TeoMadruga Ramallosa

Moi bos días madrugadores e madrugadoras, outra semaniña máis vimos cargadiños de novas.

O pasado día 11 de febreiro celebrouse o día internacional da lingua materna, e no cole da Ramallosa celebrámolo traballando a Cocorico, un conto moi coñecido polos pequenos e pequenas.

Os nenos e nenas puideron desfrutar dun pequeno contacontos e logo realizaron uns poliños moi chulos. Esperamos que vos gusten tanto coma a nos.

Por outra banda, xa andamos preparando novas cousiñas, a parte de seguir coa nosa rutina de xogo libre e de pintar miles e miles de debuxos preciosos.

Isto é todo por esta semana, ata a seguinte!

Moi bos días madrugadores e madrugadoras, toca volver a rutina despois de uns días de merecido descanso, esperamos que todos e todas os desfrutarades moito.

Como hoxe foi o primeiro día de cole despois destas mini vacacións, os nenos e nenas do colexio da Ramallosa tomámolo con moita calma pero aínda así non quixemos perder a oportunidade de adicarlle un ratiño a falar sobre todas esas mulleres científicas, xa que o pasado 11 de febreiro se celebrou o día internacional da muller e da nena na ciencia. Algúns deles contábannos todos orgullosos e orgullosas que as súas nais se adican a este ámbito tan importante como é a ciencia, e algunha nena nos dicía que ela tiña moi claro que de maior se quería adicar a facer vacinas, estamos seguras de que vai ser unha gran científica!

Por outra banda tamén adicaron un tempo a pintar uns debuxos moi chulos, esperamos que vos gusten tanto coma a nos.

Isto e todo por esta semana, ata a seguinte!

Moi bos días madrugadores e madrugadoras, temos moitas novas que contarvos, xa que foi unha semana de moito traballo, pois estamos en época de entroido e maila toda a situación que estamos a vivir, os nenos e nenas do cole da Ramallosa non perderon a súa ilusión por estes días tan especiais.

Comezamos a nosa semana adentrándonos no mundo dos Xenerais do Ulla, xa que aquí no noso concello é unha gran tradición. Os nenos e nenas puideron ver algúns atranques da zona e mesmo algún que outro desfile.

E como bos xenerais tocounos facer o noso propio tricorne, moito traballo nos deron, pero pensamos que quedaron espectaculais. E que é un xeneral sen atranques? Pois mans a obra nos puxemos para organizar un pequeno atranque no noso comedor, porque este ano non podemos velos nas nosas aldeas pero de igual forma poderemos desfrutalos.

Para que vos tamén o poidades desfrutar gravamos un pequeniño vídeo. Esperamos que vos guste moito porque os nenos e nenas traballaron un montón. E que se preparen os xenerais de Teo porque as novas xeracións veñen pisando forte.

Por outra banda e non menos importante, tamén quixemos adicarlle un tempo a facer as nosas propias máscaras, unhas moi especiais e cheas de cor. Quedaron preciosas. Temos uns artistazos e artistazas!!!

E con isto é todo por esta semana. Feliz entroido!!

Moi bos días madrugadores e madrugadoras, esta semana os nenos e nenas do cole da Ramallosa estiveron adicando estes días a facer debuxos sobre o día da paz, xa que o pasado 30 de xaneiro se celebrou o día escolar da paz e non violencia.

Puideron pintar as súas pombas e unhas mans coas que intentamos inculcar o respecto a todas as diferentes culturas e a paz entre elas. Foi unha actividade moi ben acollida por todos  e todas os participantes.

Por outra banda, tamén nos quedou tempo para xogar un pouquiño. Todos xuntos puidemos xogar ao quen é quen e a dark stories, xogo que lles enganchou moitísimo! Iso si, van a ter que seguir dándolle as cabeciñas para poder descifrar os misterios propostos.

E ata aquí esta semana, para a seguinte teremos máis novas. Boa semana!

