Comezamos Xaneiro por todo o alto. Coa volta ao cole, retomamos a Aula Concilia de Mesia, e os nosos nenos do programa descubren unha nova afición: o xadrez. Ademáis, os Reis Magos deixaronnos diversos xogos novos dos que levamos desfrutando todo o mes. O que mais nos gusta son os famosos “Palillos chinos” cos que adestramos a memoria e a capacidade de concentración.
Despois do parón do Nadal as nosas deportistas volven á rutina e con máis forza que nunca, deixámosvos un par de imaxes para que vexades como traballan dende a segunda semana de xaneiro.
Tras as vacacións de Nadal, nas que aproveitamos para reforzar e afianzar aspectos educativos e académicos dunha forma máis lúdica e distendida, dende o Programa de Reforzo Educativo de Muros volvemos a retomar a rutina e o calendario escolar no comezo desta segunda avaliación.
Afrontamos esta metade do curso con maior seguridade, motivación e xa totalmente adaptados ó novo curso. Polo que seguiremos traballando para continuar mellorando e poder facer fronte ás dificultades que se nos poidan presentar nesta nova etapa.
Que bonitas son estas datas de Nadal, nas que os mais cativos teñen tempo de lecer e sobre todo teñen moita ilusión pola chegada de Papa Noel e Os Reis Magos, pero mentres desfrutan das actividades de Nadal neste concello, como foron facer manualidades de Nadal, xogos de Nadal e cantaron panxoliñas.
E o remate tiveron sorpresa de Nadal, que mais se pode pedir.
Despois de uns días de diversión con numerosos xogos, tanto de mesa como deportivos; e talleres de Nadal, os nenos e nenas do campamento de Arbo xunto cos nenos e nenas que participaban nos talleres de Nadal do Concello das Neves foron de excursión o Belén de Valga e como remate final a nosa aventura de Nadal os nosos cativos foron os paxes das súas maxestades os RR. MM. De Oriente.
E vós, imaxinades un lugar onde os nenos e as nenas poden desfrutar dun Nadal cheo de diversión e entretemento?
Pois en Muros si o hai, tanto no seu pavillón de Miraflores como no de Xosé Lago, en Esteiro, a cativada pasouno pipa en estas vacacións de Nadal, deixando voar a súa imaxinación, converténdose en verdadeiros/as presentadores, cantantes, artistas, divertíndose con todo tipo de dinámicas, xogos e moito deporte, creando contos e historias, facendo visitas ó pobo, ilustrando unha chea de bos desexos para o ano novo, ideando novos e orixinais aspectos para os Reis Magos…
Xa vedes familias, unha infinidade de cousas que non deixaron lugar para o aburrimento!
Pasade un feliz ano e vémonos pronto!
Para inaugurar estas festividades a cativada de O Pino fixo un mural dándolle a benvida o Nadal. Neste non faltaba de nada, tiñamos reis magos, bonecos de neve, bastóns de caramelo, renos… e ata neve!
Coa visita de Papá Noel presente nos fogares, os nenos/as quixeron facer o seu propio Papá Noel dándolle un toque moi moderno e persoal.
Para iluminar o noso Nadal realizamos un taller de velas navideñas.
Pero… que é un Nadal sen árbore? Por isto quixemos priorizar os espazos verdes da escola decorando unha árbore do patio con adornos feitos por nós.
Aínda que o frío non deixou de acompañarnos ao longo destas semanas, este non nos permitiu desfrutar de algo tan mítico no nadal como a neve, por iso, creamos os nosos copos que brillan dun xeito ben particular.
Non nos faltou tempo para vestirnos de gala, e con gorros, matasuegras e ata gravatas, preparámonos para dar a benvida ao ano novo.
As doce badaladas inauguraron a entrada do 2024 e continuamos a festa con un gran festival no que tivemos bailes, cancións e ata obras teatrais. E, por certo, non deixedes de vernos guapísimos/as posando no noso photocall!
