ABRIL EN TEO MADRUGA
Continuamos madrugando en Teo e desenvolvendo diversas actividades nas que destacamos aprendizaxe e diversión.
Ao longo deste mes de abril destacaremos especialmente:
- Día Mundial da Arte (15 de abril)
celebración na que a data coincide co nacemento de Leonardo da Vinci (un dos maiores artistas da humanidade) e que busca dar a coñecer a importancia que ten a arte e sobre todo o pensamento creativo. En relación coas actividades a desenvolver, centrarémonos en aspectos que ás crianzas lles interese especialmente.
- Día internacional da Terra (22 de abril)
máis ca nunca o obxectivo é concienciar sobre os problemas medioambientais e a importancia da conservación da biodiversidade.
- Día mundial do libro (23 de abril)
Fomentar a lectura é o principal obxectivo desta celebración que, por outra banda coincide co nacemento ou defunción de grandes da literatura como Miguel de Cervantes, Shakespeare, Garcilaso de la Vega…
Empregaremos diversas dinámicas e obradoiros que esperten o hábito da lectura entre as crianzas, axudando así a: mellorar a súa expresión, comprensión lectora e o desenvolvemento da imaxinación e a creatividade.
Lembrarvos que, a parte das diferentes actividades cada celebración relacionarase cun filme en valores seleccionado con anterioridade.