Lecer Nadal en O Pino

Ola familias!

Un ano máis, terminamos o noso campamento de Nadal, Lecer Nadal. Foron uns días intensos, con moitas emocións e alegrías. Xogamos, rimos, cantamos… ata nos transformamos en animais! Grazas a todas as cousas que fixemos, temos a árbore de Nadal rebosante de adornos. E é que temos desde un bastón de caramelo ata un Papa Noel de cartón ou unhas coroas que nos fixeron vestir a maxia do Nadal.

Aprendemos o que significan as 12 uvas e celebramos eses días especiais cos nosos amigos, ademais de facelo coa familia.

Máis dun día volvemos a casa coa cara e os brazos decorados despois de rirnos unha chea con esas orixinais transformacións, e é que calquera momento é bo para rir e gozar!

Como todo o bo chega ao seu fin, este ano terminóullenos, pero esperamos volver vernos o ano que vén.

Feliz Ano a todxs!

Concilia Nadal Pontecesures 2019 / 2020

Este Nadal varios nenos e nenas de entre tres e doce anos déronse encontro no anexo do pavillón municipal, onde aproveitaron para entablar novas amizades e reforzar aquelas que xa fixeran en verán.

Durante estes días tiveron a oportunidade de crear os seus propios adornos de Nadal, que este ano encheron os seus fogares. Ademais, coñeceron así tradicións doutros lugares nestas datas, crearon a súa propia árbore de Nadal e, por suposto, xogaron.

Tamén tiveron a oportunidade de coñecer ós Bolechas e incluso ó Alcalde! Que veu facernos unha visita.

Non podía faltar tampouco un Obradoiro sobre os Santos Inocentes, encántannos as bromas!

No Concilia Nadal tamén quixemos despedir o 2019 por todo o alto así que creamos os nosos propios accesorios para despedir o ano e fixemos as nosas propias badaladas, xa estabamos listos para o 2020!

Antes da noite de Reis, creamos os agasallos que lles queriamos facer e escribimos a nosa carta para que non se esquecesen de nada.

O último día, aproveitamos para despedirnos ata a próxima cunha gran festa e fixemos un Obradoiro de cociña onde dende os máis pequenos tiveron a oportunidade de poñerse mans á masa!

Sen dúbida, foron uns días de Nadal para non esquecer!

Obradoiros de Nadal en Vilagarcía

O amigo invisible

O día de noite boa fixemos un obradoiro do amigo invisible en praza Galicia no cal os nenos e nenas que paseaban pola rúa achegábanse e facían bastón con cortiza para colgar nas arbores de Nadal que eles quixesen. Estes bastóns ían decorados segundo o gusto de cada cativo ou cativa, xa que eran eles mesmos os que os pintaban, debuxaban e mesmo lle poñían o nome.

Con broches de Nadal

Na tarde do 24 de decembro estivemos na praza da II República xunta o parque e ningún neno ou nena que pasaba por diante se podía resistir a parar e facer una chapa de Nadal. Había tres modelos diferentes e querían facer unha de cada. Cada quen que pasaba polo noso obradoiro saia cheo de chapas.

Vilagarcía recicla e crea instrumentos

Nesta xornada fixemos castañuelas con goma eva e tapóns e tamén maracas con tubos de papel hixiénico e arroz, para así poder cantar panxoliñas acompañados de música e aprender que das cousas recicladas poden saír cousas moi útiles e divertidas.

Enchemos as árbores de Nadal de pasta de modelar

Que tarde mais entretida pasamos, non paramos de facer estrelas, botas, bastóns, bonecos de neve e arbores e cada nenos e nena decorábaos ó seu gusto como por exemplo o seu nome, con adornos, facéndolle caras e moitos mais detalles que facía que cada un dos adornos foran especiais e os país e nais encantados e encantadas coa alegría de ter un adorno feito polo seus nenos ou nenas. Que tarde mais divertida!

