ESTAMOS DE VOLTA!
No Madrugadorxs Pedrouzos logo das tan ben merecidas vacacións de Semana Santa toca voltar a rutina, comezar novo mes e o derradeiro trimestre do curso.
Como xa é habitual, adiantámosvos as actividades que realizaremos o longo deste mes de Abril, que como sempre ben cargadiño de cousas a facer. En primeiro lugar, as datas sinaladas son o 23 de Abril que se celebra o Día Do Libro e rematamos mes coa conmemoración do 29 o Día Internacional da Danza. Qué como festaxeremos estas datas? Pois, para celebrar o Día do Libro contaremos con actividades de contacontos, elaboraremos marcapáxinas e dunha maneira moi orixinal diremos cal é o noso libro favorito. Finalizaremos o mes coa visualización dun filme relacionado coa celebración do Día Internacional da Danza.
Perooooooo…… tamén teremos o tan exitoso Recuncho Científico, que como obxectivo primordial é aprender e descubrir cousas sobre as ciencias, pero co cal tamén pretendemos crear maxia, ilusión e moita imaxinación na nosa cativada, Qué por certo; vistes o que conseguimos facer a pasada vez con un ovo e unha botella?; se aínda non o vistes ide o apartado de fotos e botádelle un ollo. As nosas nenas e nenos quedaron moi sorprendidas e sorprendidos co que aconteceu.
Ademais, non podemos esquecernos do noso mix (pasatempos,debuxos e lectura).
Estade moi atentas e atentos as noticias semanais que igual contamos con máis actividades, novidades ou sorpresas.