TeoMadruga Calo

XOGAMOS!!

Dende madrugadores de Calo esperamos que pasásedes unhas boas festas, aínda que fosen diferentes!. Acabouse o Nadal e con el as vacacións, polo que tocou volver á rutina.

Os nenos e as nenas de Calo regresaron con moitas ganas de ver aos/ás compañeiros/as, e contar todo o acontecido nas vacacións (xogos, agasallos…), aínda que iso si algo preguiceiros/as, supoñemos que polo madrugón.

A pesar do frío, esta semana non paramos e xogamos a diferentes xogos tradicionais e … deixamos voar a imaxinación!!

 A vindeira semana retomamos de novo o cine en valores con CineMadruga.

Feliz semana a todos e todas!!!

BO NADAL  DESDE CALO!!

Unha semana mais, e xa a piques de acabar o trimestre, achegámonos a todos/as vós para desexarvos de todo corazón que pasedes unhas Felices Festas!!. Sabemos que serán moi diferentes, pero tamén que as afrontaremos con moita ilusión e coa esperanza posta nun novo ano que será o da superación desta terrible pandemia que estamos a sufrir.

En Madrugadores de Calo continuamos e rematamos as actividades de Nadal, e das que xa vistes algúns resultados; árbores de Nadal, bolas de purpurina, Papá Noel e felicitacións para a familia mantivéronnos moi ocupados/as estas derradeiras xornadas, pero a ilusión de todos/as foi sen lugar a dúbida o mellor agasallo para nós.

Agora toca uns días de descanso que as crianzas teñen merecido, xa que este curso está sendo moi complicado e supón un gran esforzo para todos e todas, as nosas  Felicitacións!!! Por suposto tamén para vós familias.

Bo Nadal!! E ata a volta, bicos de Antía, María e Isa.

TEMPO DE NADAL

Estes días en Madrugadores de Calo andamos moi ocupados/as coas actividades do Nadal, que tanto entusiasman ás vosas crianzas, e das que iredes vendo resultados moi pronto.

As vindeiras xornadas, e ata as vacacións do Nadal, aproveitaremos para traballar xunto aos nenos e nenas aspectos como a imaxinación e creatividade, a psicomotricidade fina, a reciclaxe… e algúns valores asociados a esta época do ano, e á pandemia que nos tocou vivir. 

Saúdos familias!!! Boa semana para todos e todas.

BENVIDO DECEMBRO!

Ola familias! Esta semana comezamos decembro, e polo tanto as actividades de Nadal!!

Rematando algunha que outra actividade pendente, continuou a semana coas crianzas facendo e coloreando debuxos sobre estas festas, recordade que é unha das épocas favoritas de nenas e nenos… e maiores tamén!!

Despois dalgún que outro atranco tecnolóxico, rematamos a semana coa visualización de parte da película “Arthur Christmas: operación regalo”, coa que comezamos o cine de Nadal e que captou a atención das crianzas dende o primeiro instante.  

A vindeira semana, máis curta do habitual, remataremos a película e comezaremos as manualidades de Nadal, actividades que causan sempre moita expectación en Madrugadores.

Un saúdo familias!!, ata a vindeira noticia.

UNÍMONOS AO 25N

Boas familias! Nesta semana de Madrugadores de Calo puxémonos as gafas violetas para ver as cousas dende unha perspectiva de xénero e así ser conscientes das desigualdades que sigue habendo a día de hoxe entre os homes e as mulleres.

Esta semana tivo lugar o 25N, día Internacional contra a violencia de xénero; o primeiro foi preguntarlle ás crianzas se sabían que era este 25N e a continuación visionamos dúas curtametraxes: “Slap her” e “Es un abusón Carlitos”. Con elas buscamos a reflexión sobre a violencia contra a muller e o acoso entre nenos e nenas, e que deran o  seu punto de vista sobre estas situacións que a día de hoxe acontecen.

Xa rematando a semana puxémonos mans á obra para facer o símbolo feminino cunha pasta de sal, quedaron chulísimos e nenas e nenos esforzáronse moito na súa elaboración!; foi unha actividade lúdica que dou a coñecer este símbolo entre as crianzas que o descoñecían.

Dende Madrugadores de Calo, moitas gracias a todos e todas.

Un saúdo familias!, ata a vindeira noticia.

