CUNTILÍN NADAL

Ola, familias!

No Cuntilín de Nadal pasámolo moi ben e fixemos gran variedade de actividades, todas elas moi divertidas. Realizamos un taller do apalpador, escribimos a carta a papá Noel, levamos a cabo obradoiros como: felicitacións tridimensionais, marionetas, disfraces…  e outros con materiais de reciclaxe como: bastóns con corchos.

Por outro lado, tamén xogamos a “pon o naris a Rudolf”, “buscando as estrelas”… e  tivemos celebracións como a de fin de ano cos nosos antifaces e gorros  ó ritmo da música.

Para poñer o broche final, incluso recibimos a visita dos Reis Magos de Oriente, que chegaron por sorpresa ó Cuntilín para escoitar de propia voz dos nosos nenos e nenas os agasallos que lles pedían.

SUPERAMOS NOVEMBRO CON ESFORZO E TRABALLO!

E chegou novembro ao Taller de Escolaridade do Concello de Dodro e con el as choivas, o frío, os temporais, as tarefas escolares e os exames!

 Foi un mes cheo de traballo para o alumnado de primaria que aos poucos e con esforzo foi facendo fronte a este mes para superalo con éxito.

Aínda que estivemos moi ocupados e ocupadas cos retos escolares do mes de novembro, nada nos impediu facer a nosa pequena parede conmemorativa do 25 N: Día Internacional da Eliminación da Violencia contra as Mulleres porque hai cousas que si que importan e moito: STOP VIOLENCIA DE XÉNERO!

Esperámosvos para decembro que seguro que nos depara moitas novidades!!

COMEZAMOS UN CURSO MÁIS NO TALLER DE ESCOLARIDADE DO CONCELLO DE DODRO.

Voltamos un curso máis coas enerxías renovadas despois do parón que nos obrigou a tomar o COVID-19. Tomando todas as precaucións sanitarias recomendadas de limpeza, ventilación, hixiene, aforo,… seguimos realizando as tarefas escolares diarias e  outras  actividades de reforzo para poñernos ao día con todo o que quedou pendente do curso pasado.

Polo si ou polo non e aproveitando o Samaín tanto en Imo como en Teaio invocamos aos espíritos con esconxuros que o alumunado tivo que realizar para levar ao cole e así botar ao coronavirus ás cunetas!! Tan ben o fixemos que ata un esqueleto visitounos na aula de  Teaio. Que medo!!

Xornada de empoderamento feminino

Arredor de quince mulleres do Concello de Caldas, participaron o sábado 19 na «Xornada de empoderamento feminino» que se levou a cabo nas instalacións do Balneario de Mondariz.
Un día centrado no autocoidado e a desconexión.