Remata o mes de maio polo tanto tamen a actividade pinCela os venres en Padrón. Ó longo destes catro venres do mes, os máis pequenos e pequenas da casa, poideron coñecer algunhas obras de Camilo José Cela por medio de obradoiros e xogos.
En esta semana deixaron voar a sua imaxinacion en Pedrouzos, resultando uns debuxos ben particulares.
Ao longo desta semana representamos as pequenas obras de Teatro de Sombras que crearon os nenos e nenas de Calo. Foron catro historias, algunhas máis longas, outras menos, pero que traballaron eles ao cen por cen. Noraboa a todo e todas.
Esta semana en Calo tocou «Teatro de sombras». Fixemos diversos grupos de traballo, e logo de ver un pequeno exemplo deste teatro, cada grupo está elaborando a súa pequena obra.
Estamos polo tanto a crear historias, personaxes….., é dicir, creatividade ao máximo; os resultados poderedes velos a vindeira semana.
Hai que ver como se divertiron estes días os nenos e nenas de Pedrouzos facendo monicreques de man e dedo; con solo cartolina e papel conseguiron cousiñas ben simpáticas.
Como se achega este día tan importante na nosa comunidade, en Pedrouzos comezaron a elaborar un mural no que van a reflexar unha morea de palabras galegas.
Esta semana en Calo continuamos cos xogos de teatro.
Por grupos representaron diferentes accións (un día de excursión, voando no avión…), imitaron diferentes animais…e todo con mímica. Tamén, como exercicio memorístico, fixemos o teléfono estropeado pero cun conto curto.
Hoxe conmemórase o centenario do nacemento de Camilo José Cela. Para que os máis pequenos e pequenas poidan coñecer a súa obra, hai preparados obradoiros e xogos durante todos os venres do mes de maio. Os actividades están abertas a todos e todas aquelas que se acerquen a Rúa Tetuán (en fronte ao parque infantil) entre as 18:30 e as 20:30 horas.
Tamén podedes sacar unha foto no photocall, recreando unha das imaxes do escritor.
Dentro do Plan Integrado de Emprego “Terras de Iria II” que se leva a cabo nos concellos de Padrón, Dodro e Rois, neste momento estase impartindo un curso de alemán.
Esta semana de tres días en Pedrouzos dedicáronlla a facer un florido maio con motivo da chegada deste mes tan cheo de cor.
Nos meses de maio e xuño achegaremos aos nenos e nenas ao derradeiro elemento das artes creativas, o teatro.
O teatro abre aos nenos e nenas as portas cara á creación, á interpretación, e estimula a imaxinación, todo iso dun xeito divertido. Tamén axuda na memorización, a asimilar nocións de espazo e tempo, aumenta a sensibilidade, espontaneidade, desenvolve a linguaxe corporal e as capacidades de auto expresión e creación.