Moi bos días madrugadores e madrugadoras! Esta semana os nenos e nenas do cole da Ramallosa seguiron traballando as emocións, como ben vos contabamos a semana pasada estamos a traballar a película Del revés.

Estes días puideron realizar os diferentes personaxes da película, alegría, medo, tristeza, asco e furia. Como ben poderedes ver na foto encantoulles furia, polo que fixeron un montón deste personaxe.

Esperamos que vos gusten moito porque a nos parécenos que quedaron incribles.

Por outra banda, gracias a esta actividades, puidemos volver a falar de todas estas emocións con eles e elas. Unha actividade que tivo unha moi boa acollida por parte dos participantes.

Para semana que ven tamén vos traeremos novas, pois xa estamos pensando nas seguintes actividades.

Boa semana!

Bos días madrugadores e madrugadoras, esta semana vimos cargados de novas. En primeiro lugar, querémosvos contar que o próximo día 24 de xaneiro celebrase o día internacional da educación, para introducir este tema, os nenos e nenas do cole da Ramallosa, puideron ver un pequeno vídeo sobre isto, logo puidemos explicarlles a todos e todas a importancia da educación no noso día a día.

Por outra banda, tamén para celebrar este día, imos a traballar a película Del revés (Inside Out).

Como ben sabedes no noso cole é moi complicado ver películas, xa que non contamos cos medios para poder facelo e ao ter tantos usuarios cun portátil non arranxamos pero optamos por poñerlles un pequeno vídeo, xa que ao ser curto o podemos poñer primeiro nunha banda do comedor e logo na outra para que todos vexan. Este  conta brevemente de que vai a película e fálanos de 5 emocións esenciais: alegría, medo, tristeza, furia e asco. Logo disto, falamos cos cativos e cativas sobre esta película, xa que moitos xa a viran, e os que nos dáme a min que xa teñen unha boa idea do que lles vai a pasar aos protagonistas, pero aínda así recomendámosvos que a vexades con eles, é unha moi boa película para entender as nosas emocións.

E hasta aquí o que fixemos estes días, non vos imos a contar o que temos pensado para a semana porque queremos que sexa sorpresa pero deixámosvos unha pequena pista, seguiremos traballando arreo nas emocións. Feliz semana!

Moi bos días madrugadores e madrugadoras, toca voltar ao cole e retomar as nosas rutinas. Dende madrugadores da Ramallosa esperamos que pasarades un bo nadal e sobre todo que veñades coas pilas ben recargadas.

Aínda así, semana tomámola con moita calma para que os nenos e nenas poidan ir adaptándose de novo aos madrugóns. Por iso, os máis pequenos e pequenas levan toda a semana pintando, xa que é o que máis lles gusta, e podendo desfrutar de tempo libre.

Para semana esperamos que as temperaturas suban un pouquiño para poder retomar a nosa rutina de saír a fora a despexar un pouquiño, pero mentres sigamos con este frío tocaranos estar ao quentiño do comedor.

Feliz semana!

Moi boas madrugadores e madrugadoras, antes de contarvos o que fixemos estes días querémosvos desexar un bo nadal e un 2021 cheo de sorrisos e felicidade.

E agora si que si vos contamos o que fixeron esta semana os noso nenos e nenas do cole da Ramallosa. Empezaron a semana con moita ilusión contándonos o que escribiran nas súas cartas a Papá Noel e como non tamén puideron remataron de pintar algúns debuxos e bolas de nadal, actividade que lles fascinou, ían encantados coas súas bolas para a casa, estamos seguras de que lle quedaron unhas árbores preciosas.

O último día xa so contaban os días que faltaban para o 25 de decembro, e contábannos todos emocionados que collían vacacións, teñen moi merecido un pequeno descansiño.

