Moi boas familias! Pasámonos por aquí para poñervos ao día das nosas aventuras durante esta quenda de nadal do Diverteo.

Durante o primeiro día puidemos coñecer a historia do Apalpador , crear os nosos propios monicreques deste e ata buscar por todos lados os agasallos escondidos. Tras un primeiro día de risas e carreiras adentrámonos de golpe nas diferentes historias navideñas de diferentes persoaxes do mundo como o Tio de Nadal, a Befana ou Julenissen, entre outros, e rematamos o noso día cuns xogos moi do estilo de Papa Noel, nos cales, os cativos e cativas desfrutaron un montón. Tras o día de nadal voltamos con moita enerxía pero moito frío por iso creamos os nosos propios bonecos de neve! Sen olvidarnos, claro está, da nosas tarxetiñas de nadal. E como non podía ser de mellor forma escorrentamos o frío cunha morea de xogos aproveitando os raios de sol.

Isto é todo durante esta primeira semana aquí nos Tilos pero aínda nos quedan uns cantos días para seguir desfrutando. Ata a seguinte!

Damos comezo ao DiverTeo de Nadal na escola de Calo cunha semana chea de ledicia e armonía.

Nestes días tan fríos houbo tempo para xogar e coñecermos máis entre nos: xogos musicais, xogos predeportivos navideños, xogos de memoria… E tamén nos deu tempo para facer unha postal de Nadal e recibir así a Papá Noel. Ademais, rematamos a semana cunha gran xincana navideña, onde o reno Rodolfo nos puxo a proba para ver quen sabía máis sobre o Nadal: panxoliñas, doces típicos, construción dunha árbore coa natureza…

Neste doce Nadal estivemos acompañados de Manoliño, o noso mono élfico que nos axuda a facer máis máxico estas datas. E ensinounos que o mellor regalo é estar todos xuntos/as!!!