O programa de autocoidado desenvólvese dende o mes de novembro no Auditorio Municipal de Valga, co obxectivo de promover o benestar físico, emocional e social. Desenvólvense dúas sesións semanais que teñen lugar os luns pola mañá e os xoves pola tarde, favorecendo así a conciliación, de maneira que as persoas participantes poidan elixir entre o horario que mellor se lles adapte. Entre as actividades que se realizan están centradas en promover o autocoidado de forma integral abordando cuestións coma os hábitos de vida saudables, a realización de actividade física, a xestión das emocións, o autocoñecemento e as habilidades de comunicación, entre outras.