A pesar da situación que se está vivindo, o Concello de Arbo non quería deixar pasar esta data tan significativa 25 de Novembro sen poñer de manifesto a súa posición dun NON rotundo ás violencias machistas. Para iso colocáronse unhas mesas de sensibilización nos lugares máis frecuentados pola poboación, o Concello, o Centro médico e o mercado, onde se informou a toda a poboación que pasou por alí.
Portas quere conmemorar o 25 de novembro con actividades dirixidas especialmente ás muller, pero tamén á poboación en xeral.
ACTUACIÓNS DE SENSIBILIZACIÓN E CONCIENCIACIÓN EN MATERIA DE IGUALDADE
Ao non poder realizalo de forma presencial por cuestións sanitarias, fixéronse en liña. Impartíronse dous cursos, unha de ioga para mulleres e un segundo curso de cosmética natural.
Terminamos as actuacións cunha charla dirixida á poboación en xeral sobre perspectiva de xero que tamén se realizou por videoconferencia.
O Concello de Valga, contou con todos os grupos de poboación para elaborar un audiovisual en contra das violencias machistas.
Para lograr o resultado final, traballouse durante moito tempo con todos os grupos participantes. Foron sesións moi minuciosas cos distintos colectivos, fíxose moito incapé no motivo e obxectivo do devandito traballo, facer chegar a toda a poboación de Valga o mensaxe IGUALDADE, TOLERANCIA, RESPECTO E REXEITAMENTO DAS VIOLENCIAS MACHISTAS.
No Concello de Frades este ano unimos o 8 de marzo co 25 de novembro. A comunidade escolar participou para nun concurso para buscar un slogan e o gañador foi a base da campaña levada a cabo durante todo o mes de novembro. A campaña levada a cabo englobou a todos os sectores de poboación, cada segmento poboacional tivo o seu articulo adaptado a eles. Cartelería, adhesivos, camisetas, mochilas, bolsas, argolas teléfono, pancartas… ata os recunchos máis escondidos recibiron a mensaxe TODO ESTA NA NOSA MAN.
O 26 e 27 de setembro vinte mulleres de Dodro puideron desfrutar dun fin de semana de relax e desconexión no Balneario de Mondariz.
Arredor de quince mulleres do Concello de Caldas, participaron o sábado 19 na «Xornada de empoderamento feminino» que se levou a cabo nas instalacións do Balneario de Mondariz.
Un día centrado no autocoidado e a desconexión.
A Igualdade de Oportunidades entre Mulleres e Homes, así como a erradicación de calquera forma de discriminación e/ou violencia por razóns de xénero; debe ser un dos temas prioritarios a tratar dende as diferentes administracións e organismos públicos e locais.
A finalidade desta xornada en concreto, céntrouse en proporcionar ao sector feminino de Caldas de Reis unha xornada de formación, que se vertebrou en dous eixes principais. Combinando por un lado, actividades lúdicas de ocio inclusivo, e por outro lado, un espazo dedicado a formación e o empoderamento.
Durante a semana do 25 de novembro, o Concello de Dodro, tivo diferentes actividades para todos os públicos.
O luns 25 de novembro ás 13.00 horas tivo lugar, no concello un acto institucional. Ás 20.00 horas, conversas con Juan Fuentes no CPI E. L. Baleirón.
O martes 26, no Centro de Día, dinámica para as persoas usuarias.
O mércores 27, os rapaces e rapazas de 7 a 12 anos tiveron unha saída ao cine a Vilagarcía.
O xoves 28, dinámica para o alumnado da Escola Infantil.
Venres 29, contacontos para o alumnado dos CRA (Bexo, Chenlo, Vigo e Lestrove).
Sábado 30, I Andaina contra a violencia de xénero.
O 2 e o 4 de decembro, Curso de Autodefensa para mulleres ante situación violentas.
No Concello de Frades, estivemos co alumnado do CPI Ponte Carreira.
O luns 2 de decembro, cunha xincana pola igualdade para 3º, 4º, 5º e 6º de primaria e unha sesión expositiva «A perspectiva de xénero na linguaxe cinematográfica» para o alumnado de 1º, 2º, 3º e 4º de ESO.
O martes 3 de decembro co alumnado de infantil e 1º e 2º de primaria co contacontos «Carapuchiña de cores» e unha dinámica.
No Concello de Arbo colocouse unha mesa informativa os días 25 e 27 na entrada do concello e distribución do violentómetro.
O sábado 30, no multiusos, de 10.30 a 12.30 horas, elaboración de un mural igualitario e un taller de chapas.