 Pero antes de despedirnos ata xaneiro, os nosos nenos e nenas recibiron unha pequena sorpresa, Papá Noel deixaralles un pequeno agasallo a cada un deles, non poden ter queixa! E isto é todo por este trimestre, ata a volta e bo nadal madrugadores e madrugadoras!

Moi bos días madrugadores e madrugadoras, esta semana temos moitas cousas para contarvos, xa que os nenos e nenas do cole da Ramallosa están moi traballadores. Debe ser o Nadal que os pon moi contentos.

Como ben sabedes, os nosos pequenos e pequenas artistas gústalles moito pintar debuxos, polo que esta semana estiveron pintando un montón deles sobre o Nadal. Pero a pesar disto tamén tiveron tempo para adicar a outras manualidades máis decorativas.

Realizaron bolas de Papá Noel, en cartón, as cales utilizamos logo para decorar o noso comedor, por outra banda tamén puideron realizar unhas pequenas bolas para decorar as súas árbores nas casas, pensamos que van a ter os mellores adornos deste nadal!

A pesar de que xa nos quedan moi pouquiños días para coller vacacións e descansar, os nosos nenos e nenas seguen a traballar arreo para chegar a casa cun montón de manualodades. Con isto so nos queda dicirvos feliz semana e ata o próximo día!

Moi bos días madrugadores e madrugadoras, esta semana os nenos e nenas da Ramallosa chegaron coas pilas ben recargadiñas, despois de desfrutar de uns días de descanso.

A pesar de xa estar de pleno a traballar en cousas relacionadas co nadal, os nosos nenos e nenas non se olvidaron de adicar un tempo aos animais, xa que hoxe dia 10 de decembro celebrase o día internacional dos dereitos dos animais. Para conmemorar este acontecemento realizaron diferentes debuxos e uns marca páxinas con animais que eles mesmos pintaron. Esperamos que vos gusten tanto coma a nos.

E por último so vos imos a contar que esteadas preparado para a semana que ven, xa que están mans a obra con cousas moi chulas. Deica a próxima semana!

Toca darlle a benvida a Decembro, dende madrugadores da Ramallosa estamos moi ilusionados con este novo mes. Os nosos nenos e nenas xa están contando os días que quedan para nadal, parece ser que teñen ganas dunhas vacacións, pero de momento toca traballar un pouquiño.

Esta semana, o día 3 de Decembro, celebrase o día Internacional das Persoas con Discapacidade, por iso os máis pequenos e pequenas estiveron a traballar en actividades relacionadas con este tema. Realizaron diferentes debuxos cos que logo decoramos un paraugas, xa que este ano utilizamos o lema “baixo o mesmo paraugas” para defender a igualdade da diversidade.

Por outra banda, os nenos e nenas xa están a traballar en outras cousiñas, pensando na semana que ven, pero para saber de que se trata teredes que esperar unha pouquiño, vémonos a semana que ven.

Bos días unha semana máis, dende o madruga da Ramallosa temos moitas novidades como de costume.

En primeiro lugar, querémosvos contar que o, 25 de Novembro, celebrouse o día internacional contra a violencia de xénero. Un día moi marcado no calendario, xa que tristemente moitas mulleres sofren esta situación de violencia, por iso quixemos inculcarlle aos nenos e nenas o valor da igualdade entre homes e mulleres. Falamos con eles sobre o tema, algúns xa sabían de sobra a importancia de este día tan negro; pintaron mans con logos contra a violencia; carteis; lazos morados…. Como queriamos que todos vos concienciásedes un pouquiño sobre esta gran problemática tamén fixemos con moita ilusión un vídeo todos e todas xuntas, iso si recordade que sempre mantemos as distancias de seguridade, excepto os irmáns que teñen a gran sorte de poder estar ben pegadiños en estes días que nos toca vivir.

Por outra banda, esta semana tamén tiveron a sorte de poder saír a fora, alí escorrentamos o frío cun par de carreiras e xogando a Simón di.

Pero isto non é todo, xa que xa estamos mans a obra pensando nas actividades da semana que ven, isto é un non parar!

