Entradas

SEMANA EN CONTRA DA VIOLENCIA DE XÉNERO

Non concello de Dodro celebramos a SEMANA EN CONTRA DA VIOLENCIA DE XÉNERO.
Ao longo da semana do 18 ao 25 de novembro, fixéronse actividades e material para todos os tramos de idades. Fíxose unha distribución de máscaras e de contos nos centros escolares.
O sábado celebramos a II Andaina cunha boa participación da poboación. O percorrido estaba infestado de frases como as da imaxe en contra da violencia de xénero.
A semana terminou co acto institucional e presentación do calendario igualitario.

COMEZAMOS UN CURSO MÁIS NO TALLER DE ESCOLARIDADE DO CONCELLO DE DODRO.

Voltamos un curso máis coas enerxías renovadas despois do parón que nos obrigou a tomar o COVID-19. Tomando todas as precaucións sanitarias recomendadas de limpeza, ventilación, hixiene, aforo,… seguimos realizando as tarefas escolares diarias e  outras  actividades de reforzo para poñernos ao día con todo o que quedou pendente do curso pasado.

Polo si ou polo non e aproveitando o Samaín tanto en Imo como en Teaio invocamos aos espíritos con esconxuros que o alumunado tivo que realizar para levar ao cole e así botar ao coronavirus ás cunetas!! Tan ben o fixemos que ata un esqueleto visitounos na aula de  Teaio. Que medo!!

E con decembro chegaron as vacacións de nadal!!

Decembro foi un mes de moito traballo, esforzo e nervios para o alumnado do Taller de Escolaridade de Dodro. Tivemos que facer fronte ás tarefas escolares e ás diferentes probas de avaliación que  superamos con éxito. Sentíase tamén o nerviosismo no ambiente porque as vacacións de Nadal estaban á volta da esquina!!

Para relaxarnos un pouco preparamos unha  riquísima receita de  Brownie e para iso seguimos os pasos indicados na nosa “RECIPE”  porque en Dodro non só sabemos galego e castelán senón tamén inglés.

Para conmemorar as festas de Nadal non se nos ocorreu mellor forma que crear a nosa propia árbore de Nadal pero non de calquera forma ou con calquera cousa senón reutilizando materiais como caixas de zapatos, papeis de agasallo vellos, papel de aluminio usado, xornais, envases de iogures… É que en Dodro puxémonos as pilas para coidar o medio ambiente cumprindo coas 3R (Reducir, Reutilizar e Reciclar ). Aprendemos ademais a facer bólas e estrelas de papel para decoralo. Cada persoa tivo a oportunidade de decorar a súa propia caixa de zapatos achegándolle o seu estilo e gusto e non vexades canta creatividade ten este alumnado.

Sentimonos moi orgullosas e orgullosos de como nos quedou a nosa orixinal árbore de Nada!e queremos compartir convosco unha foto! Que opinades? Chulo, non?

Diversión no nadal de Dodro

Durante as vacacións de nadal, as nenas e nenos de Dodro, puidemos desfrutar de diferentes actividades na Casa da Cultura, coma manualidades navideñas ou unha visita o orixinal Belén de Valga. Ademais, tamén fomos de excursión a patinar sobre xeo. Que ben o pasamos!

QUE O RITMO NON PARE!!

No Taller de Escolaridade no Concello de Dodro non paramos!! Que se tarefas de clase por aquí, que se exames por alá,…!! Pero de cando en vez tamén sacamos un pouco de tempo para decorar a Casa da Cultura con motivo do Samaín, superar antigos retos e por suposto para xogar e aprender cousas diferentes!

Nestes días alumnas de cuarto de primaria retomaron algún que outro antigo reto que se resistía ( un quebracabezas de “ Ratatouille”); reto que conseguiron superalo con éxito e por iso sentímonos moi orgullosos e orgullosas!! Outros alumnos animáronse a probar con outro quebracabezas, neste caso de “Os Simpson” e traballando en equipo tamén conseguiron acabalo. Un aplauso para todos elas e eles!!

Sorprendente foi tamén a aparición dunha “Bolsa Misteriosa” que escondía obxectos cotiáns que o alumnado tiña que palpar, adiviñar e logo describir sen nomealos para que o resto das compañeiras e compañeiros descubrisen de que obxecto tratábase. Non podemos negar que pasamos un bo intre nunha tarde chuviosa practicando a expresión oral coa “Bolsa Misteriosa”.

Aínda por riba o noso calendario do mes de novembro lembrounos unhas cantas datas importantes: os aniversarios de dous dos nosos alumnos, o Día Universal do Neno e a Nena (20N) e o Día Internacional para a Eliminación da Violencia contra as Mulleres (25N).

Con motivo do 25N fixemos as nosas tartarugas que representan aos personaxes do conto «Artur e Clementina» de Adela Turin e ilustrado por Nella Bosnia. Trátase dunha historia fabulada que reivindica o rol feminino na sociedade, combate os estereotipos sexistas e denuncia a discriminación. Porque aínda se necesitan obras sobre coeducación e igualdade. E por suposto tivemos unha charla debate ao respecto despois de procer á súa lectura.

Non sabemos que cousas novas traeranos o inverno pero irémosvolas contando!!

Semana contra a Violencia de Xénero en Dodro

Durante a semana do 25 de novembro, o Concello de Dodro, tivo diferentes actividades para todos os públicos.

O luns 25 de novembro ás 13.00 horas tivo lugar, no concello un acto institucional. Ás 20.00 horas, conversas con Juan Fuentes no CPI E. L. Baleirón.

O martes 26, no Centro de Día, dinámica para as persoas usuarias.

O mércores 27, os rapaces e rapazas de 7 a 12 anos tiveron unha saída ao cine a Vilagarcía.

O xoves 28, dinámica para o alumnado da Escola Infantil.

Venres 29, contacontos para o alumnado dos CRA (Bexo, Chenlo, Vigo e Lestrove).

Sábado 30, I Andaina contra a violencia de xénero.

O 2 e o 4  de decembro, Curso de Autodefensa para mulleres ante situación violentas.

Taller de teatro

A semana pasada comezamos un curso de iniciación ó teatro, impartido por dous dos máis grandes profesioais da materia. A continuación unha pequena reseña do currículo de Blanca e Suso.