Entradas

O PINO, UN NADAL CON IMAXINACIÓN

Para inaugurar estas festividades a cativada de O Pino fixo un mural dándolle a benvida o Nadal. Neste non faltaba de nada, tiñamos reis magos, bonecos de neve, bastóns de caramelo, renos… e ata neve!

Coa visita de Papá Noel presente nos fogares, os nenos/as quixeron facer o seu propio Papá Noel dándolle un toque moi moderno e persoal. 

Para iluminar o noso Nadal realizamos un taller de velas navideñas.

Pero… que é un Nadal sen árbore? Por isto quixemos priorizar os espazos verdes da escola decorando unha árbore do patio con adornos feitos por nós.

Aínda que o frío non deixou de acompañarnos ao longo destas semanas, este non nos permitiu desfrutar de algo tan mítico no nadal como a neve, por iso, creamos os nosos copos que brillan dun xeito ben particular.

Non nos faltou tempo para vestirnos de gala, e con gorros, matasuegras e ata gravatas, preparámonos para dar a benvida ao ano novo.

As doce badaladas inauguraron a entrada do 2024 e continuamos a festa con un gran festival no que tivemos bailes, cancións e ata obras teatrais. E, por certo, non deixedes de vernos guapísimos/as posando no noso photocall!

Continuando coa nosa tradición de festexar a entrada do ano, realizamos un mural no que tamén tivemos oco para os nosos mellores desexos de aninovo, entre o que non faltaba a petición de felicidade e boas novas para os nosos.

Tendo presente a chegada dos Reis Magos de Oriente a O Pino, quixemos recibilos realizando un cadro de nadal no que se observaba a súa silueta entre sombras azuis, brancas e prateadas. Así mesmo, todos nos metimos un pouco no seu papel colocando as nosas coroas reais que cada un/unha personalizou como máis lle gustaba. Consideramos que non había mellor forma de viaxar cos nosos nenos/as da man de Melchor, Gaspar e Baltasar que a través dun bo contacontos, que, por certo, desfrutamos un montón!

Para rematar, recibimos a visita do paxe real o cal lle trasladará os nosos desexos as maxestades de Oriente.

Foron nove días de moitos xogos e diversión nos que só houbo cabida para a ledicia, a ilusión e a compañía

Programas de Conciliación de Nadal do 2023-2024

Os programas de Conciliación son un piar fundamental para todas as familias que por motivos laborais e/ou persoais precisan dun servizo de calidade onde deixar aos menores fora do período escolar. Pero ademais, teñen outra función, que é a de liberar ás mulleres das cargas familiares  (coidado dos fillos) que por tradición recae sobre elas principalmente, e que por desgracia na actualidade, segue pasando.

Por outra banda, o Nadal é unha das épocas favoritas das nenas e dos nenos, son días de ilusión, de celebracións, de achegarse ás familias….e por suposto, de vacacións, polo que os programas ou as actividades de conciliación son fundamentais para todas as familias.

Para as actividades do Nadal 2023-20234 dos Concellos de Arbo, Avión, Dodro, Cuntis, Mesía, Muros, Pontecesures e O Pino, SERVICIOS INTEGRALES DE FORMACIÓN (SIF), elaborou un proxecto lúdico-pedagóxico co nome “NADAL CON IMAXINACIÓN” un proxecto coas que as crianzas desfrutarán das vacacións do Nadal realizando  actividades lúdicas, talleres, e xogos no que as/os participantes poderán divertirse empregando a creatividade e imaxinación como piar fundamental.

Fundamental será tamén a creación de diferentes ambientacións dependendo da festividade do momento (noiteboa, nadal, santos inocentes, fin de ano…) sempre tendo en conta os gustos e as inquedanzas dos/as nenos/as, e no que poderán liberar toda a súa creatividade e imaxinación.

ACHÉGASE O NADAL A O PINO!

O mes de novembro comezámolo realizando un gato do más curioso… pero xa na segunda semana comezamos a preparar o Nadal para comezar a decorar as nosas aulas e levar para a casa algún adornos!

Que vos parecen? A que quedaron bonitos?

CONTACONTOS EN O PINO!

Este curso 2023/2024 na actividade extraescolar de contacontos desfrutaremos de moitos contos e realizando actividades para deixar fluír a nosa imaxinación e a nosa creatividade.

Durante a primeira semana, leemos mooitos contos tradicionais como A Bela Durminte, O Gato con Botas, O Libro da Selva, A Bela e a Besta, etc… coa finalidade de falar sobre os seus estereotipos e tratar temas de actualidade como a igualdade de xénero e, incluso, creando o noso propio final dun conto tradicional a través de debuxos! 

Ademais, aproveitando que foi Samaín, fixemos unha manualidade de acordo ca temática debuxando morcegos, cabazas, bruxas, pantasmas,… E despois sempre acabamos ás actividades cantando e bailando!

Ata a próxima familias!

BENVIDAS FAMILIAS DE O PINO A MAXIA!

Este curso 2023/2024 na actividade extraescolar de maxia desfrutaremos de moitos trucos e realizando actividades que teñan que ver coa maxia.

Durante a primeira semana, fixemos xogos de presentación para coñecernos mellor como tamén nos puxemos en acción para aprender diferentes trucos de maxia con cartas, de esconder obxectos, entre outros.

Por outra banda, recibimos unha carta do mismísimo Harry Potter, onde nos relataba os problemas que ten na súa escola e que precisa da nosa axuda para poder combater á todos os villanos. Nos deixaba unha misión de ter que crear o noso propio escudo de maxia!

Ademais, aproveitando que foi Samaín, fixemos unha manualidade de acordo ca temática como morcegos, cabazas, bruxas, pantasmas,…) para decorar os nosos debuxos ou as nosas libretas.

Ata a próxima familias!

Un ano máis teñen lugar as actividades de Papiroflexia e Creatividade!

En Papiroflexia, destinada para os nenos e nenas de Primaria, estamos a descubrir todo aquilo que podemos facer cun simple anaco de papel, realizando figuras moi bonitas e incluso divertidas! Unha rá e tamén origami de Samaín: morcegos e caveiras!

Mentres que en Creatividade, destinada aos peques de Infantil, estamos a fomentar a nosa imaxinación e creatividade, desenvolvendo pouco a pouco a nosa motricidade fina. Incluso fixemos origami coma os maiores!!

Queredes saber máis? Estade ben atentos/as! Comezamos!

Xogos e xoguetes tradicionais e igualitarios

Continuando coas actividades do 8M, estanse a levar a cabo unas xornadas de Xogos e xoguetes tradicionais e igualitarios no CPI Camiño de Santiago no Pino.

Arrancamos hoxe, de 9:30 a 14:10 horas, co alumnado de primaria, recordando que non hai xoguetes de nenos ou nenas, que todas as persoas podemos xogar a calquera xogo.

Maña toca o turno de infantil e primeiro de primaria.