Boa semana, e ata a próxima!

Esta semana os madrugadores e madrugadoras da Ramallosa estiveron a traballar en actividades destinadas ao día internacional da tolerancia, que se celebrou o pasado 16 de novembro. Entre todos fixemos o noso propio mural sobre este día tan importante.

Ademais disto, aos nosos pequenos e pequenas deulles tempo de pintar un montón de debuxos. Están moi traballadores, todo hai que dicilo.

Por outra banda, tamén puideron facer puzzles, xogar cos bloques de construción, o domino… pero iso si, sempre de forma individual, cada un no seu sitio sen levantarse, sen compartir cos compañeiros e con pezas para cada neno e nena.

Estamos moi orgullosas de todos por aceptar e respectar tan ben todas estas novas normas a hora de xogar. Seguide así que o estades a facer moi ben!!

E con todo isto so nos queda contarvos que xa estamos man a obra en outras actividades para a seguinte semana. Esperamos que vos guste o resultado do noso mural e ata a semana que ven.

Dende madrugadores da Ramallosa dámoslle a benvida a Novembro con moitas ganas, pero sobre todo con moitas actividades en mente para realizar todos xuntos.

Antes de ensinarvos novas cousiñas, que xa están a facer os nosos pequenos e pequenas, querémosvos ensinar o resultado dos seus contos sobre Ratatouille, os que  estiveran a realizar durante todo o mes de outubro. Estes contan cun resumo de dita película e un montón de debuxos pintados por eles, están feitos todos uns artistas. Esperamos que vos guste o resultado!

Deica a semana que ven!

Esta semana témola cargadiña de novas, pero vimos coas pilas ben cargadas despois de poder desfrutar deste festivo.

Aquí, no concello de Teo, o 11 de novembro celebramos o San Martiño, polo que os madrugadores e madrugadoras da Ramallosa estiveron dedicando estes días a actividades relacionadas con esta festividade. Realizaron uns marca paxinas moi orixinais, diferentes debuxos de porquiños e unha decoración moi especial para o noso comedor. Deixámosvos  as imaxes para que vexades que chulo nos quedou todo, esperamos que vos guste tanto coma a nos.

Pero ademais disto, os pequenos e pequenas convertéronse en científicos e científicas para celebrar o día internacional da ciencia, que se celebrou o pasado 10 de novembro. Todos xuntos, iso si respectando sempre as distancias de seguridade, elaboramos un experimento moi espumoso e colorido.

E por esta semana foi todo, para a próxima fixo vos traemos moitas máis novidades. Un saúdo e ata a semana que ven.

Dende madrugadores da Ramallosa dámoslle a benvida a Novembro con moitas ganas, pero sobre todo con moitas actividades en mente para realizar todos xuntos.

Antes de ensinarvos novas cousiñas, que xa están a facer os nosos pequenos e pequenas, querémosvos ensinar o resultado dos seus contos sobre Ratatouille, os que  estiveran a realizar durante todo o mes de outubro. Estes contan cun resumo de dita película e un montón de debuxos pintados por eles, están feitos todos uns artistas. Esperamos que vos guste o resultado!

Deica a semana que ven!

Moi bos días! No cole da Ramallosa estamos contando os días que faltan para Halloween, por iso todos os madrugadores e madrugadoras esta semana puxémonos man a obra con diferentes actividades destinadas a este día tan especial.

 A pesar de que este ano non o podemos celebrar como nos gustaría, non queremos que os nosos nenos e nenas perdan a ilusión. Así que na medida do posible decoramos todos xuntos o noso comedor. Para iso os pequenos e pequenas elaboraron unhas mans terroríficas, as cales esperemos que nos vos dean moito medo, por outra banda tamén fixeron pequenos fantasmas con la.

Esperamos que vos guste moito como quedou o noso comedor e deica a semana que ven.

