CUNTILÍN DE NADAL

Este Nadal no Cuntilín pasámolo xenial. Descansamos dos estudos e da rutina e divertímonos con  actividades moi variadas.  Lemos contos e visualizamos fragmentos de películas típicas destas datas, realizamos obradoiros de reciclaxe como uns renos. Non nos esquecemos de escribirlle a carta a Papá Noel e aos Reis Magos e elaboramos postais  de nadal e outros adornos para decorar a aula e as nosas casas.

 Desfrutamos ó ritmo de todo tipo de xogos: xogos musicais e just dance. Tamén tivemos un concurso de bromas, o día dos Santos Inocentes e unha gran festa de fin de ano, na que lucimos moi elegantes  cos accesorios que previamente elaboramos.

E rematamos “Cuntilín Nadal” con outra festa de despedida e con unha xincana doce, na que despois de diferentes probas levaron algunha lambetada como agasallo.

Un saúdo!

Samaín en O Pino

Este sábado 30 varias ducias de nenas e nenos asistiron á festa de Samaín celebrada no Pavillón Municipal de O Pino.

O concurso de cabazas, obradoiros de samaín e roteiro terrorífico ocuparon tres horas onde os nenos e nenas de O Pino poideron divertirse.

SEMANA EUROPEA DA MOBILIDADE EN VILAGARCÍA

A semana Europea da Mobilidade chegou a Vilagarcía e con ela diferentes actividades, sendo a de urbanismo táctico, baixo o lema: “Os nenos e nenas pintan a rúa” unha das de maior éxito.

Na Avenida da Mariña, no tramo paralelo á Praza da Peixería (nova rúa peatonal ) pintouse un “comecocos xigante”. O mítico xogo dos 80 quedará na rúa para que os nenos e nenas poidan baixar a xogar nel, pero para iso, antes era preciso acabar de pintalo, así que todos aqueles e aquelas que se animaron,  fóronlle dando forma con xices de cores.

As actividades remataron con unha charla informal co ciclista vilagarcián Gustavo César Veloso, que aproveitou a ocasión para animar aos nenos e nenas a empregar medios de transporte como a bicicleta.

Se queredes xogar ao comecocos, xa sabedes a onde ir… saíde a rúa!

MARZO EN TEO MADRUGA

Entramos nun novo mes en Teo, marzo, mes que nos levará á primavera, unha das nosas estacións favoritas pola luz, as cores, e a explosión de vida na natureza.

Destacamos a continuación algunhas das  actividades que desenvolveremos neste mes de moita ilusión e cor:

  • Día mundial da Natureza (3 marzo)

queremos fomentar o respecto e a conservación da natureza, o medio ambiente que nos rodea (centrado na fauna e na flora). Se a coñecemos ben, será moito mais fácil coidala, recordade que “se a coidamos, coidamos o presente e o noso futuro”.

Leer más

De xincana lingüística por Cuntis

O sábado 18 de maio, no pobo de Cuntis non houbo tempo de aburrirse. Durante as máis de dúas horas de xincana dous grupos de cativas e cativos, máis concretamente “As Ninguén” e “Os Pendellos” tiveron que facer probas, probas e máis probas, para conseguir un suculento premio, e nas cales todo o pobo lles axudou.

Final do curso de conservas

Hoxe rematou o curso de conservas do Concello de Dodro. Foron só dúas tardes pero xornadas moi intensas na que se aprendeu pero tamén se disfrutou.

Curso de conservas en Dodro

Onte foi o primeiro día do curso de conservas, vémonos para o sábado 24 de 16:30 a 19:30 horas no local social de Imo.

Xornada de Intercambio

As persoas participantes nos Talleres de Memoria e Alfabetización de Adultos do Concello de Dodro, disfrutaron este venres da II Xornada de Intercambio xunto co alumnado de Meis.

Pola mañá, tivemos a oportunidade de falar sobre a actividade que desenvolven nas aulas, de presentar a realidade de ambos concello, etc.

A continuación, visitaron xuntos os lugares máis emblemáticos do municipio dodrense.

Xa para rematar, que mellor forma de facelo que compartir xantar, e sobre todo compartir moita música e moito baile.

Un día diferente e intenso de intercambio de experiencias.

Cociña e Arte floral

En maio e xuño estanse a impartir unhas sesións de cociña, repostería, e arte floral en diferentes parroquias do Concello de Padrón.

Repostería: 25 de maio en Pazos, 1 de xuño en Cruces, 2 de xuño en Extramundi, 5 de xuño en Carcacía e o 7 de xuño en Angueira de Suso.

Arte floral: 25 de maio en Pazos, 26 de maio en Padrón, 29 de maio en Carcacía e 14 de xuño en Angueira de Suso.