Continuando coa nosa tradición de festexar a entrada do ano, realizamos un mural no que tamén tivemos oco para os nosos mellores desexos de aninovo, entre o que non faltaba a petición de felicidade e boas novas para os nosos.
Tendo presente a chegada dos Reis Magos de Oriente a O Pino, quixemos recibilos realizando un cadro de nadal no que se observaba a súa silueta entre sombras azuis, brancas e prateadas. Así mesmo, todos nos metimos un pouco no seu papel colocando as nosas coroas reais que cada un/unha personalizou como máis lle gustaba. Consideramos que non había mellor forma de viaxar cos nosos nenos/as da man de Melchor, Gaspar e Baltasar que a través dun bo contacontos, que, por certo, desfrutamos un montón!
Para rematar, recibimos a visita do paxe real o cal lle trasladará os nosos desexos as maxestades de Oriente.
Foron nove días de moitos xogos e diversión nos que só houbo cabida para a ledicia, a ilusión e a compañía
As vacacións de Nadal dos nenos e nenas da comarca de Pontecesures estiveron repletas de xogos, actividades e diversión no Campamento que se levou a cabo do 26 de decembro ao 5 de xaneiro. Nestes días, os participantes coñeceron e reencontráronse con compañeiros e compañeiras de diversas idades, cos que creamos un grupo do máis traballador, participativo e divertido.
Alternando actividades e experimentos manipulativos e artísticos con xogos e saídas ao aire libre, gozamos duns marabillosos días en boa compañía. Cando o tempo o permitía, aproveitamos ao máximo o patio para facer xogos de todo tipo: búsqueda de minerais, carreiras, escondites, experimentación coa area, xogos co balón, entre outros.
Os días de choiva, fixémonos expertos en elaborar agasallos, decoracións e manualidades do Nadal; mesmo tivemos ocasión de darlle a benvida ao Ano Novo deixando plasmados os nosos desexos e propósitos para o 2024!
O pasado 22 de decembro, deuse comezo na Casa Cultura de Dodro o programa de Concilia Nadal, do cal participaron 18 nenos e nenas. Durante estas dúas semanas de vacacións tivemos tempo a realizar diferentes actividades e manualidades. Comezamos o primeiro día con diferentes xogos de presentación para deixar a vergoña e coñecernos entre nós.
Durante os resto de días potenciamos a creatividade realizando diferentes cousiñas baseadas na temática do nadal, como creación
dun mural de benvida, de postais, adornos de nadal para a árbore, títeres, cotillón para celebrar a festa de fin de ano, etc. Tamén experimentamos diferentes texturas realizando bonecos de neve con bicarbonato e auga e creando unas “galletas” con arcilla. E celebramos o fin de ano e por suposto tamén a despedida ado Concilia con unhas festas moi divertidas.
Ademais o día 4, tivemos unha saída a ver aos nosos maiores do Centro de Día, onde se levou a cabo un intercambio de panxoliñas, os maiores ensináronos os que eles tiñan preparados e o nos cantámoslle os que nos levabamos preparando durante estes días e por suposto cantamos xuntos. E como marca a tradición tamén houbo un intercambio de aguinaldos entre os nosos nenos e nenas e as persoas maiores.
¡BO ANO FAMILIA!
Os nenos do Campamento de Nadal do Concello de Mesía desfrutaron de dúas semanas de diversión asegurada. Como era de esperar os nenos sacaron os seus dotes artísticos para facer os globos e bolboretas dos desexos de aninovo, como tamén os remarcaron cos seus bonecos de neve feitos co maior dos cariños.
Ademais, desfrutaron tamén de xogos innovadores, conta-contos, xogos de distensión
e de cooperación e unha sesión de cine. Entre os xogos, o que mais lles gusta sempre é o pobo durme, mais este ano no campamento, as monitoras descubriron que o xadrez lles encanta.
Por outro bando, e como todos os anos, as campás da noitevella tamén soaron no campamento, deixando que os raparigos comeran as súas particulares uvas (gusanitos).
Así pois, esperamos que os nenos desfrutaran das actividades, e repitan nos vindeiros campamentos.
Bo Nadal!!