Outra semana máis os pequenos e pequenas da Ramallosa traballaron moito. Deixaron atrás esa semana vagoneta e están máis activos que nunca.

Como ben vos adiantabamos a semana pasada, o 16 de outubro celebrouse o Día Mundial da Alimentación. Para celebralo os nosos madrugadores e madrugadoras estiveron aprendendo un pouquiño máis sobre os bos hábitos de alimentación, realizando todos xuntos unha pirámide alimenticia.

Por outra banda, o 19 de outubro foi o Día Mundial Contra o Cancro de Mama, data que criamos importante marcar no noso calendario, por iso os nosos nenos e nenas solidarizáronse con todas esas persoas que día tras día sofren esta enfermidade, mostrando todo o noso apoio realizando uns lazos rosas con cartolina para poñer nas súas camisetas.

E con todo isto so nos queda dicir, deica a semana que ven!

Esta semana os nosos nenos e nenas do cole da Ramallosa están moi vagonetas, o festivo debéuselles facer demasiado curto. Teñen poucas ganas de traballar e cero inspiración para continuar cos seus contiños sobre Ratatouille, polo que nos plantexan unha pequena folga, queren durmir e descansar!

Como con toda boa folga sempre hai que negociar polo que esta semana saímos a fora a xogar e tomar un pouquiño de aire fresco, que nunca nos ven mal.

No patio os máis pequenos e pequenas puideron estirar un pouco as pernas saltando coma canguros ou con carreiras tan rápidas que algún aínda semellaba o mesmo Usain Bolt. Tamén puidemos xogado todos xuntos a Simón di, pero tranquilos papis e mamis que no noso cole a distancia entre eles está asegurada!

E con todo isto as pilas están de novo recargadas por iso mañá van a traballar arreo na nosa seguinte actividade. Esta estará adicada a celebración do Día Mundial da Alimentación pero para  a semana ensinarémosvos o resultado!

Deica a semana que ven!

Toca darlle a benvida a un novo mes, Outubro. Este chega cargadiño de novas ideas para facer cos nenos e nenas do cole da Ramallosa.

Comeza o CINEMADRUGA. Durante estes meses iremos traballando diferentes películas. Todas estas están escollidas según días de especial importancia marcados no noso calendario.

No cole da Ramallosa non nos é posible ver todas estas pelis, por mor do espazo e as novas medidas tomadas fronte a Covid-19, pero rapidamente pensamos outras ideas iguais de lúdicas e divertidas. De aí que os nosos pequenos e pequenas están a traballar no seu propio conto sobre Ratatouille, a película que nos toca traballar este mes. Imos pouquiño a pouco pero prometemos ensinarvos o resultado destas grandes obras. Pero de momento deixámosvos un pequeno avance do que están a facer os nosos artistas.

Dende o servizo de madrugadores queremos darvos a benvida a este novo curso.

Este ano, como todos e todas sabedes, toca afrontarnos a un curso totalmente diferente ao que estades acostumados, debido a situación que estamos a vivir. Por iso, o servizo de madrugadores de este ano variou un pouco respecto a cursos anteriores, pero a pesar de isto, intentaremos disfrutalo o máximo posible.

Durante este mes de  setembro os máis pequenos forense adaptando as novas medidas adoptadas polo servizo, pero aínda así tivemos tempo para desfrutar. Os nenos e nenas dedicaron este tempo para pintar diferentes debuxos e xogar todos xuntos un bingo de cores.

Por outro lado, querémosvos contar que ao longo destes meses as actividades que levaremos a cabo cos cativos serán todas individuais, para evitar así o contacto físico entre eles, pero está claro que non por iso serán menos atractivas. Intentaremos que todos os nenos e nenas o pasen ben con nos.

Por último, dende os madrugadores da Ramallosa queremos dar as gracias a todos os pais e nais pola confianza depositada no servizo e como non felicitar aos máis pequenos polo ben que o están a facer.