tentamos mercar o xogo mais complexo do mercado, sen ser conscientes da importancia que ten que os nosos nenos e nenas aprendan a inxeniarse material de xogo reciclado. E ademais , como se puxeron deseñando as súas caixas e os seus xogadores!!!.

Esta vez foi un futbolín, pero algo mais argallaremos mais adiante seguro!!

Vémonos de novo, de hoxe nuns días…

Xoguetes caseiros.

Queridos amigos e amigas como xa vos adiantaramos na nova anterior, os nosos nenos e nenas andan a realizar uns futbolins caseiros. Nos están a levar algo de tempo xa que os nosos artistas miden a perfección cada detalle, e verdadeiramente están a quedar moi moi chulos.

As derradeiras competicións volven ao terreo de xogo, falámosvos deses intensos partidos onde Oliver e Benji nos estremecían e nos tiñan a todos tan tan enganchados e coas emocións a flor de pel. Así que a prepararse e entrenar  duramente porque a calidade dos nosos nenos e nenas e histórica.

Mentres tanto deixámosvos unhas fotiños do proceso de elaboración por se algún ou algunha de vos se anima con eles.

Un saudiño

Ata a vindeira Samaín.

Moi boas a todos e todas, que tal a vosa noite de Samáin?. Os nosas nenos e nenas contaron con moito entusiasmo como pasaron esta noite en compañía dos seus familiares e amigos e sabedes que? Máis de un e de unha, atopouse a Santa compaña, sisi como volo contamos, este ano deixouse ver polo noso concello e daban derradeiro medo, tende por seguro que a moitos e moitas se lles puxo a pel de galiña.

Toca despedir os nosos amigos os esqueletos, bruxas, cabazas, morcegos e arañas que nos acompañaron durante este tempo e cos que os nosos nenos e nenas forxaron unha forte amistade, pero de seguro que para o vindeiro ano nos volveran a acompañar.

Agora toca pensar no Nadal que nun abrir e pechar de ollos o temos aí o ladiño, pero ata entón, os nosos cativos van a realizar un taller de xogos caseiros elaborando nada máis e nada menos que…. UN SUPER FUTBOLIN!! Pero veremos o que sae de este experimento…

Deixámosvos cun recordo do nosos pequerrechos cos seus tétricos disfraces e coa nosa primeira sesión de cine.

Unha aperta.

Abracadabra pata de cabra.

Sapos, bruxas e curuxas, en madruga Os Tilos estamos de celebración pois pouco moi pouco queda xa para o Samaín.

Como xa vos adiantamos nas outras novas, as nosas instalacións xa levan un par de semaniñas decoradas para que os cativos poideran desfrutar un pouco máís desta curta, pero arrepiante noite de Samaín.

Durante estes días, fomos testigos do increíble talento dos nosos cativos e cativas que se viu reflexado nas súas creacións a hora de deseñar as súas cabazas, OLLO MÁIS DE UNHA NOS TROUXO PESADELOS PORQUE DABAN VERDADEIRO MEDO.

Vos acordades que tiñamos un segredo gardado? Pois chegou o momento de revelalo….. Os nosos cativos fixeron uns súper esqueletos con bastoncillos que case parece que cobran vida nada máis mirar para eles!!!. Tamén fixeron un pequechiño taller de papiroflexia de teas de araña onde unha vez máis nos gañaron os cativos, asíque o marcador agora se atopa en monitoras 0 – 2 pequerrechos, NON HAI MANEIRA DE GAÑARLLES!!!!.

Para poñer o broche final de ouro, improvisamos un pequeno cine para ver “La casa del reloj en la pared” haber quen será o primeiro ou primeira en pegar un chimpo.

Desfrutade moito do Samaín e coidado coas bruxas.

Conta atrás para o Samaín.

Moi boas a todos e a todas!! Pensades que vos tiñamos abandonados? Pois non, aquí estamos unha semaniña máis para contarvos o que andiveron a argallar estes días os nosos cativos e cativas.

Para comezar, preparamos a nosas instalacións como cada curso para dar a benvida ao Samaín.

Este ano eliximos como temática persoaxes de películas como: “ Pesadelo antes do Nadal”, “Noiva cadáver”, “Coco”, “O retorno das bruxas de Salem” etc, pero non nos esquecemos das terroríficas arañas, morcegos, cabazas e esqueletos que están a causar furor os nosos pequerrechos e pequerrechas.

Como somos moi traballadores e nos encanta o Samaín, temos algo máis argallado pero permanecerá en segredo ata a vindeira noticia. Ata entón queremos compartir con todos e todas vos as nosas partidas ao famoso xogo do “Uno” e o “Virus”, onde as monitoras non facemos máis que perder fronte os nosos e nosas profesionais.

Un saudiño.

Benvidos un curso máis aos nosos queridos madrugadores e madrugadoras.

Un curso máis acaba de comezar e con el o noso servizo ponse mans a obra para dar unha vez máis o mellor de nós e garantir aos nosos pequerrechos e pequerrechas un montón de diversión.

Como tódolos comezos de curso, as primeiras semanas adicámolas ao coñecemento dos novos compañeiros e compañeiras ao mesmo tempo que nos adaptamos de novo a rutina despois de tanto tempo sen horario fixos.

 Ademais, fixemos un repaso as normas e comportamentos que temos que seguir para unha boa convivencia e desfrute deste curto tempo antes de entrar a aula.

Os máis maiores estiveron “axudando” os máis peques a coñecer os novos espazos e as posibilidades de xogo que estes nos ofrecen. Aproveitando o bo tempo que nos queda, estas semanas adicámolas a xogos de coñecemento de grupo.

Andamos a argallar un montón de cousas de cara o Samaín, pero ata entón deixámosvos esta imaxe dos nosos cativos no famoso xogo do twister.

Pronto teredes máis novas sobre nós….

Moitas gracias a todas as familias por confiar en nós e no noso traballo un curso máis.

Un saudiño!!