FORTALECENDO A MEMORIA

Dende hai varios meses o concello de Valga leva a cabo un curso de memoria para maiores. Durante este tempo, realizamos exercicios destinados a fortalecer a nosa memoria a través de diversas actividades, entre elas matemáticas, comprensión lectora, escritura e sopas de letras, entre outras. Ademais, nos obradoiros participamos en xogos variados, que van desde xogos de mesa como dominó e cartas ata actividades como “Pasapalabra”, historias tolas, «dúas verdades e unha mentira», tutti frutti, etc. Sempre nos divertimos moito xogando, xa que o goce é fundamental para mellorar a memoria.