CUNTILÍN NADAL

Ola, familias!

No Cuntilín de Nadal pasámolo moi ben e fixemos gran variedade de actividades, todas elas moi divertidas. Realizamos un taller do apalpador, escribimos a carta a papá Noel, levamos a cabo obradoiros como: felicitacións tridimensionais, marionetas, disfraces…  e outros con materiais de reciclaxe como: bastóns con corchos.

Por outro lado, tamén xogamos a “pon o naris a Rudolf”, “buscando as estrelas”… e  tivemos celebracións como a de fin de ano cos nosos antifaces e gorros  ó ritmo da música.

Para poñer o broche final, incluso recibimos a visita dos Reis Magos de Oriente, que chegaron por sorpresa ó Cuntilín para escoitar de propia voz dos nosos nenos e nenas os agasallos que lles pedían.