Durante a celebración das festas de Santiaguiño e Asnot o Concello de Padrón contou connosco para instalar un PUNTO LILA, lugar onde se informa, axuda e proporciónase os mecanismos necesarios en caso de sufrir algún tipo de malos tratos, para poder poñer as medidas oportunas; tamén recibimos a todas aquelas persoas interesadas en recibir información e asesoramento. O horario foi moi amplo de 22:00 a 03:00.
Benvido verán 2021, que ganas tíñamos de que chegases!
Despois dun duro curso académico, marcado sen dúbida pola covid-19, queremos desfrutar do tempo libre máis que nunca. Aínda que seguimos en pandemia, e as medidas hixiénico-sanitarias seguen sendo moi estritas (en canto a lavado de mans, uso de máscara e distancia de seguridade) queremos pasalo ben e xogar cos nosos amigos e amigas!
Por iso, ao longo dos meses de verán, levaremos a cabo as actividades de Conciliación nos concellos de A Estrada, Cuntis, Caldas de Reis, Valga, Arbo, Nigrán, Mesía, Muros, O Pino, e Dodro.