MANS E BRAZOS ROBÓTICOS

Ola familias!!, continuamos coas actividades de Madrugadores unha semana mais; xa finalizado o tema da tolerancia, estes días centrámonos na creación dun invento “man ou brazo robótico caseiro”. Propuxemos aos nenos e nenas esta actividade, coa que están entusiasmados/as e coa que traballamos a creatividade, psicomotricidade fina, a reciclaxe – reutilización de recursos, á vez que espertamos neles/as a curiosidade pola enxeñería. 

O grupo de primaria estivo ao longo desta semana: recortando  e decorando o brazo e as diferentes pezas que o compoñen, e recortando outras pezas complementarias. Nos vindeiros días faremos a montaxe e practicaremos o seu uso… agardamos que sexa un éxito, sobre todo polo entusiasmo, esforzo e tempo que empregaron na súa creación.

Por outra banda o grupo de infantil ao longo da semana realizou as seguintes actividades:

  • Elaboración  e decoración da silueta da “nosa man”
  • Man – robótica de cartolina
  • Xogos
  • Debuxos

Isto é todo polo momento, para a semana seguirémosvos informando, pasade unha boa semana!!. 

Un biquiño familias!!!.

INVENTOS  E  TOLERANCIA

Unha semana mais achegámosvos as actividades do Madrugadores de Calo destes días, un menos polo festivo de Teo. Ao comezo da semana nenos e nenas compartiron con todos/as nós aqueles inventos que estiveron pensando e preparando o fin de semana anterior, e familias!, a verdade é que tivemos moita variedade como por exemplo: mochila que nos da todo o que necesitamos para o cole cando a abrimos, un robot que fai e reparte comida, botella de auga que se vai enchendo segundo se vai acabando… e moitos, moitos máis.

Despois dun San Martiño moi atípico, pero dunha xornada festiva que nos permitiu un pequeno descanso, visualizamos o filme “Planet 51”, coa que vamos a traballar a tolerancia e o respecto cara aos demais nos vindeiros días.

Boa semana familias!!, Un saúdo para todos e todas!!.

EUREKA!

Boas familias! Nesta semana de Madrugadores de Calo voltamos a convertir o noso espazo nunha verdadeira sala de cine!

Despois dun luns onde xogamos a un xogo chamado “Dark Stories”, visionamos o filme de “Lluvia de albóndigas”, despois dunha curta presentación onde falamos sobre algúns datos de interese dimos a coñecer o que eran os inventos e os inventores/as.

Tamén levamos a cabo unha busca, posterior ao visionado, sobre os distintos inventos creados ata agora como a radio, o futbolín, o bolígrafo, a tostadora, etc.

Neste venres, último día da semana, falamos e vimos unha presentación sobre os grandes inventos da historia, onde se incluían os diferentes inventores (destacando a Marie Curie polos seus descubrimentos ao redor da radioactividade e algúns elementos radioactivos).

Para a semana as vosas crianzas serán as protagonistas, darémoslles a oportunidade de ser elas as inventoras, con que nos sorprenderán?

Dende Madrugadores de Calo, moitas gracias a todos e todas.

Un saúdo familias!, ata a vindeira noticia.

MOITO MAXÍN HAI NO SAMAÍN !!!

Ola familias!! Esta semana a dedicamos  a preparar este terrorífico Samaín!. Ao longo da semana realizamos diferentes debuxos relacionados con esta festividade: pintamos bruxas, morcegos, cabazas e incluso zombis e momias!!; ademais aproveitamos a actividade para levar a cabo un concurso de debuxos para aqueles máis terroríficos e orixinais!, tivemos 4 gañadoras, dúas pequenas de infantil e dúas maiores de primaria Parabéns!!.

Aproveitamos esta festividade para que as crianzas fixeran polo menos unha cabaza, e tendo en conta que este ano non podía ser de verdade fixémola de cartolina, aportando cada crianza a súa imaxinación, quedaron chulísimas!!.

Engadir que este venres todas as crianzas viñeron disfrazadas de personaxes terroríficos, moi logrados a verdade, e estivo xenial!!.

Antes de rematar destacar que estamos moi contentas con todas as crianzas, e aínda que vivimos esta situación tan estraña e diferente a outros anos, estanse portando súper ben e cumprindo as regras unha semana máis.

Dende Madrugadores de Calo, moitas gracias a todos e todas.

Un saúdo familias!!, ata a vindeira noticia.