Xoguetes con materiais de refugallo

Que día mais divertido esta mañá fixemos barcos de cortiza e coches de tubos de papel hixiénico. Todos os nenos e nenas estaban emocionados por facer os seus xoguetes con materiais de refugallo.

Facemos as cartas aos reis

Unha tarde moi intensa xa que só faltaban tres días para que chegaran os Reis Magos e una chea de cativos e cativas acercáronse para vir facer unha carta moi orixinal para despois na casa escribirlla e mandarlla aos Reis para que así veñan cargadiños de agasallos.

Remate do Campamento de Nadal do Concello de Arbo

Nestes días os nenos e nenas puideron desfrutar do bo tempo con multitudes de xogos o aire libre,  e tamén acompañando a Gaspar na cabalga de reís.
Pero non todo foi xogar fora, tamén tiveron actividades no interior como facer un belén cas figuras en plastilina, decorar unha árbore de Nadal para adornar a aula; ler contos e facer manualidades.

Cuntilín Nadal

Este Nadal, no Cuntilín, estivemos moi entretidos  e entretidas, pois levamos a cabo actividades de diferente índole. As máis salientables foron: Obradoiros como: Renos, postais de Nadal e outros adornos navideños.

Non nos esquecemos de escribirlle a carta a Papá Noel para pedirlle os nosos desexos máis ansiados.

Os xogos cooperativos, deportivos e os musicais tamén foron parte importante deste campamento: “ A búsqueda de Papá Noel”, “Carreiras de Rudolf”, “Atrapa o reno”, etc.

Aproveitamos o bo tempo para ir a desfrutar do parque.

E como non, celebramos unha gran festa de fin de ano, na que todos e todas nos puxemos das mellores galas para celebrar o gran día, no que non faltou nada: campanadas, merendola, baile…

Despois deste descanso, estamos preparados e preparadas para voltar o cole con enerxía…

Ata a próxima, familias!

E con decembro chegaron as vacacións de nadal!!

Decembro foi un mes de moito traballo, esforzo e nervios para o alumnado do Taller de Escolaridade de Dodro. Tivemos que facer fronte ás tarefas escolares e ás diferentes probas de avaliación que  superamos con éxito. Sentíase tamén o nerviosismo no ambiente porque as vacacións de Nadal estaban á volta da esquina!!

Para relaxarnos un pouco preparamos unha  riquísima receita de  Brownie e para iso seguimos os pasos indicados na nosa “RECIPE”  porque en Dodro non só sabemos galego e castelán senón tamén inglés.

Para conmemorar as festas de Nadal non se nos ocorreu mellor forma que crear a nosa propia árbore de Nadal pero non de calquera forma ou con calquera cousa senón reutilizando materiais como caixas de zapatos, papeis de agasallo vellos, papel de aluminio usado, xornais, envases de iogures… É que en Dodro puxémonos as pilas para coidar o medio ambiente cumprindo coas 3R (Reducir, Reutilizar e Reciclar ). Aprendemos ademais a facer bólas e estrelas de papel para decoralo. Cada persoa tivo a oportunidade de decorar a súa propia caixa de zapatos achegándolle o seu estilo e gusto e non vexades canta creatividade ten este alumnado.

Sentimonos moi orgullosas e orgullosos de como nos quedou a nosa orixinal árbore de Nada!e queremos compartir convosco unha foto! Que opinades? Chulo, non?

Diversión no nadal de Dodro

Durante as vacacións de nadal, as nenas e nenos de Dodro, puidemos desfrutar de diferentes actividades na Casa da Cultura, coma manualidades navideñas ou unha visita o orixinal Belén de Valga. Ademais, tamén fomos de excursión a patinar sobre xeo. Que ben o pasamos!

Unha semana chea de diversión!

Bo día a todos e todas, o campamento no Concello de Porriño chegou o seu fin. Foi unha semana chea de enerxía, onde os mais cativos da casa desfrutaron do tempo xogando cos seus amigos e amigas. Ademais, fixeron diversas manualidades do Nadal e se sumerxiron nas incribles aventuras de Papá Noel.

Ata a próxima!!