Un ano máis, o Concello e o CIM de Mos celebra as «III Xornadas da Muller: Conciliación Familiar: realidade ou utopía» dentro da programación conmemorativa do 8M, Día Internacional da Muller.
Se queres participar só tes que inscribirte ou ben, descargando a ficha de inscrición que achegamos deseguido e enviandoa a xornadas.8m.mos@sifservicios.com ou ben de forma en liña cubrindo a ficha que atoparas no seguinte enlace: inscrición en liña
Os nenos en nenas do servizo de Madrugadores do Concello de Mesía, con motivo do 8 de Marzo, fixeron unha asemblea na que coñeceron de primeira man a historia deste gran dia da Muller.
Nel, nenos e nenas puxeron en común as distintas propostas para conmemoralo e como axudarían a que non houbera desigualdades entre homes e mulleres.
Para rematar dita asemblea, os nenos fixeron unha postal co lema de: “Todo o que se fai se non se ve é como se non se fixera” .
Bravo por todas as mulleres do mundo!!!
O Concello de O Pino quere celebrar, un ano máis, o día da muller, primeiro cunha Andaina pola igualdade e a lectura do manifesto institucional e despois coa axuda do comercio local promovendo a reflexión sobre a igualdade de xénero.
No Concello de Frades colocou, aproveitando días de feira, un Punto lila na Ponte Carreira e outro en Abellá. Tamén estará dispoñible na casa consistorial para calquera consulta ou información.
Con motivo do 8 de Marzo, Día Internacional da Muller, o Concello de Portas en colaboración co Colexio C.P.I. Domingo Fontán, realizou varias actividades dirixidas ao alumnado de infantil e de primaria durante esta semana.
Durante a tarde e hoxe e mañá levaranse a cabo, no Concello de Mos, unhas xornadas que levan por título “Xornadas MULLER E TRABALLO. Dereitos laborais, conciliación e corresponsabilidade no traballo”.
Ó longo destas dúas sesións intervirán varias profesionais da materia onde falarán de diferentes temas como os dereitos laborais, conciliación e corresponsabilidade, a carga mental, síndrome BURNOUT ou muller e discapacidade entre outros.
Continuando coas actividades do 8M, estanse a levar a cabo unas xornadas de Xogos e xoguetes tradicionais e igualitarios no CPI Camiño de Santiago no Pino.
Arrancamos hoxe, de 9:30 a 14:10 horas, co alumnado de primaria, recordando que non hai xoguetes de nenos ou nenas, que todas as persoas podemos xogar a calquera xogo.
Maña toca o turno de infantil e primeiro de primaria.
Co nome de Pioneiras en Redes Sociais «As lavandeiras», o domingo 12 de Marzo no multiusos de Arbo, dito concello quixo homenaxear a esas mulleres que forma parte da nosa historia e que marcaron unha época.
Quixeron por en valor esas mulleres que tiñan que traballar na casa, fora e coidar os nenos,e que ir o lavadoiros supuña para moitas un escape, un poder falar con outra xente, un poder enterarse do que pasaba no pobo, o que hoxe en día veñen sendo as redes sociais.
O Concello de Pontecesures conmemorou o 8M, Día da Muller, cun amplo programa de actividades baixo a lenda “Pontecesures pola igualdade”. A primeira desas actividades foi o domingo 5 de marzo: un photocall na Plazuela en horario de 11:00 a 14:00 horas. Dito photocall, o martes 7 desprazouse ó colexio de Pontecesures e o propio 8 de marzo estivo na praza de Abastos onde tamén, ás 12 horas tivo lugar a lectura do manifesto.
Estes tres días houbo sempre unha mesa informativa onde se repartiu material conmemorativo entre a veciñanza para concienciar á sociedade en iguadade.
Por outra banda, o 8 de marzo, ás 10:00 horas, tivo lugar unha nova reunión da Mesa Local de Igualdade, na que estiveron representados o Concello, as asociacións e clubs deportivos, os grupos políticos municipais e a Anpa, baixo a presidencia do alcalde de Pontecesures, Juan Manuel Vidal Seage.
Este domingo 12 ás 17.30 horas, no Centro Multiusos de Arbo, terá lugar o acto conmemorativo do Día da Muller.
Este ano quérese dar visibilidade as PIONEIRAS en “Redes Sociais”, as lavandeiras.