DESCUBRIMOS O MUNDO DE FANTASÍA DE CORALINE

Comezamos a semana en Calo coa película “Os mundos de Coraline”, primeira das actividades relacionadas co Samaín; a través dela nenos e nenas descubriron un mundo de fantasía inacabable, pasaron algún pequeno momento de “medo” (eh!, pero moi pouquiño e baixo control, non vaiades a pensar mal…) á vez que fomentábamos entre eles/as a curiosidade, a coraxe, o valor do esforzo, a comprensión e a importancia da familia (independentemente do seu tipo).

O resto de xornadas dedicámolas a rematar algunha pequena actividade pendente, aos xogos individuais, a colorear debuxos de Samaín, e a un taller de chaveiros moi orixinal que fixemos con pompóns de cores e os nomes dos/as nenos/as que, rapidamente colocaron nas súas mochilas.  Boa semana para todos e todas, ata a vindeira semana!!!

NOVOS MOMENTOS LÚDICOS NO TEO MADRUGA DE CALO

Esta semana continuamos en Calocoas actividades de “Ratatouille”, película proxectada con anterioridade, e un recurso excelente para traballar diferentes aspectos.

O grupo de nenas e nenos de infantil centrouse estes días en:

  • Colorear debuxos sobre a peli
  • Facer un pequeno rato de papel (manualidade de colorear e pegar)
  • Colorear  debuxos dos  seus personaxes animados favoritos
  • Elaborar un quebracabezas, individual, de Ratatouille
  • Facer o Semáforo dos alimentos (relacionar os alimentos mais ou menos sans coas cores dos semáforos)

Por outra banda, o grupo de nenas e nenos de primaria dedicaron estes días a:

  • Manualidade de “papiroflexia” (rato de papel marca-páxinas)
  • Colorear debuxos sobre a película
  • Elaborar un quebracabezas, individual, de Ratatouille
  • Rematar a pirámide dos alimentos (non todos/as…)
  • Colorear  debuxos dos  seus personaxes animados favoritos
  • Xogos individuais e lectura

Semana intensa e lúdica no Madrugadores de Calo, continuará…

Boa semana familias!!!, ata a vindeira nova.

COÑECEMOS DUNHA MANEIRA LÚDICA A BO ALIMENTACIÓN

Ola familias! esta semana adicámonos a transformar o noso comedor nunha auténtica sala de cine!

A principios de semana comezamos a ver a fantástica película de “Ratatouille”, unha película na que o noso protagonista é un pequeniño rato que o único que desexa é chegar a ser un gran chef. Isto non lle ía ser fácil e, esta película, conta todos os momentos polos que pasou o noso pequeno amigo para poder cumprir o seu soño xunto a un montón de amigos!! Traballando así os valores da amizade e de superación, por todos os problemas aos que se enfrenta e a de novas amizades que fai o noso pequeno protagonista ao longo do filme.

Grazas ao cole puidemos usar o proxector e facer un cine como ten que ser, respectando as medidas e moi orgullosas das crianzas, xa que cumpren moi ben con todas as medidas do protocolo e son moi responsables.

Para rematar, cando finalizamos o visionado do filme, xogamos un aforcado coa frase do chef Gusteau, ademais realizamos unha pirámide alimenticia para saber cómo estaban as nosas crianzas co tema da alimentación que tanto nos preocupa!

Dende Madrugadores de Calo, moitas grazas a todos e todas.

Un saúdo familias!, ata a vindeira nova.

BENVIDOS/AS, MADRUGADORES E MADRUGADORAS DE CALO

Regresamos ao cole!!, este ano dentro dunha “nova normalidade” moi diferente aos outros anos, pero coas mesmas gañas e ilusión de sempre.

Ao longo do pasado mes de setembro, as nenas e os nenos de Calo adaptáronse moi ben ás novas características do servizo (protocolo de entrada ao servizo, actividades individuais, con distancia e sen contacto e protocolo de entrada ao cole).

Aproveitamos as xornadas de setembro para elaborar diferentes xogos (oca e xogos de asociación), algunha que outra manualidade (marca páxinas, monicreque – dedo, cartel porta) e por último un estoxo de goma eva para gardar, con toda seguridade, a máscara no momento de almorzar e xantar.

Comentarvos por último, que estamos moi orgullosas dos vosos nenos e nenas, xa que se están adaptando moi ben a todo, e están sendo para nós uns campións e unhas campioas; Parabéns!!!

Dende Madrugadores de Calo, moitas gracias a todos e todas.

Un saúdo familias!, ata a vindeira noticia.